استويت كبيرة في العمر

**وله العيون** · 2014-09-28, 13:17

السلام عليكم ..

عندي مشكلهـ عوويصصه .. انا صاار عمري 30 وبعدني ما حمملت ووايد احاتي هالشي ووايد حزييييينه احس خلاص كبرت في العمر وايد اتحسر على اشياء ما سويتها قبل ..واقول خلاص فاتني العمر ما باقي شي عسب اوصل سن اليآس واستوي عيوز بتقوولوون تفكيري سلبي جدا هيييه انا جي تفكيري هالكم يوم وخصوصا اني عرست هاي السنة وما يبت عيال ..واخاف اتاخر في الحمل ويصير عمري اكبر وعيالي يستويلهم امراض لاني سمعت كل ما حرمة تكبر في العمر العيال يطلعون فيهم علل ..!

ويهي 24 ساعه شاحب بسبة كثرة التفكير مب رايمه اركز في الشي سالفة العمر ذابحتني كيف العمر طاااف بهالسرعة !!! ويوم اشوف اخوان زوجي ومتزوجين من بنات صغيرات في العمر مثل 20 و 21 احقد عليهم وايد واقول يا ليتني تزوجت وانا صغيرة

نفسيتي تعبانه بسبة الحمل وبسبة العمر الله يعين لو حملت ونفسيتي جي ما بروم اتحمل

المزيد من آخر المواضيع من نفس القسم:

**ناروتا** · 2014-09-28, 13:44

الله يفرج همك وتحملين
هالأيام مباركات صومي وادعي واستغلي ما تبقى من العمر في طاعة الله هي الي باقية , والله يعطيكي الخير

نقشة** · 2014-09-28, 13:46

اختي اقوولج اتعوذي من وسسوسة ابليس كلما ياااج ها التفكير
عيشي حياتج والله يرزقج ان شاء الله بالبنين والبنات

**مالتيزرس** · 2014-09-28, 14:12

حبيبتي حطي فبالج ان اللي الله كاتبه بيصير خلي ثقتج بربج كبيرة ..وتوكلي على ربج فديتج ..كل شي له حكمة..قومي الليل وكثري من الصدقة والاستغفار ..ولاتنس تدعي فسجودج رب لاتذرني فردا وانت خير الوارثين ..وحطي فبالج كثرة التفكير والقلق الزايد ترا يخلي الوحدة ماتحمل ...اشغلي نفسج فأشيا ثانية

**مسك وعوود** · 2014-09-28, 14:16

الله يرزقك عشر بنيات وعشر صبيان وتفرحي فيهم يارب

**المغتربة** · 2014-09-28, 14:42

منو قال ان اللي عمرها 30 كبيرة
ياما حريم بعمر ال 45 والله جنهم بنات ف العشرين
سيري لج عيادة و تعدلي و شوية بوتكس ع فلرز و تصيريين بنت 10 سنين
و مري ع عيادة النساء و سوي فحوصات عسب تطمنين و اصبري ع نفسج توج معرسة !
ترى كثرة الاكتئاب و التحرطم تشرد الريل انتبهي

ثاني شي انا دخلت ال 30 شراتج و عادي نفسيتي حلوة ؟
مب شرط اييب 3 ورى بعض لاني في الثلاثين
و اقول بتخلص بيوضاتي ؟؟؟ و بسرعه بسرعه جنه سباق و كوك و لعبة
و اسمع رمسة الناس هاتي عيال ورى بعض هاتي عيال اريح لج
دامج تاكلين اكل صحي و تهتمين بصحتج تقدرين اتييب عيال بعمر ال 40
ترى عادي يصير اتييبين عيال في 35 و 38 و 40 ؟ اذكري الله بس

**ftat** · 2014-09-28, 14:44

أختي ليش كل هذا اليأس ؟؟؟؟ أنا الحمدلله اتزوجت وعمري 33 وعندي طفلتين حلوين ...يبتهم وانا عمري 35 و37 .وفقدت جنين قبلهم وهو في نص الشهر الخامس ..الذرية رزق من عند رب العالمين ... عندج الخطوات التالية بعد الأستعانة بالله اتقدرين اتسوينها :
1- شرب مغلي السواك ..خذي عود سواك كل يوم واغليه مع غرشة ماي 500 ملل ربع ساعة واشربيه على دفعتين مرة على الريق ومرة قبل ما تنامين ، من بعد ما تغتسلين من الدورة لحد قبل الدورة ينظم لج الهرمونات وينشط المبايض وهذا موصوف لي من قبل الدكتور احمد النجار وجربته مع أول حمل لي والحمد لله حملت من أول شهر..
2- تابعي التبويض ، لازم تعرفين كم طول مدة دورتج وفي الأيام اللي تتوقعين التبويض فيها خذي تست موجود في الصيدليات يبين لج أن التبويض قريب (في العادة بعد ظهور هذا الخط ب 24 ساعة) وفي هذا اليوم تتم العلاقة الزوجية والثلاثة ايام اللي بعدها...يعني خططي يكون زوجج موجود في هذي الايام ، بعدين لازم تنتهين للتغييرات اللي اتصير بجسمج مثل الأفرازات وكثافتها ...

ربي يرزقج بالذرية الصالحة ويبرد قلبج...

**Fa.R** · 2014-09-28, 15:10

وحدة من أهلية عرست فالثلاثين ويابت ولدين ماشاء الله .. العمر ما يخصه
لا تحاتين النفسية تأثر عالمبايض قريت هالمعلومة و تذكري أهمية الاستغفار !!!
وصلي قيام الليل واطلبي من ربج يرزقج بس أهم شيء ما تحقدين وعلى نياتكم
ترزقون

**الدرةالمصونة** · 2014-09-28, 15:57

حبيبتي
انت حاليا عروس وهالايام لازم تستانسين فيها تطلعين تروحين تردين مع زوجج

يعني مولات اسواق مطاعم فنادق مو حاصرة نفسج وتفكيرج بالعيال

يا اختي لاحكة على العيال ودوختهم

الله كريم

وبعدين ما شالله انت مو كبيرة حتى تقلقين وتخافين من المستقبل

انا امي عمرها 43 وربت توم وصديقتي اللحين عمرها 40 وحامل وهاي انا عمري 36 والحمدلله حامل

بعد شو تبين ؟؟

انسي موضوع الحمل واشغلي نفسج باشياء ثانية وراح تحملي بأذن الله

ربي يسعدج

**وجدان الفجر** · 2014-09-28, 16:16

أختي , أذكري الله . شو هذه النفسية السوداوية ؟ أنت بعدج صغيرة والذرية من عند الله سبحانه .من أسبوعين عندي مريضة عمرها 48 سنة وجابت بنت الحمدلله طبيعية وعسل وما شاء الله عليها , ربي يحفظها ويبارك فيها . أختي تراه النفسية تأثر بشكل كبير على الحمل .شيلي الوساوس من مخج وتفاءلي وخلي عندج يقين برب العالمين . ومثل ما قالن لج الأخوات , روحي سوي الفحوصات الطبية وتابعي من دكتورة علشان الحمل وأهتمي بأكلج خليه صحي وأهم شي تفاءلي بالخير تجديه.

**munamoor** · 2014-09-28, 16:19

ربيعتي عمرها 45 و توها يايبه توام شحلاتهم
عسى ربي يرزقج و يرزق كل محروم

ام*الحلا* · 2014-09-28, 17:00

عجبني كلام العضوات

وما بزيد عليه لاني كنت بقول نفسه اختى انتى بعدك شبااااااااااااااب ....
ربي يفرج همك وهمنا جميع .. ويرزقك بالخلف الصالح اللي يفرح قلبك الايام قدامك ...

**غرووب 22** · 2014-09-28, 19:37

الله أكبر الله أكبر الله أكبر لا إله إلا الله الله أكبر الله أكبر ولله الحمد
الله أكبر كبيرًا والحمد لله كثيرًا وسبحان الله بكرة وأصيلا
لا إله إلا الله

**ميرة المنصوري** · 2014-09-28, 20:08

حبوبة بهذي النفسية اقول عمرج ستين مو ثلاثين
هو مو بالعمر هو بالنفسية و حبج للحياة لازم اتكونين انسانة ايجابية و مرحه و متفائلة و بتغطين على بنات العشرين
انت يبالج اتركزين على تفكير الايجابي و النفسية الحلوة مو بس تغير الشكل حاسبي على عمرج لا توصل أفكار لزوجج و عقب تندمين

**A+k** · 2014-09-28, 20:48

اذا تحسين عمرج كبيرة. خذي منشطات. واحملي بتوأم مره وحدة

الموضوع: استويت كبيرة في العمر

أدوات الموضوع

عرض

استويت كبيرة في العمر

المزيد من آخر المواضيع من نفس القسم:

رد: استويت كبيرة في العمر

رد: استويت كبيرة في العمر

رد: استويت كبيرة في العمر

رد: استويت كبيرة في العمر

رد: استويت كبيرة في العمر

رد: استويت كبيرة في العمر

رد: استويت كبيرة في العمر

رد: استويت كبيرة في العمر

رد: استويت كبيرة في العمر

رد: استويت كبيرة في العمر

رد: استويت كبيرة في العمر

رد: استويت كبيرة في العمر

رد: استويت كبيرة في العمر

رد: استويت كبيرة في العمر

المواضيع المتشابهه

العمر ليس سنوات نعيشها...العمر لحظات تعيش في داخلنا

بيت العمر فرحه ؟ ام دين طول العمر ؟؟؟ خلونا نتفاعل بخبرتكن

مطلوب شنطة كبيرة جلد ثعبان كبيرة

انا استويت ام والحمدلله