النظرة الشرعية ضروري

[نونة الدلوعة]

السلام عليكم

ابا استفسر بخصوص النظرة الشرعية

هل يجوز كشف الشعر ول ؟!

وشو اللبس المناسب للنظرة الشرعية

تحطون ميك اب اقصد الخفيف طبعا ول بدون شي

وعادي اطلع بدون عباة ول لازم العباة

اتمنى تفيدوني بهالموضوع

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غلآ نفسي]

لا ما تكشفين شعرج

وترا الميكب بعد يعتبر زينه وهو واحد غريب عليج

بالتوفيق

[**هدوء**]

عندنا نلبس عباه ولا نحط مكياج ابد شخطة كحل بس اذا بغيتي

[غرووب 22]

لا اله الا انت سبحانك اني كنت من الظالمين

[Cobon]

حياتي اسألي مفتي احسن ! ها الامور مب مكانها هني
لان قريت وايد احاديث و مواضيع بتحسين فيها اختلاف
ان عادي الحرمة اطلع شعرها شوي او مب عادي !


بالنسبة لي شخصيا انا البس عباتي و اكشخ بصورة معقولة جدا
ما اكون مطلعة شعري بعباتي و بشيلتي
يعني حاطة فاونديشين بسيط طبيعي مب شي اوفر
يعني اكيد ما بكون مسطلة و ناشة من رقادي و اقابل الشخص
و دايما بالنسبة لي الوالد يكون يالس و عقب يطلع لحجرة ح
يوم يجوفنا متوهقين و مستحين
عسب نتناقش
و نسأل بعض مثلا اساله عن شغله و كيف طبيعة عمله ومن ها الكلام
و هو نفس الشي عن صلاتي و ديني و طبيعتي و هواياتي ........الخ


ربيعاتي يلبسون جلابية مع شيلة ع اساس عندهم اعتقاد تبين طبيعة الحرمة يعني
سوري في بنات متان وايد و يلبسون عبي وسيعه و الريال يتخيل انها رشيقة

و في عوايل بس نظرة وحدة و يطلعونج بدون نقاش او كلام
و في ناس بدون نظرة بس صورة ؟ و يا كثر الفوتوشوبات


فديتج اسالي مفتي من نفس منطقتج هو بيعطيج الجواب الاكيد

[نونة الدلوعة]

هييه ترى انا احترت بالموضوع

كل راي غير عن الثاني

ويوم أسأل اهلنا وحدة طلعت بدون عباة بس جلابية كشخة وشيله
والثانية سايرة الصالون متعدلة
فما اعرف كيف اتصرف

بعد لازم الخاطب يشوفج متعدلة ولو شوي

اتمنى لو حد يعرف الدين شو اللي يحلل من النظرة الشرعية
لأن فعلا اختلفت الآراء وما نبا نطيح بالحرام

[مراسيل الوفاآ]

يفضل انج تسألين شيخ دين ثقه وعقب اذا كان فيه خلاف ع كلامه بيكون ف ذمته
لكن انج تسألين العضوات هني وتمشين ع كلامهن ف هن يأثمن وانتي وياهن بعد
لأنه يعتبر افتاء بغير علم وانتي اتبعتي كلامهن


اذا ما تبين تسألين أهل العلم ف احسن شي انج تلبسين
عباتج وشيلتج وما تحطين ميك اب عشان تتجنبين الحرام

[العنود20]

مااعرف ان شاء الله البنات يفيدونج ، موفقة ��

[الوردة الجورية]

شيلة وعباة وبدون ماكياج
ويكون معاج حد من اهلج
نصيحة لاتخزين فيه ولاتطالعين ويهه
الا اذا حسيتيه مايطالع طالعي نظرة خاطفة

عشان مايعايرج بعد الزواج حتى لو من باب الضحك

[شموسهـ]

دكتورنا سلطان العلماء قال الشعر موضوع خلاف فما يستوي ..

[لولو بوظبي]

الشيخ العريفي قال يصير تكشف شعرها ومن حقه يشوفه
دوروا المقطع ف يوتيوب

[الدرةالمصونة]

ما اعتقد الشعر يجوز يطلع عيل شو الي بقى لو طلعنا الشعر
انا اذكر اني مرة وحدة بس طلعت للنظرة الشرعية وكنت ﻻبسة عباية وحجاب عادي بدون جوارب واخوية عصب علي وقال ارجعي والبسي جوارب
وكانت هاي اول واخر مرة وكان شي غريب في بيتنا سبحان الله

[مالتيزرس]

سبحان استغرب كيف يجوز نطلع الشعر وهو رياال غريب مايحل لها ؟؟؟
تجنبا للحرام دخلي شعرج ...عن باجر يعايرج ويقولج مطلعة شعرج ومادري شو..

[الوردة الجورية]

الشعر ما يجوز تطلعه عشان يشوفه
بس الوجه والكفين

لكن لو حاول الريال يطالع الحرمة (من دون ماهي تدري ) وهو ناوي يتزوجها عادي،، شرعاً يحق له يشوف اي شي بس من دون ماهي تدري

[هيبة الريح]

ما جربنا الشعور و الموقف
بس من الربع يطلعون بالعباه و الشيله من دون مكياج
وهذا اجوفه الاصح بس لو حد من القرايب عيال عم او خال
اجوف عادي لو بمخوره وشيلة بيت لو حابه

واللي رايحه صالون ومتعدله ما اتخيلها ههههههههههه