ريلي بيعرس

[سنفورهه]

يوم قلت ليه باخذ حقي ف المحكمه قالي ببهدلج فالمحاكم وبحط محاميين وبخليج سنين تراكضي فالمحاكم عشان تاخذي حقج وعيالي باخذهم وبدخل السفاره انهم ممنوع يطلعو من الدوله واني انا ما بقدر اربيهم واصرف عليهم ..والا اني اتم فالبيت انا وعيالي والحرمه اليديده..

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام فيصل ومحمد]

يوم قلت ليه باخذ حقي ف المحكمه قالي ببهدلج فالمحاكم وبحط محاميين وبخليج سنين تراكضي فالمحاكم عشان تاخذي حقج وعيالي باخذهم وبدخل السفاره انهم ممنوع يطلعو من الدوله واني انا ما بقدر اربيهم واصرف عليهم ..والا اني اتم فالبيت انا وعيالي والحرمه اليديده..

حبيبتي يبي يخوفج بكلامه عشان تتنازلين عن حقوقج وترضخين ذليله له ليش ان شاء الله منوه حضرته لا يكون صاحب السمو وإلا القاضي رهن اشارته قوليله حتى انا بوكل محامين وببهدلك وعيالي ما طول شعرهم منهم لانهم بعدهم في حضانتج ،، صدج قهرني ريلج الله يأخذ حقج منه ويرجعه لج ذليل ،، حسبي الله ونعم الوكيل

[cute uae]

حتى لو كنتي خليجية ،،، من حقج سكن ،،، ومن حق عيالج غناتيه ،،،
القانون وياج ختيه
،،، مب لانج خليجية تستوين ضعيفة
عاد الله يهديه عنده حرمة ،،، و ياهل و انتي حامل بالثاني ،،، احتمال انه معرس من زمان ،،،
، بس اللحينه بييبها البلاد لانه مب قادر كل فترة و الثانية يسافر لها

[cute uae]

معلوماتج غلط اختي القانون بالإمارات ما يفرق بين مواطن ومقيم القانون

هو نفس القانون والماده الحمدلله ..خصوصا لحفظ حقوق الأسره بس نقطه ..هي منع سفر الأطفال اللي بحضانه الأم اذا كان وافده بدون موافقه الأب المواطن...




حبيبتي سنفوره .. لج حق سكن مستقل والمحكمه تخصم من راتبه

مصروفج ومصروف كل ياهل واذا بيسكنج اجار او غيره من حقه

بس المحكمه تشكل لجنه تطلع ع مكانه الاقامه وحسب راتب ريلج

وعدد الاطفال ولازم يوفر راتب الشغاله ومواصلاتكم .. شغلات وايد فديتج

لا تحاتين اقولج إياها واستفسري باجر من اي محاميه لج حقوق

ومصروف يوصلج وبيت مستقل المحكمه بتطلع عينه بالشروط بيختار يسكن

التايلاندية بشقه ولا يعابل سوالف المحاكم وخصم الراتب خل قلبج

قوي مب لج لعيالج ومستقبلهم وحضانتهم لج

سواء مواطنه ولا مقيمه. . وخصوصاً انتي حامل

كل الحق معاج المصلح الاجتماعي بروحه بيقلب عليه لانه انتي ام عياله والتايلانديه

ماعندها عيال فظنتي بيحكمون لج بسكن البيت وهي يوفر لها شقه ... قوي قلبج مافي شي يخرع


لو تبين تقدرين تقدمين استشارة بمركز الدعم الاجتماعي الاخوات والمصلحين هناك ما بيقصرون وياج

[M-Alshehhi]

أختي كلمي أي محامي أو محامية
عشان تقولج حقوقج وشو اللي لج و
عليج لن ريلج الله يهديه يالس يقول
كلام خالي من الصحة وانتي مصدقتنه !

[مالتيزرس]

الله يريط على قلبج ..ويصبرج على مصيبتج ..ويبنصرج يالغالية ..ادعي ربج واستغفري ..وتوكلي ع ربج

[الوردة الجورية]

يوم قلت ليه باخذ حقي ف المحكمه قالي ببهدلج فالمحاكم وبحط محاميين وبخليج سنين تراكضي فالمحاكم عشان تاخذي حقج وعيالي باخذهم وبدخل السفاره انهم ممنوع يطلعو من الدوله واني انا ما بقدر اربيهم واصرف عليهم ..والا اني اتم فالبيت انا وعيالي والحرمه اليديده..

ليش وصلتوا لهذي الدرجة من الحوار؟!
بكل هدوووووووء
قولي البيت بيتي أنا وعيالي ولا بطلع من بيتي لا أنا ولا عيالي..
دور لها التايلندية مأوى ثاني

وتركيه على راااااحته يصارخ ويهدد،، ماعليج منه،، وانتي ريحي اعصابج حطيها في ثلاااااااجة


بس وقت بتولدين خلي امج او خواتج في البيت مع البنت، لين تقومين بالسلامة وترجعين من المستشفى.. لاتعطينه ابد مجال يدخل التايلندية البيت
وعاملي زوجج باللطف والود وكوني واااااثقة بنفسج وتذكري هذا زوجج وله حق عليج مثل ما انتي لج حق عليه،، ولا تجيبين طاري التايلندية على لسانج مرة ثانية ولا تسمحين له هو يفاتحج في موضوعها أبد جدّامج بكل بساطة قولي له لو سمحت لا تطريها جدّامي... وبس
خليج حازمة وبلطف في نفس الوقت

[همس الشوامخ]

انا معاج يالورده الجوريه فكلامج

الله يهدي سركم ويسخرلج زوج

[حزينة وايد]

لاحول ولاقوة إلا الله
بيعرس !!!!!!!!
وبيسكنها معاج !!!!!
ربنا يعينج على مابلاج

[دوا جروحه]

الله ييسر همج اختي ويعينج ويعقل ريلج ويرده عن الي بيسويه

والله ان قلبي عورني من الموضوع بس ماعندي غير هالنصيحة
لاتروحين بيت اهلج وتتنازلين عن حقج وبيتج بهالسهولة
لانه دام انه امعزم وهو بنفسه قالج هالكلام فروحتج مابتأثر بالعكس بتزيده عناد
حاولي معاه او زيدي اهتماما بنفسج وفيه

[loleetah.shj]

الله ايسر امورج و يهديه يارب ..

[أم مغاوي]

الله يهدييه

اسمعي شور جوريه مثل ماقالت الحمدلله الامارات تعطي الحرمه حقوقها كامله سواء مواطنه ولا اجنبيه

الحمدلله الاجنبيه تحصل حقوقها كيف عاد الخليجيه ماعليج يخوفج

وحتى البيت اذا ماطاع المحكمه بتلزمه بسكن ثاني لج

[jameela200]

أسأل الله العظيم رب العرش العظيم ان يصبرج وينصرج

[ساندرا اليكيس]

أنا حاسة ان زوجك متزوج اساساً مب لسا رح يتزوج، تلاقيها هي تزن على راسه تبا سكن ومب عارف يوديها وين فقال يضرب عصفورين بحجر واحد منه يخبرك ويحطك قدام امر واقع ومنه يوفر الايجار اللي يدفعه حقها. انا انصحك لا تستسلمي، ولا تتركين بيتك لان بسر تركيته بتكوني ارتكبتي اكبر غلطة في حياتك، هذا البيت لك ولعيالك وهو مجبور يصرف عليكي وعليهم ولا تطلبين الطلاق في المحكمة لان مجرد طلب الزوجة للطلاق يسقط كتير من حقوقها على فكرة. لا تخلينه يجيبها لان ها الحركة فيها كتير من قلة الاحترام لك. اذا تبين محامي يشور عليكي انا بطرشلك رقم واحد محامي يخليه يلف حوالين نفسه لزوجك. صدق الرجال ما يجون الا اذا عرفو ان لحمك مر

[بطله]

اختي عليج بالدعاء وتحري أوقات الإجابة
قولي اللهم أني مغلوب فانتصر
اللهم باعد بينه وبينها كما باعدت بين المشرق والمغرب
اللهم أني استودعتك سمعه وبصره وقلبه وفرجه وماله فاحفظ هم لي يامن لاتضيع عنده الودائع
وتصدقي بنية الفرج وادعي ربج وإنتي موقنه بالإجابة
وأكثري من الاستغفار والصلاة على سيدنا محمد
وربي قادر انه يصرفه عن الموضوع

بس لا تياسين ادعي ربج ًتوكلي عليه
وقولي بعد
ربي أني مسني الضر وانت ارحم الراحمين