شئ غير معقول

[munamoor]

السلام عليكم ورحمة الله وبركاته
حياكم الله وبياكم ،،، و مبروك عليكن ما تبقى من العشر الأواخر
تقبل الله صيامكم و قيامكم
الصراحة و أنا ألف و أدور على المنتديات و غيره ،،، كنت أبغى أذان
مول دبي ،،، عسب أحطه في فوني ،،، المهم سويت سيرج
لين ما حصلت ،،، ها لكلمة أذان مول دبي
قلت الحمد لله ،،، حصلت الي ابغاه ،،، المهم فتحت الصفحة
تفاجأت بالمكتوب ،،،، منها ،،،،
Xx
ماسمعت الاذان الا في مسجد في البرشاء
Xx
انا توني كنت في دبي وفي دبي مول وماسمعت لا اذان ولاشي مادري
استثناء الشارقة سنتر اذن وفيه مصلى مرتب ونظيف
Xx
أنا رحته بالإجازة وما اذكر أني سمعت أذان
طول اليوم بكدزانيا بس فيه مصلى وكل شي حلو وو
ومرتب ونظيف حتى جلال الصلاة موفرينه
Xx
xx
Xx
طبعا أنا صدق احزنتني بعض الردود ،،،دبي مول إمبونها من
بداية زيارتي لها كنت اسمع فيها صوت الأذان ،،، بصوت عبدالرحمن الهندي
و الكل شاهد ،،، ما ابغي اقول غير ،
،،شو الهدف من هذا كله و ليش
،،، بس و الله بعض الأخوات من الامارات و السعودية و الكويت و البحرين
في بعض الردود ،،، رايتهم بيضا
موضوع ضايقني فطرحته مثل ما يقولون فضفضة ،،، لا أكثر ولا اقل

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المغتربة]

ما ادري حبيبتي

انا دوم ف مردف ستي اسمع الاذان بشكل مستمر و يصلون ما شاء الله برى المصلى من الزحمة خاصة الجمعــة
و حتى ف دبي مول مرات اسمع و مرات لا

[^الدماني^]

أنا دايما أسمع الأذان في دبي مول وكل المولات
حتى أذكر أخر مرة كنت في دبي مول في محل مشغّل موسيقى

أول ما حطوا الأذان في المول قامت الموظفة وسكّرت الموسيقى في المحل !!

وأنا بعد أستغرب من هالردود الصراحة !

لدرجة اني مرة قريت موضوع عن وحدة
يت زيارة لدبي وقامت تمدح وتمدح
لكن كل شوية تقول
"أنا من سرت دبي لين ييت ما سمعت أذان" !!!

وأنا : هاه؟ @@
ليش الأخت سايرة هونولولو ؟!!!

لا تهمين عمرج بهالردود !
صدقيني قبل كنت أستبعد هالشي لكن في السنوات الأخيرة أحس انه فعلا العين علينا !!

[munamoor]

ما ادري حبيبتي

انا دوم ف مردف ستي اسمع الاذان بشكل مستمر و يصلون ما شاء الله برى المصلى من الزحمة خاصة الجمعــة
و حتى ف دبي مول مرات اسمع و مرات لا

بالعكس اذا دوم اسمع الأذان في دبي مول و الشهادة لله ،،، يالله صوت عبدالرحمن الهندي
يصدح في كل المول ما شاء الله تبارك الله ،،،

[munamoor]

أنا دايما أسمع الأذان في دبي مول وكل المولات
حتى أذكر أخر مرة كنت في دبي مول في محل مشغّل موسيقى

أول ما حطوا الأذان في المول قامت الموظفة وسكّرت الموسيقى في المحل !!

وأنا بعد أستغرب من هالردود الصراحة !

لدرجة اني مرة قريت موضوع عن وحدة
يت زيارة لدبي وقامت تمدح وتمدح
لكن كل شوية تقول
"أنا من سرت دبي لين ييت ما سمعت أذان" !!!

وأنا : هاه؟ @@
ليش الأخت سايرة هونولولو ؟!!!

لا تهمين عمرج بهالردود !
صدقيني قبل كنت أستبعد هالشي لكن في السنوات الأخيرة أحس انه فعلا العين علينا !!

ترى هالي اعرفه يا غناتيه بشكل عام الأذان ما ينقطع عندنا في الامارات و لله الحمد و المنة
صح انفتاح و تحضر يا غير الأذان ما شاء الله في كل مكان في الامارات ،،،
كأن يبغون يوضحون للخلق أن الدولة فيها كل شى ما عدا الصلاة و الأذان ،،،
و لا يقولون و الله الشاهد أن ما سمعنا الإذان خير شر ،،، ليش وين حنا في أوروبا ?
انزين و الإمام و المؤذن هييل شو يسوون في المسايد يلعبون مثلا
ما اقول غير حسبنا الله و نعم الوكيل ،،،،

[Mall.08]

وعليكم السلام ورحمة الله

ومبارك(ن) علينا وعليكم
والله يتقبل منا جميعاً ويبلغنا الشهر الكريم الاعوام اليايه

الحمد والشكر لله
دومنا، نسمع الآذان فـ دبي وغيرها
وين ما نروح دبي مول، امارتس مول .. و ... و ... إلخ

حتى انه امس وصلني هالفيديو، دليل انه شي آذان فـ دبي مول أو برج خليفة:
طفلة أمريكية في دبي مول، تسمع الاذان لاول مره بـ حياتها



والنقطه اللي ذكرتها الاخت الدماني
دووووم الاحظ هالشي فـ دبي & بوظبي واكيد نفس الشي فـ باقي الامارات
معظم المحلات فـ المولات يحطن اغاني او موسيقى
ومن نسمع الاذان بلحظتها ينقطع الصوت

الحمد لله، نعمة وفضل من رب العالمين

يا اما هالناس ما تنتبه، وفجأة تقول: هاااا، ما سمعنا! O.o
او انهم من النوعية اللي تألف من كيفها، وينكرون هالشي

الله اعلم

[اهاات ليل]

أمس كنت أتسوق بدبي و قبل المغرب بشوي سرنا فيستيفال سيتي بنصلي ونفطر وعقب نكمل شوبينغ

والله العظيم من أول ما دخلت المول الساعة 7 لين ما طلعنا الساعة 11 ونص و صوت القران يصدح بكل المول

وما طفى إلا وقت الأذان وعقب الأذان يردون يشغلون القران

و أغلب المولات في دبي و أبوظبي دايما أسمع الأذان فيها

أنا بعد ملاحظة واااايد الناس ماخذة فكرة سيئة عن دبي في من فترة

و البعض مسمينها لاس فيغاس العرب و مدينة الرذيلة

مرات لما أشوف بعض الأجانب بملابس فاضحة أعذرهم و أفهم ليش ماخذين هالفكرة عن دبي

بس موضوع الأذان هذا جديد علي حرام عليهم أحس زودها شوي

وبعد أتوقع إللي قالن هالردود ما سارن المولات أو يمكن ما طبو دبي من أساسه

بس سمعو هالإشاعت و و حفظوها وتمن يرمسن إنهم سارو دبي و ماسمعو الأذان فيها

هالتفسير الوحيد لرمستهم الصراحة

[munamoor]

وعليكم السلام ورحمة الله
ومبارك(ن) علينا وعليكم
والله يتقبل منا جميعاً ويبلغنا الشهر الكريم الاعوام اليايه
الحمد والشكر لله
دومنا، نسمع الآذان فـ دبي وغيرها
وين ما نروح دبي مول، امارتس مول .. و ... و ... إلخ
حتى انه امس وصلني هالفيديو، دليل انه شي آذان فـ دبي مول أو برج خليفة:
طفلة أمريكية في دبي مول، تسمع الاذان لاول مره بـ حياتها

والنقطه اللي ذكرتها الاخت الدماني
دووووم الاحظ هالشي فـ دبي & بوظبي واكيد نفس الشي فـ باقي الامارات
معظم المحلات فـ المولات يحطن اغاني او موسيقى
ومن نسمع الاذان بلحظتها ينقطع الصوت
الحمد لله، نعمة وفضل من رب العالمين
يا اما هالناس ما تنتبه، وفجأة تقول: هاااا، ما سمعنا! O.o
او انهم من النوعية اللي تألف من كيفها، وينكرون هالشي
الله اعلم

هي فديتج ،،، تراني أنا هالي استغربه يالغلا ،،، و قلبي صدق يعورنيه
يوم اسمع هالرمسة ،،، عنبو ليش كل هالحقد و الحسد ،،، و إحنا في شهر
رمضان ،،، ليش هالهجوم الغير مبرر على الامارات بشكل عام و دبي بشكل خاص
و من الردود الي شفتها في الفيديو على اليوتيوب و عور فوادي
أن أهل الامارات فيهم و فيهم و فيهم ،،، كل همهم بس الفلوس و التطور و بس
ما همهم ،،،،الي يصير في الدول الإسلامية و غيره ،،، عنبو ليش ها كله ،،، المشكلة
يوم يقولون الله الشاهد ،،،، ليش يشهدون رب العباد على شى كله غلط في غلط

[sakura-san]

الحمدالله دوم اسمع الاذان في المولات ونصلي بعد في المصلى اللي في المول

الظاهرهم منقهرين

[munamoor]

أمس كنت أتسوق بدبي و قبل المغرب بشوي سرنا فيستيفال سيتي بنصلي ونفطر وعقب نكمل شوبينغ
والله العظيم من أول ما دخلت المول الساعة 7 لين ما طلعنا الساعة 11 ونص و صوت القران يصدح بكل المول
وما طفى إلا وقت الأذان وعقب الأذان يردون يشغلون القران
و أغلب المولات في دبي و أبوظبي دايما أسمع الأذان فيها
أنا بعد ملاحظة واااايد الناس ماخذة فكرة سيئة عن دبي في من فترة
و البعض مسمينها لاس فيغاس العرب و مدينة الرذيلة
مرات لما أشوف بعض الأجانب بملابس فاضحة أعذرهم و أفهم ليش ماخذين هالفكرة عن دبي
بس موضوع الأذان هذا جديد علي حرام عليهم أحس زودها شوي
وبعد أتوقع إللي قالن هالردود ما سارن المولات أو يمكن ما طبو دبي من أساسه
بس سمعو هالإشاعت و و حفظوها وتمن يرمسن إنهم سارو دبي و ماسمعو الأذان فيها
هالتفسير الوحيد لرمستهم الصراحة

هي شفتي شقايل ،،، ما نقول غير ربج كريم ،،،، و باجر ربي سبحانه راح
يحاسبهم ،،، و انا لان قلبي ضايق حيل من ألرمسه الي تنقال في إحدى منتديات
خليجية ،،، يعني المفروض هن ما يرضن على الامارات ،،، شرات ما إحنا ما نرضى
على دول الخليج ،،، بس سبحان الله أهل الامارات غير ما امدح ،،، بس صدق
حتى في اليوتيوب و جواب شبابنا يكون ،،،، كلن يرى الناس بعين طبعه

[munamoor]

[QUOTE=sakura-san;43122061]
الحمدالله دوم اسمع الاذان في المولات
ونصلي بعد في المصلى اللي في المول
الظاهرهم منقهرين[/QUOT

نقول اللهم لك الحمد و الشكر ،،،، الله عطانا الخير و إحنا له شاكرين

[munamoor]

اللهم إنك كريم عفو تحب العفو فأعف عنا

[munamoor]

أعوذ بالله من الشيطان الرجيم ،،،في ناس مب حابة أرد عليهن
عسب ما يخترب الموضوع و ياليت قبل التعليق قراءة

( الموضوع فقط للفضفضة ) يعني موضوع قريته و ضاق صدري
و علقت عليه في منتدانا ❤

[مخترعه]

أعوذ بالله من الشيطان الرجيم ،،،في ناس مب حابة أرد عليهن
عسب ما يخترب الموضوع و ياليت قبل التعليق قراءة

( الموضوع فقط للفضفضة ) يعني موضوع قريته و ضاق صدري
و علقت عليه في منتدانا ❤

زين يوم رجعتي وسويتي تعديل للموضوووع اشكرج بصراحه

[munamoor]

أولا انا ما عدلت على الموضوع و اللبيب بالإشارة يفهم ،،،
و ثانيا أنا ما يحق لي اعدل على الموضوع بعد مرور يوم كامل من كتابة
الموضوع و حنا في تاريخ 26