اخس بضيق وأبا أفضفض

[راحت أيامك]

يا بنات ، أنا طول عمري أساعد الناس،، ما أمدح نفسي بس دايما أوقف معاهم وأكون سند لهم سواء من أهلي أو معارف او اصدقاء
اساعدهم باللي اقدر عليه،، سواء كان مادي او معنوي او اي مساعدة أخرى
بقولكم مثال، خالتي ربت، طلبت مني أبات عندها في المستشفى اساعدها على البيبي،، طبعا ما رفضت مع ان عندي اخواني بروحهم في البيت
ومثلا اساعد العرايس من صديقاتي واوقف معاهم وقفة الأخت، واساعد بعض الناس ماديا،، مع ان ما يكون عندي شئ، بس احاول ادبر لهم وما احب ارد احد ،،،،،،،،،،، لكن يا اليوم اللي احتجت احد يكون عندي،، مالقيت
احتجت للناس وايد ، لكن ماطلبت وقفة احد،،، تخيلوا اضطريت اسوي عملية بسيطة، لكن تحتاج تخدير كامل وايلس يوم كامل في المستشفى،،، واول ما طلعوني من العمليات، تسألني الممرضة منو معاج؟؟؟ صحت وما عرفت ارد عليها ، لأن ما عندي احد ،، وينهم ليش ما سألوا عني؟؟؟؟
احتجت مرة اشتري سيارة مستعملة لأخوي،،، وكنت دايما اجمع من راتب ابوي، ويوم لقيت السيارة المناسبة، نقص مني كم ألف، ويلست ألمح للي حولي لكن محد ساعدني،، مع ان ظروفهم ممتازة،،، وطبعا انباعت السيارة ومالنا نصيب فيها،،،،،، آسفة طولت عليكم،،، بس خايفة نضيع في هالدنيا

المزيد من آخر المواضيع من نفس القسم:

• بلد الفوارس لاداره العقارات
• النشرة الإخبارية الأسبوعية للمتداولين...
• إذا لم تجرب أساليب جديدة، لن تعرف الأفضل
• أوبك تتوقع زيادة في الطلب على النفط في عام...
• الدولار يواصل ارتفاعه مع بداية العام
• مايكروسوفت تتفوق على آبل لتصبح الشركة الأعلى...
• النشرة الإخبارية الأسبوعية للمتداولين...
• حتى لو كنت على الطريق الصحيح
• مؤشر نيكاي 225 يصل إلى أعلى مستوياته في...
• استمرار انخفاض التضخم في أستراليا، والزوج...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ماحد شراتي]

حياااااااااااتي والله

ما عليه الغاليه عند الله ما يضيع شي والمواقف تبين لج منو الكفو ومنو مب كفو .. هذه حال الناس الحين تخدمين الكل ويوم تحتاجين حد بوقت الضيجه ما تحصلينهم بس رب العالمين ما ينسى حد ..

مافي داعي تضيعين وقتج مع الناس المصلحجية وقت ما يحتاجونج يحصلونج وان شاءالله يارب تحصلين الناس الطيبة ترا رب العالمين يرزق الواحد على نيته وربج كريم

[شعاع امل]

يااختي الناس نفسيات يمكن هم متكبرين او يهمهم نفسهم وبشكل عام الانسان يهمه نفسه

سوي الخير وارمي في البحر واطلبي منهم بصراحه!

يعني اذا تريدين سلفه من اخوكي خبريه ان انتي اخته وتحتاجين تطلبين من الغريب يعني؟ وانا وقت الحاجه ساعدتك احرجيهم يمكن الله يهديهم!

[غرووب 22]

لا اله الا انت سبحانك اني كنت من الظالمين

[ياقوتةخضرا]

انتي مشكلتج انج دايما تعطين تعطين وما تعطينهم فرصة يعطونج
فتعودوا على جذيه !

درس واحد تعلمته من الحياة : أعطي صح لكن بحدود امكانياتي وعلى طاقتي
أبدا ما أزيد .. لأنه هذا ممكن يأثر على صحتي وبيتي وعيالي !

هم بعد لهم حق عليّه !

صح عمل الخير واجب
لكن على حسب طاقتج !

لازم توقفين وقفة مع النفس تراجعين فيها اسلوب مساعدتج للغير
ودايما تحطين نفسج في المرتبة الأولى !

[ام عموري]

انت وايد زينه و اجرك عند رب العالمين
لا تنتظرين شي من حد لان في هذا الزمن ناس كثير ما تفكر غير في نفسها و بس هذا حالنا كلنا و نحن يوم نسوي الخير نسويه ب ضا و قناعه ان الله بيكتب لنا الخير و الاجر في الدنيا و الاخره

[مسك وعوود]

كل ما فكرنا انه الي نسويه نتريا منه رضا الله نرتاح بس اذا انتظرنا رد الجميل من الناس مبنحصل صدجيني وعلى نياتكم ترزقون

[شعاع امل]

الخير لله

ولكن اذا تريدين رضا الناس بيكون شي مشروط يعني تقولين لهم اني ماسوي لكم هذا الا اذا سويتوا لي كذا وكذا ... وهم يحددون عاد يرضون ولا

اما عمل من غير كلام ولا منه يعني اذي ناس اني سويت لكم وساعدتكم بيكون لوجه الله فقط

بس الحين الناس ياختي مافيها خير

يعني الناس الحين يحبون نفسهم كلهم من الكبير لييييين الصغير اللهم نفسي

وفي حال حصلتي حد بيكون لازم تخففين عليه اذا كثرتي عليه السؤال بيضوج!!!!

[مجروحة وأكابر]

لا تضايقين نفسج الدنيا فيها الخير وانا معرف علاقتج مع هالناس عسب احكم لو منهم الغلط بس مبين انتي تستحين تقوليلهم احتاج بالعكس تعلمي تقوليلهم شو رايكم تساعدوني في كذا وكذا وكذا لا تلمحين التلميح تطنيش هالايام ما تحصلين نتيجه مرضيه لج للاسف وربي يعينج ويوفقج و لا تتسلفين حق اخوج وخليه تعتمد على نفسه يسوق يعني انسان ناضج يقدر يشتغل ويصرف على نفسه وعليج

[Dont_Care]

الله ما يضيع اجر او احسان حد قولي الحمدلله واستغفري الله معاج
وبعد قولي لا اله الا انت سبحانك اني كنت من الظالمين

[ملكة الاحاسيس]

ياختي لا تلعبين ادوار الضحيه
ولا تكوني قاسية مع الناس

عيشي وسط

[شعاع امل]

ياختي لا تلعبين ادوار الضحيه
ولا تكوني قاسية مع الناس

عيشي وسط

الوسطيه مطلوبه في كل شي اختي!!! بس بالتعود تتعلم

[زهرة عيمان]

حياااااااااااتي والله

ما عليه الغاليه عند الله ما يضيع شي والمواقف تبين لج منو الكفو ومنو مب كفو .. هذه حال الناس الحين تخدمين الكل ويوم تحتاجين حد بوقت الضيجه ما تحصلينهم بس رب العالمين ما ينسى حد ..

مافي داعي تضيعين وقتج مع الناس المصلحجية وقت ما يحتاجونج يحصلونج وان شاءالله يارب تحصلين الناس الطيبة ترا رب العالمين يرزق الواحد على نيته وربج كريم

[امراه]

الله يعينج ويفرجها عليج وعلينا جميعا

[Ms anime]

حبيبتي بهالزمن ماينفعج الا قرشك الابيض انا مثلج يا ما عطيت ويوم احتجت محد وقف معي , والقهر يوم تخدمين وتعاملين الناس باحترام وتوقفين معاهم بشدتهم وغيرج يسب ويلعن ويضرب ويعيب و بالنهايه تشوفينهم يركضون ويساعدون اللي يسبهم ويهينهم وانتي يعاملونج مثل العدوه ونسو كل المواقف مع اني ما اطلب من حد ونفسي عزيزه بس كل واحد فينا يعامل الناس باصله ما اقول غير احذر الكريم اذا اهنته واحذر الئيمة اذا اكرمته