لقاء مع خريجة

[بنت الجهرة]

السلام عليكم ورحمة الله وبركاته


صباح\مساء الخير

شخباركم بنات

الموضوع بيكون عبارة عن مجموعة من الاسئلة واتمنى تفاعل الجميع خاصة الخريجاات الجامعيات

1. درست في اي جمعة؟
2. على أي أساس اخترت الحامعة؟
3. التخصص اللي درستيه هل كان من اختيارج ولا مفروض عليج من قبل الاهل؟
4. هل في معارضة من قبل حد بخصوص دراستج الجامعية؟
5. شو كان شعورج يوم انقبلتي بالجامعة؟
6. كيف هئيتي نفسج للدوام؟
7. هل كانت عندج خلفية عامة عن الحياة الجامعية قبل؟
8. شعورج في اول يوم دوام؟
9. من اول يوم تفاعلت مع البنات؟
10. من ناحية اللبس شو كنتي تفضلين وليش؟
11. هل انتي مع المكياج في الجامعة ولا ضد وليش؟
12. اوصفى اول يوم دوام لج في الجامعة؟
13. كم مرة غيرتي التخصص وليش؟
14. نقلتي من جامعة لي جامعة ثانية؟
15. إذا كنت من بنات السكن اول يوم في السكن كيف كان، وشو خذتي من اغراض، مثل آلة تسخين الماي للكوفي وغيره...؟
16. الصعوبات اللي واجهتج؟
17. ايجابيات الجامعة وسلبياتها؟
18. مشروع التخرج؟
19. شعورج في يوم التخرج؟؟

اتمنى تفاعلكم طبعا الاسئلة وااااااااااايد وما احب اتعكبم
اختاري السؤال اللي تبينه وجاوبي عليه

اتمنى ان الموضوع يفد غيري مثل ما يفيدني

وهذي الاسئلة تدور في بال كل طالب او طالبة مقبلين على مرحلة يديدة وحابة الاجوبة تكون الاجابات صريحة وجادة وشكرة لكم وفي الله يوفقكم

المزيد من آخر المواضيع من نفس القسم:

• تنفيذ بحوث لطلاب الجامعه
• استفسار عن جامعه
• استفسار عن جامعات رخيصة
• كلية الأفق جامعية ؟ شو رايكم فيها
• طردوني من كليات تقنية سؤال في مجال أرجع؟
• الجامعة الامريكية في دبي
• علوم البيئة أو التصميم الداخلي (((جامعة...
• بنات جامعة زايد وجامعة الشارقة استفسار
• طالبة وبتخرج .. استفسار ضروري
• Syria

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنت الجهرة]

الطريق الى الجنة سخي بالجمال
ان اتخذت الانس بالله لك خليلا

[بنت الجهرة]

صلوا على جميل الوجه وبدر التمام شفيع الخلق في يوم الزحام
محمد صلى الله عليه وسلم

[يارب عونك00]

السلام عليكم ورحمة الله وبركاته
اشحالج حبيبتي ؟

انا بجاوبج عاللي تبينه واي سؤال فالخاص انا ماعندي اييي مشكله


فالبدايه انا اخترت الجامعه الاقرب لي كانت جامعه خاصه
وكنت حاطتنها اصلا من ايام المدرسه الاختيار الثاني
كان فالبدايه خاطري بكليات التقنية العليا فالشارجه تخصصاتها مفتوحه للي يدرس ادبي وعلمي يعني اقدر ادرس صيدله مثلا وانا طالبة ادبي
بس على اخر لحظه غيرت رايي واخترت الجامعه الاقرب لي " مشوار 10 دقايق من بيتنا لين الجامعه " جامعة عيمان .
البدايه رحت سجلت مع بنت خالتي لانها طالبه اهناك وماكنت ابا بروحي لاني ماعرف شي معنه المفروض الوحده تسير بروحها عسب تعرف كل شي بروحها افضل .
كنت حاطه فبالي تخصص الادب انجليزي وفعلا رحت وسجلت فيه " كان تابع لكلية التربيه في جامعتنا "
اخترته وكان المفروض اكون ممتحنه توفل من قبل والمطلوب لهالتخصص 500 درجه في امتحان التوفل ايلتس 5 .
فقالتلي انتي مابتدرسين التخصص لين ماتيبين التوفل " وكان باقي عالدراسه جي مال شهر "
رحت سجلت حق التوفل وطبعا من البدايه مانجحت
ولاقيت احباط من الاهل شو تدرسين تربيه وشو هالتخص و و و لييييييين ماطلع من خاطري
" وبعدني مايبت التوفل في هاللحظه "
وطبعا اهلي كانوا عاطيني مطلق الحريه في اختيار التخصص الي اباه ومحد كان يعترض او يقولي شي لكن بعض من اهلي " مب الي فالبيت "
مثلا عماتي ربيعاتي خالاتي تموا يحبطوني لين ماطلع التخصص من خااطري
فالبدايه كانت عندي خلفيه عن الحياه الجامعيه ولكن مش بالشكل الي كان ينوصف
يعني ينوصف صح بس كنت اتخيله بشكل ثاني لين دشيت وعرفت
فيه اشيا ماكنت اعرفها وبديت اكتشفها ويا الايام والوقت فانتي خلي كل الامور تمشي على راحتها
وانصحج تسيرين الارشاد الجامعي بيفيدج وايد فانج تتعرفين عالاماكن والدراسه والحياه الجامعيه بشكل عام يعني
اما الاشيا الثانيه انا روحي اكتشفتها قمت اسير وارد وايي واسال واستفسر
" انا من النوع الخجول واييد " عسب جي كنت وايد اتم روحي
اول مابدا التسجيل في جامعتنا كنت مقرره فعلا اني اغير التخصص " لكلية الهندسه تخصص التصمييم الداخلي هالتخصص الوحيد المسموح لطالبات الادبي انهم يدرسونه من فروع كلية الهندسه "
طبعا بما انه هالتخصص دراسته باللغه الانجليزيه فكان مطلوب ايضا 500 توفل 5 ايلتس
بدت الدراسه وانا مايبت !!
اقترحت علي صديقتي اني احط تخصص مافيه توفل لين ما ايبه
وبدت المعاناه " وهاي غلطه " فلازم تمتحنين توفل من البدايه ولو رد فيني الزمن لورا كنت امتحنته وجربته من وانا فالمدرسه لان التوفل حظ مب ممكن تيبينه من اول مره الا اذا انتي بلبل انجلش وعموما هو يعتمد على الحظ مرات تيبين فوق مرات تحت فماتعرفيين .
حطيت تخصص القانون فما ان القانون في جامعتنا مايباله توفل
بدت الجامعه وبديت ادرس المتطلبات بس عسب ما اضيع السنوات علي
تخصصات جامعتنا 3 اختياريه 5 اجباريه
اول سنه راحت علي فالمتطلبات بس الحلو اني درستها بالعربي لو كنت ادرس تصميم داخلي من البدايه جان درستها بالانجليزي
وبقولج معلومه
جامعتنا اغلب تخصصاتها موادها بالعربي " وهاي سلبيه عكس التقنيه وجامعة زايد والامارات يمكنونج من اللغه الانجليزيه والدراسه اهناك بالانجليزي وهالشي الي كان مخلني اتردد اني ادش جامعة عيمان لاني انا داشه الجامعه وابا اكون بيرفكت فالانجلش يكفي الي راح من المدرسه ههههه "
مثلا عندج كلية الاعلام والتربيه ماعدا اللغه الانجليزيه والقانون دراستها بالعربي عندنا
الهندسه طب الاسنان البزنس كلية تقنية المعلومات كلها دراستها باللغه الانجليزيه فلازم توفل او ايلتس 500 وفوق و 5 وفوق .
عموما راحت اول سنه علي وانا ماخذت توفل ولا ايلتس وكل ما امتحن
ايب 450 ارتفع لل490 انزل لل430 ولاحظي انه صدق حظ !!
فاخر امتحنت ايلتس من اول مره ويبت 5 الحمدلله يارب
غيرت التخصص وارتحت نفسييييييييييييييييييييييييييا نفسيا ماتدرين شكثر
اول شي لان راحت علي السنه الاولى وانا ادرس متطلبات بس هالشي زين لاني ماضيعت على عمري
بديت ادرس مواد التخصص وامشي عالخطه الدراسيه مقررها 4 سنوات بس لا اقل بس يستوي اكثر هههههه
مافيه صيفي لكلية الهندسة الا اذا بتخلين مواد المتطلبات للصيفي . لان موادنا تحتاج من 4 ل 6 ساعات فاليوم !
ولاحظي اني غيرت التخصص مرتين وثبت عالثالث مره وحده ولله الحمد وتخصصي جداً جداً جميل
اذا حابه تعرفين اكثر عنه راسليني عالخاص وبفيدج باللي اعرفه ان شاء الله

بصراحه وخلاصة كلامي

واجهت فاول سنه صعوبه كبييييييييييييييره فاني القى صديقات يناسبوني ويناسبون تفكيري
بدشين الجامعه بتنصدمين من الي بتشوفينه
لدرجة اني كنت ارجع البيت مرات اصيح اقول لماما ماعندي ربيعات مب محصله وحده تناسبني
بتحسين فالبدايه جو المدرسه غير وصدق احلى والفه اكثر وانه الجامعه غربه في غربه
مابتتأقلمين فالبدايه
لكن عقب بتشوفين الوضع حلو ومريح
وكل ربيعاتج مب وياج فتحسيين قرار صعب
الا اذا اخترتي ويا ربيعاتج فصدقيني بترتاحين
انا ربيعاتي كل وحده راحت مكان وحتى الي دشت وياي الجامعه
ماقمت اشوفها مووووووول لان اوقاتها وايد تتعارض ويا اوقاتي
مثلا انا ايي وهي تروح
وتخصصها غير
ففالجامعه بتشوفين عجايب وغرايب ويمكن ماتتاقلمين فالبدايه اذا كنتي مب من النوع الاجتماعي مثلي

و


لو رد فيني الزمن لورا راح اختار جامعة الامارات ولكن لبعدها ما اخترتها ولاني مب من النوع الاجتماعي فمممكن اني ما اتأقلم
اولا تخصصاتها متنوعه وانا درست شي ماكنت حابتنه فالبدايه وتوهقت " كنت ابا علم نفس " وعلم النفس موجود فجامعة الامارات
لو رد فيني الزمن لورا جان امتحنت توفل وانا ادرس فالمدرسه لاني وهقت عمري ومايبت التوفل وانا كنت حاطه فبالي اني بنجح من اول مره
جامعتنا السلبيه الوحيده الي فيها انه اللغه الانجليزيه دراستها عالهامش واغلبية المواد بالعربي فهاي سلبيه كبيييره
المفروض الطالب يدش الجامعه وخلاص يتأسس عاللغه الانجليزيه ويتقوى فيها .
بعض الطلاب والدكاتره مستهترين فتحسين مافيه مصداقيه من ناحية الدرجات

الايجابيه في جامعتنا
انها بس قريبه من بيتنا ، جدولج ترتبينه على كيف كيفج ، الدراسه باللغه العربيه للي يستصعب الانجليزي
عندنا تخصصات قوية مثل طب الاسنان والهندسة



ومن ناحية اللبس والمكياج
فالبدايه ماكنت احط ولا البس عبي فيها الوان واكثرية العبي مسكره
بس يوم ادشين الجامعه تشوفين البنات كاشخات تغارين ههههههه
فقمت البس بس بحدود
يعني ما اطلع شعري
احط مكياج خفيف ويناسب الصبح والجامعه ماحط فل مكيب
الحمدلله ماتاثرت بالبنات ولا حد
قمت اسوي الي يناسبني ويليق لي كبنت وكطالبه تدرس فمكان فيه ريايل

وانا مع وضد المكياج ليش
لان اول شي فيه ريايل فمب حلوه تظهرين زينتج للريايل
حلوه الحشمه وحلو الحياء " انا كنت من النوع الي ابدا ما اكلم الدكاتره حتى لو كنت ناقصه ف امتحان اسكت ماحب احتك فيهم او اكلمهم اقول على الله هههههههه وحقي ينأكل طبعا "
ومع وضع المكياج لان بتشوفين البنات كاشخات وحلوات وكلهم متعدلين
فالمكياج الخفيف حلو مثلا فاونديشن يومي خفيف باودر ايلاينر مسكره بلشر خفيف مرطب او روج صباحي مب احممر او فوشي او هالالوان

وطبعا الاكسسوارات شي لابد منها ولكن بحدود
الكعب كنت ما افضله لان مسافات المشي كانت طويله وكل كلاس فشرق وغرب لكن مايمنع اني البس ولو ليوم

العبي كنت افضل اسويها مسكره مرات للحشمه
ومرات مفتوحه ولكن بشغل خفيييييف " اسود ، كحلي "
واذا ملون ملون ف احاول اني استر عمري مثلا ما احط مكياج بشكل ملفت " فالنهايه انا طالبه وفمكان دراسه ومب اي حد يشوف زينتي كل من هب ودب حطي فبالج انج دره مصونه ومحد يشوف كشختج غير ريلج ان شالله "
وصدقيني بتحسين براحه نفسيه


اهم شي اهم شي
صلاتج فالجامعه لاتنسينها ولاتخلين البنات يقصون عليج او يلهيج شي
كنت احاول اخلي اوقات كلاساتي فاوقات مش فوقت الصلاه واذا ضاقت علي كنت اطلع من الكلاس اصلي وارجع
ماكان فيه مشكله " طبعا بتنصدمين انه البنت تنش وتفتح الباب وتطلع بدون لاتستأذن "
وهالشي عاااااادي فالجامعه يعني تطلعين ماتستأذنين من الدكتور اطلعي


طولت عليج بس حبيت افيدج باللي اعرفه
واذا سؤال فبالج لاتترددين حبيبتي

وبس ..

[يارب عونك00]

صح ونسيت اقول لج انا بعدني مب خريجه
باقتلي 3 سنوات ونص تقريبا
ف ادعيلي =)

[حورية الجنة]

السلام عليكم ورحمة الله وبركاته


صباح\مساء الخير

شخباركم بنات

الموضوع بيكون عبارة عن مجموعة من الاسئلة واتمنى تفاعل الجميع خاصة الخريجاات الجامعيات

1. درست في اي جامعة؟

في جامعة زايد فرع دبي و حالياً باجيلي بس سمستر واحد ( اللي هو مال التدريب ) و بتخرج إن شاء الله

2. على أي أساس اخترت الحامعة؟

اممم أولاً حسيت ما أبا جامعة الإمارات لأن سكن و أكون بعيدة عن الأهل و جي .. فكان عندي احتمالين التقنية و جامعة زايد .. التقنية ما كانت داشه مزاجي وايد الصراحة فاخترت جامعة زايد بعد الاستخارة طبعاً فأهم شي في مثل هالأمور هو استخارة رب العالمين طبعاً ..

3. التخصص اللي درستيه هل كان من اختيارج ولا مفروض عليج من قبل الاهل؟

الحمد لله كان من اختياري

4. هل في معارضة من قبل حد بخصوص دراستج الجامعية؟

لا الحمد لله

5. شو كان شعورج يوم انقبلتي بالجامعة؟

كانوا مطرشين لنا مسجات بقبولنا بس للأسف كان هالشي على أيام النوكيا و ما عندي هالمسج الغير شكل حالياً ..
وكان شعور جميل طبعاً و لله الحمد ..


8. شعورج في اول يوم دوام؟

شعور غير شكل .. فرح على خوف على توتر .. الحمد لله عدى على خير =)

9. من اول يوم تفاعلت مع البنات؟

لا طبعاً أنا من النوع الخجول الصراحة .. لو تشوفيني في البريك كيف كنت يالسه وحيدة و حالتي حاله ( يمكن الكل عرف إنه أنا مستجدة من يلستي و تعابير ويهي بس هههه .. أبالغ ما عليج ) بس الحمد لله الله أكرمني و تعرفت على وحدة من أحلى البنات في هذا اليوم

10. من ناحية اللبس شو كنتي تفضلين وليش؟

العباة المسكرة و تحتها أي شي ههه .. و طبعاً الكعب خاصة هذا الرفيع مول ما ينفع حق الجامعة و الأفضل تنسينه في هالمرحلة .. لا تقولين أناقتي ما أناقتي .. ما تنفعج هالكلمة لما ظهرج بيعورج

11. هل انتي مع المكياج في الجامعة ولا ضد وليش؟

ضد طبعاً .. مهما كان المكياج خفيف على قولة البنات يظل مكياج و زينه و زينه الحرمة ما تحلى إلا حق ريلها وبس .. و بعدين الجامعة مكان دراسة مب قاعة حفلات .. غير جي الستر زين .. و بعدين لو تشوفين معاناة البنات لما يصلون ( يلا شلي و صلي و ردي حطي ليش كل هالعباله إن شاء الله ؟!)

12. اوصفى اول يوم دوام لج في الجامعة؟

و صفته فوق ههه بس بضيف شي إنه ما عرفت وين مكان كلاسي و على ما أذكر سألت ال cleaner عن مكانه هههه ..

13. كم مرة غيرتي التخصص وليش؟

الحمد لله و لا مرة ..

14. نقلتي من جامعة لي جامعة ثانية؟

لا الحمد لله .. قريبا بكون خريجة جامعة زايد إن شاء الله

15. إذا كنت من بنات السكن اول يوم في السكن كيف كان، وشو خذتي من اغراض، مثل آلة تسخين الماي للكوفي وغيره...؟

أنا من بنات سكن بيتنا ..

ههه أقصد أنا مب في جامعة الإمارات عسب أحتاج سكن ..

16. الصعوبات اللي واجهتج؟

أكيد في بداية كل شي في صعوبات .. الصعوبات أو التحديات هي التأقلم مع الحياة الجامعية ككل و إنج خلاص كبرتي و لازم تعتمدين على نفسج و إني أخلص مرحلة اللفلات بأسرع وقت عسب أقدر أبدأ في المتطلبات و التخصص .. و بعد من التحديات الثانية إني أخلص مرحلة الجنرال و مادة القلوبال اللي 90% من بنات جامعة زايد يعانون منها .. و من الصعوبات في تخصصي مواد ال networking .. كان لازم آخذ ثلاث مواد تخص النتووركنغ و صج كانوا معاناة .. الحمد لله افتكيت منهم حالياً و صح من الصعوبات بعد تنظيم الوقت بس الحمد لله و الشكر تعرفين نحن قوم بو شغل في آخر لحظه يعني فمن الأشيا اللي بتعانينها غصباً عنج إنج تتحملين ال stress مال تأجيل و عمل كل الأشغال في اللحظه الأخيرة =(

17. ايجابيات الجامعة وسلبياتها؟

الإيجابيات أحسها كثيرة الحمد لله و من إيجابيات الجامعة الاعتماد الأكاديمي العالمي من منظمة ما أعرف شو اسمها بالضبط في أمريكا .. اممم السلبية الوحيدة في جامعتنا التخصصات شوي و يمكن أغلبها تنفع للأدبي مش علمي .. معنه أنا أصلاً خريجة القسم العلمي بس أحس الأمور طيبة الحمد لله

و هيه صح من السلبيات بعد في جامعتنا ما في home classrooms نفس التقنية يعني في الجامعة تلاقينا نتنقل و أغراضنا على إيدنا لأن ما في مكان انحطهم فيها إلا لو عندج لوكر أو تحطينهم عند صديقاتج مثلاً ..

18. مشروع التخرج؟

تخصصي حالياً ما يحتاج له مشروع تخرج الحمد لله ..

19. شعورج في يوم التخرج؟؟

إن شاء الله أعيش هاللحظه قريباً - يناير 2015 بإذن الله *فيس يصيح + فيس عيونه قلوب من الشوق لهاي اللحظه*
الله يبلغني و جميع أهلي خاصة أمي و أبوي هاي اللحظة الجميلة إن شاء الله ...
دعواتكم ..

اتمنى تفاعلكم طبعا الاسئلة وااااااااااايد وما احب اتعكبم
اختاري السؤال اللي تبينه وجاوبي عليه

[شعاع امل]

عاد انا خريجه قدميه من 2005 بس حبيت اكتب تجربتي لك!

السلام عليكم ورحمة الله وبركاته


صباح\مساء الخير

شخباركم بنات

الموضوع بيكون عبارة عن مجموعة من الاسئلة واتمنى تفاعل الجميع خاصة الخريجاات الجامعيات

1. درست في اي جمعة؟

جامعه عجمان للعلوم وتكنولوجيا


2. على أي أساس اخترت الحامعة؟

انا درست اي تي او نظم معلومات حاسب الي

في البدايه كانت في نصيحه لي اني ادرس لغه انجليزيه عشان سهله عليه ولكن كان في الجمع بس تربيه انجليزي او ترجمه انجليزي

وانا كان نفسي بادب انجليزي، لان الترجمه اتصور تحتاج واحد شاطر في اكثر من لغه واشياء كثير


انا خريجة علمي واحب المواد العلميه وكنت اقول ايام المدرسه اريد ادخل ادارة اعمال وفعلا دخلتها لان ربيعه لي بعد كانت داخله وتشجعت

ولكن بعد بفتره كانوا فاتحين تخصص جديد اسمه نظم معلومات حاسب الي كان جزء اداره وجزء كمبيوتر واغلب البنات حولن له

فكرت قلت انا شو اسوي بس ادارة اعمال وشهادتها ماتنفع الا اذا كان عندك مهارات كثير وشخصيه فكرت قلت اخذ نظم معلومات

تعطيني الفرصه اني اشتغل في اي مكان سواء تربيه او اداره


3. التخصص اللي درستيه هل كان من اختيارج ولا مفروض عليج من قبل الاهل؟

نعم من اختياري

4. هل في معارضة من قبل حد بخصوص دراستج الجامعية؟

يعني مديرة المدرسه مثل ماقلت تريدني ادخل لغة انجليزيه احسن لي خاصه معدلي في الثانويه نزل وانا ماحب وايد الرياضيات وفي بنات كانن يقولن اني مانفع لمواد العلمي والاداره

5. شو كان شعورج يوم انقبلتي بالجامعة؟

واااااااااااااااااااو كنت مبسوطه لاني مااعرف شو كنت مفروض اسوي

الجامعه كانت خاصه وعليها مصاريف كثيره وانا ظنيت اني مابخلص دراسه في حياتي وكل ربيعاتي دخلن وانا لا

وحاولت في الجامعات الحكوميه ولكن معدلي ماساعدني وقتها

فسبحان الله يعتبر فرج لي لاني كنت زعلانه واصيح وحاله

ويوم دخلتها كنت شايفه عمري ومبسوطه خخخخخخخخخخخخخخخخ واول فصل درجاتي في العالي

6. كيف هئيتي نفسج للدوام؟

عادي اول يوم لبست لبس عادي خخخخخ وقتها كان عندي تنوره جديده طقم مميز لبسته كنت صغيره يمكن كان عمري 17 اصغر وحده في الدفعه خخخخ

وشتريت دفتر نسيت والله شكله بس كنت اكتب فيه المحاضرات وكنت اعرف بنات من ايام المدرسه *اللهم عافينا مب وايد صحبه* بس اضطريت اصاحبهن عشان مااعرف حد


7. هل كانت عندج خلفية عامة عن الحياة الجامعية قبل؟

لا بس نفسي ادرس وخلاص


8. شعورج في اول يوم دوام؟

خخخخخخخخخخ غريبه لزقة في الاعرفهن وخلاص وكان في شخص من هلنا امي تعرفه ساعدني في التسجيل وخلاص


9. من اول يوم تفاعلت مع البنات؟

طبعي انتي اتفاعل هههههههههه بس طبعا لزقت مع الشله الاعرفها

10. من ناحية اللبس شو كنتي تفضلين وليش؟

انا كنت اللبس كله جينز وبناطلين واطقم عشان كنت مراهقه بمتياز وقتها وكنت في مدارس خاصه ووافدين بعدين الله هدانا على اخر سنه لبسنا عباية وشيله ورسمي


11. هل انتي مع المكياج في الجامعة ولا ضد وليش؟

عادي في بنات كانن يحطنه بس اذا انتي مدينه ومتحجبه اقول لا

ولكن سوي خفيف يعني يخليكي فرش


12. اوصفى اول يوم دوام لج في الجامعة؟

عادي ماذكره كثير بس حضرت محاضرات ومبسوطه على نفسي


13. كم مرة غيرتي التخصص وليش؟

خبرتك اول مره كنت اداره وشفت مامنه فايده ودخلت اي تي عشان فيه كمبيوتر واداره

وفي البدايه كان المقترح انجليزي

14. نقلتي من جامعة لي جامعة ثانية؟

لا الحمدلله

15. إذا كنت من بنات السكن اول يوم في السكن كيف كان، وشو خذتي من اغراض، مثل آلة تسخين الماي للكوفي وغيره...؟ مب سكن الحمدلله

16. الصعوبات اللي واجهتج؟مافي صعوبات بس يكون عندك صديق او زميل تعتمدين عليه كان عندي وحده ولكن ماتحترمني كثير يعني تعرفين الواحد يحتاج حد!

قصدي ماعرفت اكون صداقات


17. ايجابيات الجامعة وسلبياتها؟

حلوه

بس المدرسين واسلوب التدريس يفرق

18. مشروع التخرج؟

كان عن برنامج اداراة مدارس المشرف كان معروف انه متساهل فسويت انا وبنتين مشروع بس ماكان عليه تعب كثير عشان ساعدنا


19. شعورج في يوم التخرج؟؟

والله ياختي شعوري خلصت بس بعد مب مبسوطه عشان الجامعه كانت ملاذ آمن من بعدها

ماحصلنا شغل مثل الناس وصارت لنا افلام


ولكن استمتعوا بالمرحله على الاقل تغير جو وتعيشوين مراهقتكم وشبابكم بهدوء وبالتعليم ولكن خلوا يكون نصب اعينكم هدف

اتمنى تفاعلكم طبعا الاسئلة وااااااااااايد وما احب اتعكبم
اختاري السؤال اللي تبينه وجاوبي عليه

اتمنى ان الموضوع يفد غيري مثل ما يفيدني

وهذي الاسئلة تدور في بال كل طالب او طالبة مقبلين على مرحلة يديدة وحابة الاجوبة تكون الاجابات صريحة وجادة وشكرة لكم وفي الله يوفقكم

[بنت الجهرة]

صح ونسيت اقول لج انا بعدني مب خريجه
باقتلي 3 سنوات ونص تقريبا
ف ادعيلي =)

مشكورة حبيبتي كفيتي ووفيتي وبالتوفيق واشكر تفاعلج مع الموضوع

افدتيني بتجرتج الحلوة ومشكورة عالنصايح وإن شاء الله اتدرب عالتوفل

[بنت الجهرة]

اشكر تفاعلج الحلو والمعلومات المفيدة

وبالتوفيق

[بنت الجهرة]

عاد انا خريجه قدميه من 2005 بس حبيت اكتب تجربتي لك!

مشكورة يا خرجيتنا على المعلومات القيمة وتجربة رائعة واتمنى من كل قلبي انج تقدمين على الماستر والدكتوراه وبالتوفيق

[بنت الجهرة]

اشكر من تفاعل واثرى الصفحة بالتجارب الرائعة وننتظر المزيد من التجارب المشوقة

[بنت الجهرة]

تجاربكم يا صبايا

[بنت الجهرة]

تجاربكم الجامعية يا سيدات الامارات

[كيوووت girl]

1. درست في اي جمعة؟
جامعة زايد - دبي
2. على أي أساس اخترت الحامعة؟
من الثانوية كانت في بالي لاني كنت اسمع انها وايد قوية و اللي يتخرجون منها يكونون على مستوى عالي
3. التخصص اللي درستيه هل كان من اختيارج ولا مفروض عليج من قبل الاهل؟
من اختياري طبعا
4. هل في معارضة من قبل حد بخصوص دراستج الجامعية؟
لا بالعكس شجعوني
5. شو كان شعورج يوم انقبلتي بالجامعة؟
كنت مستانسة بس كنت متوقعة
6. كيف هئيتي نفسج للدوام؟
كنت وايد اسال بنات الجامعة و عن التخصصات وعن كل شي قبل ما ادخل الجامعة
7. هل كانت عندج خلفية عامة عن الحياة الجامعية قبل؟
هيه بس طبعا التجربة تكون غير
8. شعورج في اول يوم دوام؟
كنت متوترة شوي لاني ما كنت اعرف الا بنت وحده, وماعرف اذا السير بيكون زين ولالا, بتكون الدراسة صعبه ولالا, يعني كنت خايفة من وايد اشياء
9. من اول يوم تفاعلت مع البنات؟
لا بعد شهرين تقريبا يعني نهاية اللفل خلاص اتعودت عليهم كلهم وحبيتهم وايد وكانت من احلى ايام الدراسة
10. من ناحية اللبس شو كنتي تفضلين وليش؟
كنت افضل اللبس العملي لان الجامعة ماشالله كبيرة وتحتاج مشي
11. هل انتي مع المكياج في الجامعة ولا ضد وليش؟
المكياج الخفيف
12. اوصفى اول يوم دوام لج في الجامعة؟
كان يوم حلو بس حسيته طويييييل ههه
13. كم مرة غيرتي التخصص وليش؟
ولا مره الحمدلله
14. نقلتي من جامعة لي جامعة ثانية؟
لا الحمدلله
16. الصعوبات اللي واجهتج؟
الصعوبات اني ما كنت اعرف شي في الجامعة, وماعرف البنات, ماعرف سستم الجامعة كيف و كيف اوازن بين 5-6 مواد نفس الووقت بس طبعا مع الوقت تعلمت
17. ايجابيات الجامعة وسلبياتها؟
ايجابياتها انها تعلمج كل شي اكاديمي من الالف الى الياء و تقوي شخصيتج و تقويج في الانجليزي
سلبياتها انها تعملج كل شي نظريا بس مب تطبيقيا .. تحتاج جهد متواصل..
18. مشروع التخرج؟
مشروعنا كان بحث عادي مب شي يديد لان تخصصنا ما يحتاج
19. شعورج في يوم التخرج؟؟
مستااااااااااااانسه وايد.. تخرجت هالشهر وشعور لاااا يوووصف

[بنت الجهرة]

1. درست في اي جمعة؟
جامعة زايد - دبي
2. على أي أساس اخترت الحامعة؟
من الثانوية كانت في بالي لاني كنت اسمع انها وايد قوية و اللي يتخرجون منها يكونون على مستوى عالي
3. التخصص اللي درستيه هل كان من اختيارج ولا مفروض عليج من قبل الاهل؟
من اختياري طبعا
4. هل في معارضة من قبل حد بخصوص دراستج الجامعية؟
لا بالعكس شجعوني
5. شو كان شعورج يوم انقبلتي بالجامعة؟
كنت مستانسة بس كنت متوقعة
6. كيف هئيتي نفسج للدوام؟
كنت وايد اسال بنات الجامعة و عن التخصصات وعن كل شي قبل ما ادخل الجامعة
7. هل كانت عندج خلفية عامة عن الحياة الجامعية قبل؟
هيه بس طبعا التجربة تكون غير
8. شعورج في اول يوم دوام؟
كنت متوترة شوي لاني ما كنت اعرف الا بنت وحده, وماعرف اذا السير بيكون زين ولالا, بتكون الدراسة صعبه ولالا, يعني كنت خايفة من وايد اشياء
9. من اول يوم تفاعلت مع البنات؟
لا بعد شهرين تقريبا يعني نهاية اللفل خلاص اتعودت عليهم كلهم وحبيتهم وايد وكانت من احلى ايام الدراسة
10. من ناحية اللبس شو كنتي تفضلين وليش؟
كنت افضل اللبس العملي لان الجامعة ماشالله كبيرة وتحتاج مشي
11. هل انتي مع المكياج في الجامعة ولا ضد وليش؟
المكياج الخفيف
12. اوصفى اول يوم دوام لج في الجامعة؟
كان يوم حلو بس حسيته طويييييل ههه
13. كم مرة غيرتي التخصص وليش؟
ولا مره الحمدلله
14. نقلتي من جامعة لي جامعة ثانية؟
لا الحمدلله
16. الصعوبات اللي واجهتج؟
الصعوبات اني ما كنت اعرف شي في الجامعة, وماعرف البنات, ماعرف سستم الجامعة كيف و كيف اوازن بين 5-6 مواد نفس الووقت بس طبعا مع الوقت تعلمت
17. ايجابيات الجامعة وسلبياتها؟
ايجابياتها انها تعلمج كل شي اكاديمي من الالف الى الياء و تقوي شخصيتج و تقويج في الانجليزي
سلبياتها انها تعملج كل شي نظريا بس مب تطبيقيا .. تحتاج جهد متواصل..
18. مشروع التخرج؟
مشروعنا كان بحث عادي مب شي يديد لان تخصصنا ما يحتاج
19. شعورج في يوم التخرج؟؟
مستااااااااااااانسه وايد.. تخرجت هالشهر وشعور لاااا يوووصف

اشكرج على تفاعلج الحلو

احس انج استفدتي من تجربة الدراسية الجامعية بشكل كبير
والحلو انج ارتحتي للجامعة اللي اخترتيها وكملتي فيها
دائما الإنسان اللي يبذل جهد كبير يحصد ثمار تعبه طول هالسنين وتكون ثمار ناضجة وحلوة
ومن الواضح أنج اخترتي التخصص الصح لأنج ولله الحمد كملتي فيه
ولكن أحيانا الطالب أو الطالبة يعانون من اضطرابات تخليهم يفشلون في اختيار تخصصهم
أم آراء الغير تأثر عليهم والمقولة المشهورة: هذذا التخصص صعب؟؟؟
انزين ليش يعني هالاحباط
واحيانا تكون الاختيارات محدودة في الجامعة نفسها فيختار الطالب أي شي بس عشان يحصل الشهادة الجامعية
وما بنقول الاختيارات محدودة من قبل الاهل لأن في الفترة الأخيرة الاسرة اصبحت اكثر انفتاحا على المحيط العلمي
لأنهم على يقين بأن الشهادة هي اللي ترفع ابنائهم وتسوي لهم قدر
فبدووا يشجعون عيالهم وخاصة بناتهم على الدراسة

والحمد لله على كل حال