خطبني ولد خالتي وفيه الصرع انصحوني :(

[shogidesigner]

لسلام عليكم ورحمة الله وبركاتهم

عندي موضوع وافكر فيه كثير وماعندي احد ينصحني غيركم

امي وابوي الله يرحمه كان زواجهم زواج اقارب ومن بين اخواني كان اخوي اللي كان يعاني من امراض جلدية وبعد سنييييين توفى اخوي .. *ادعولهم*

المشكلة ان فيه 3 اشخاص في العائلة يحملون المرض بحيث لو تزوجنا من احد يقرب لنا اكيد بيجينا ولد فيه مرض وراثي

تقدم لي ولد عمي استخرت وبعدين مارتحت ورفضت وقلت يمكن خيره وبعدها تقدم لي ولد خالتي ورفضت وعشان ما احرجهم تعذرت بدراستي عشان يدورون حد ثاني بس هما انتظرو يمكن سنه واللحين بتخرج ويبين فيه تلميحات في الموضوع وانا خايفه ومش مرتاحه بنفس الوقت ولد خالتي انسان جدا محترم ومدين واخاف اوافق ع حد ثاني واندم بس بعد الواحد يخاف من الامراض

انا وايد محتاره واتذكر كلام امي يوم تقول ان ابوي رفض يزوج اخوي ببنت عمه عشان هالامراض بعد ما استشار الدكتوره ..
هو لو عايش بيعرف وين مصلحتي وانا جدا ضايعة لا امي ولا اخواني واعيين وبس يبون يفرحون ويرضون الناس ومحد فيهم يتخذ موقف قوي ويوجهني للصح نفس ما كان ابوي يوجه اخوي ..
ومره سمعت من اخوي ان هما بعد عندهم مرض وراثي في اقاربهم مش هما وفيه اطفال مغوليين

+ نسيت اقولكم شغله انه فيه صرع وانا شوي خايفه من هالموضوع لو مثلا يسوق ولا شي وصار له حادث او كان في الحمام وهالنوبه بتييه اي وقت وفجاه لو ماستخدم الحبوب وهو حاليا اعرف انه يسوق بس الوضع يخوف شوي

خالتي تباني اوافق من خاطرها بس ماتحسون هالشي فيه ظلم لي ان انا بعدني صغيره ويبوني اوافق عليه صحيح هوا ماشا الله عليه بس هالمرض احس صعب اي وحده تتقبله + مادري لو بعد وراثي وبيكون في العيال ولا ..

بليز كلكم ساعدوني ماعندي الا انتو اخذ بنصيحتكم

المزيد من آخر المواضيع من نفس القسم:

• كيفية تخفيف الم الدورة الشهرية للبنات
• نصائح لتكوني متفائلة وسعيده في حياتك
• كل ما تحتاجين لمعرفته عن صيام البشرة
• كيفية تجنب سوء الفهم مع زملاء العمل
• نصائح يومية بسيطة لتقليل التوتر والإرهاق حصري
• ممكن تعطوني حلول
• نصائح سحرية لزيادة الثقة بالنفس
• اعراض وطرق علاج اضطراب القلق الاجتماعي
• افضل نصائح لبداية عام جديد ملئ بالنجاح...
• تقرير شامل عن اشهر انواع الشخصيات السامة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[استغفر الله..]

والله يا اختي ما اجذب عليج
سمعت عن وحده الشهر الي طاف اتوفت بمرض الصرع يتها النوبه
وعايلتها نصهم طلع فيهم هالمرض

والريايل الي ياهم المرض احين مايسوقون لان يخافون تيهم النوبه وهم يسوقون

انا مابا اخوفج ولا اقطع نصيبج والاعمار بيد رب العالمين
بس استخيري ماخاب من استخار


ولكن مثل ماقلتلي انه هالمرض ممكن يكون وراثي وينتقل للابناء وهالشي مب فصالحج
اعتقد المرض ماله علاج الا بالحبوب يتم ياخذهم مدى الحياه


لاتظلمين نفسج
سواء مارتحتي لاتضغطين عنفسج ولاتجاملين
هاي مسأله حياه طول العمر
انتي بتعيشين مع شخص طول العمر
مب يوم ولا يومين

اذا مب مرتاحه قولي مب مرتاحه وسامحوني وايبيها باسلوب حلو
لاتجاملين فحساب تعاستج

وولد خالتج ربي بيرزقه من اوسع ابوابه وادعيله بخير


الله يوفقج

[sarah161]

بصراحه نصيحة أخت أكبر منك لا توافقين عشان اسباب كثيره. اعرف وحده من أهلي ماخذه واحد بعد من الأهل و هم الاثنين سليمين لكن والله متأذين في اولادهم كل الأولاد مب صاحين امراض الدنيا كلها فيهم ومساكين من مستشفي لمستشفي و حالتهم واجد صعبه.
و أعرف وحده ثانيه أخذت واحد فيه صرع وهي صغيره والله يرحمه توفي بعد فتره بسيطه وترملت صغيره. طبعا الأعمار بيد الله و اللي كاتبه الله بيصير لكن ليش تجنين على نفسج وعلى اولادج. حرام انا ما اعيب في الرجال و الله يوفقه بس بغض النظر عن مرضه انسي موضوع الصرع وخليه على جنب بس فكري في الأمراض الوراثيه مو عشانج عشان اولادج ايش ذنبهم.
الله يوفقه ببنت الحلال و يوفقج بس الموضوع يبي له تفكير فكري ولا تضغطين على نفسج عشان ما تندمين.

[مذهــله]

استخيري حبيبتي..

[عطر 77]

[αℓ-ḲḁᶔḅḮαh]

الله يرحمهم يآرب
...
في وأحد من الأهل توفى من الصرع يته نوبه وماقدر ومات واهو راقد >الله يرحمه
..
انا عني ارفض زواج الأقارب
انتي اسألي دكتور مختص في هالامراض محد غيره بيفيدج
..
الله يوفقج اختي

[رومنسية 84]

ما خاب من استخار عزيزتي
والطب تطور و اعتقد في فحص ما قبل لزواج و يوم تسوونه يخبروكم تنفعون حق بعض والا لا

[D BINT Q]

السَلام عليكم ورحمة الله ، شحالج اختي !


- حبيبتي ، الموضوع صدق يباله تفكير الف مره
ومثل ما قالن الخوات " لازم تستخيرين " . . يُوم قريت
الموضوع من برآ كنت بقُولج استخيري وتذكري دُوم
ان ولد خالتج صحيح فيه الصرع لكن يمكن يكُون افضل رجل لج
وبيعزج وبيكرمج وكُنت بقُولج فكري ف صفاته الثانيه وادعي
الله يوفقج لإنج قبلتي تتعاونين مع مرضَه

بس حبيبتي !
اذا المُوضوع فيه - امرآض وراثيه - اتمنى ان تستخيرين
وتفكرين الف مره ، وافضل اكيد الرفض لآنه ، باجر ماتعرفين
كيف بيكُونون عيالكم ! بتندمين انج وافقتي وسببتي لهُم انهم
ينودلُون بهالحاله ! . . فالنهايه الواحد يتمنى حسن ( الخُلق والخَلق ) !
والصحّه والعافيه ، ربيعتي كانت على علم انها وولد خالتها او عمتها *مادري شُو بالضبط*
مايناسبُون وانهم لو اجتمعوإ بيضر ف اطفالهُم لكنها خذته ، وبالفعل
الحين توفت لها ولد من اربع شهُور تقريباً ، عانا من المرض لمدة سنه او اكثر
و وصلُو لين الخارج يعالُونه بس سبحان الله ، كان دايم الدُوم مريض وصحته ابدآ
ماتتحسن الين الله خذ امانته ، وحاليا البنت تحاول تتعالج
بس عسب اطفالها اليايين ان شاء الله ماياخذون الجين نفسه !

ف يا اختي . . فكري الف مره فهالموضوع
وردي تأكدي من احتمال وجُود الامراض الوراثيه لان انا اشوف الموضوع
جدآ كبير والفرق كبير بين صرع ومرض وراثي بين الاهل!

وبالعكس صارحيهُم اذا تحسين بيتقبلُون كلامج
لانج ماتبين تظلمينه ولا تظلمين عمرج !

( استخيري وفكري ألف مره ) .

[زم_قمر_ان]

صلي استخارة
وإذا العائله عندها أمراض وراثية اﻻفضل ﻻ

[امراه]

استخيري اختي وايد ناس تزوجو وعدهم امراض وراثيه والحمدلله اعيالهم اشزينهم ماتعلمين يمكن هاختبار من رب العالمين لج والله يكتب لج اللي فيه الخير

[حالية الذوق]

لاتسمعين كلام حد باجر انتي اللي بتعيشين وياه .. مب غيرج ولان الريال فيه صرع الله يشفيه . حطي في بالج من الحين انج بشلين جزء كبير من المسؤوليه عنه . فكري وايد فنفسج لا تفكرين فخالتج وغيرها نصيحه . ربي يوفقج

[khaleejiya]

حبيبتي انا لو مكانج ما بوافق لانه في وايد اسباب تمنعني اني حتى افكر بالموضوع
اول شي الامراض الوراثيه اللي احتمال 99% تظهر بعيالكم والسبب الثاني مرض الصرع اللي يعاني منه (الله يشفيه ويعافيه ويعافينا)
انا ما اشجعج ابدا انج توافقين عليه ومن رايي تقولين للوالده انج استخرتي ومب مرتاحه للموضوع
انصحج تدخلين حد من كبار العيله ويكون انسان فاهم و واعي عشان يقنعهم ان هالموضوع فيه خطوره
والله يوفقج يارب

[طيف الغربة]

استخيري الله واذا في ارتياح واطلبي شرط انه تعملو فحص ما قبل الزواج خوفا على الاطفال لا اكثر وربي يكتب مافيه الخير

[ورقة ناعمة]

الغاليه تعرفين انتي شو المستقبل لانج شفتي بعينج الوالد والاطفال المنغوليين والامراض اللي بالعايلة

اللي منتشره بالاغلبية الله يعافي الجميع ,,,

نصيحة لاتوافقين الموت الله اعلم فيه بس انتي باجر اذا عرستى بتييبين عيال يا مريض يا ابوه اللي مريض

يعني حياتج بتكون متعبه يا مع العيال او الابو ,,,

اصرفي النظر وابتعدي عن الموضوع وزواج الاقارب ابتعدي عنه نصيحة

[ألم أمي]

الله يسخرلج الله فيه الخير لج ولأهلج
والله يرحم موتاكم رحمة واسعه وإن شاءالله
مرضهم يكون غافر لذنوبهم.