ريلي يباني احمل بس

[بسمه حزينه]

السلام عليكم


محتاره في موضوع وابا شوركم ورايكم حق
ترقد المدينه الي ف راسي هههههه


زوجي يباني احمل ومصرررر جدا
للعلم انا عندي طفلين واحد سنتين وثلاث شهور والثاني سنه وثلاث شهور
يعني بعدهم صغار ومشبعيني عن اليهال.
ماحس اني ابا احمل

بس ريلي من دخل البيبي سنه وبعد مشاا
قالي ابا بيبي يديد انا خاطري اصيييح اقوله ها بعده بيبي
يقول انه يحب اليهال



والحين الموضوع جدد يباني احمل خلاص قفلت الدنيا عنده
انا قلت اوكي بس ف خاطري انا مب مستعده لبيبي يديد لانه عيالي صغار
وطول يومي معاهم تبديل واكل ونوم وغير يوم يمرضون مع بعض
وبعد خايفه من العين والحسد
والنقطه الثالثه انا عايشه ف غرفه وحمام يعني لين متى بنتم ف هالضيق



كلامي ملخبط بس بليز شورو علي

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[احلى بعفويتي]

لا لا لا الوقت مو مناسب ابدا .. مول ما ينفع
عيالج وااايد صغار .. وما شالله 2 .. يعني اوووكي ..
لو واحد منقول ..
المهم انا ما انصحج ابدا الحينا تيبين نونو 3 ..
انا عندي بنوته عمرها سنتين و ثلاث شهور و بيبي عمره 3 شهور
و حياتي متكركبه .. مع اني عايشه بروحي .. بس بعد احس اني ندمانه اني استعيلت في الحمل بس الحمدالله
والحينا افكر عقب 7 سنين احمل مره 2 ..
ابا اعطي نفسي راحه و ارتب جسمي لان احس يبالي

[احلى بعفويتي]

لا لا لا الوقت مو مناسب ابدا .. مول ما ينفع
عيالج وااايد صغار .. وما شالله 2 .. يعني اوووكي ..
لو واحد منقول ..
المهم انا ما انصحج ابدا الحينا تيبين نونو 3 ..
انا عندي بنوته عمرها سنتين و ثلاث شهور و بيبي عمره 3 شهور
و حياتي متكركبه .. مع اني عايشه بروحي .. بس بعد احس اني ندمانه اني استعيلت في الحمل بس الحمدالله
والحينا افكر عقب 7 سنين احمل مره 2 ..
ابا اعطي نفسي راحه و ارتب جسمي لان احس يبالي

[مذهــله]

ع الاقل 3 سنين

[ام حتومي]

دامك تخافين من العين ومنتي متوكله ع الله والاذكار
عيل انتظري العين تصيبك
ياربي ناس تعصب

[بنت الشوامخ]

شلي فكرة العين و الحسد
اعرف حريم تبارك الله يابو ٧ ورى بعض وعادي
بس مافكروا بهالشي

اذا ريلج حاب ياهل يديد لاتكسرين بخاطره .. بس بشرط مهم .. لازم يساعدج ويشلهم وياج ويساعد بالتربيه ويشلهم نص الليل لما يصيحون
الياهال مسئووليه يبالهم عنايه اهتمام تعليم مجابل وكل واحد ياخذ حقه و وقته
مب الواحد اييب لانه يحب وخلاص

الله يوفقكم ويكتب لكم الخير

[ورقة ناعمة]

محد بيحسدج فديتج بيدعولج الحريم لانج بتغمضينهم ....

حطي اليهال عنده يوم كامل يبدل يغسل يغير يلعوزونه شوي وبعدين شوفي مقياس محبته لليهال


ترى انا مجربه هالقياس الحبي لليهال .... وجربت ريلي طلع تحت الصفر ,,, والحين مايروم يبطل حلجه ....

[نانوني]

انا ويا ورقة ناعمة الصاراحه

انا ريلي كان جي احملي وهاتي... يبت 2 وكل شي على راسي ف ال3 عقيته على راسه سكت ولا قال شي لين ما كملت بنتي 3 سنين الحينه يحن يقولي هاتي...

لازم يجربون ويحسون مب هاتي وسوي وحطي وشيلي وهو ولا على باله....

[امراه]

شو دامه يبا يهال وايحبهم هاتيله لااختي بعد الزم ماعليج صحتج والرياييل ماايشبعون ابد ولاايحسون خليهم عالاقل لين يكبرون وايعرفون يخدمون عمارهم من حمام وغيره

[ضي القمر..]

دامك تخافين من العين ومنتي متوكله ع الله والاذكار
عيل انتظري العين تصيبك
ياربي ناس تعصب

اختي ما لقيتي اسلوب افضل فالرد؟!؟!


صاحبة الموضوع استخيري الله وعن راييي انا مع الخوات اصبري خل بكبرون التربية صعبه الله يعينا عليهت

[ناروتا]

مثل ما قالو الاخوات,خليه يجرب يشيل واحد منهم عنك يوم واحد فقطططططططططططط وشوفي ردة فعله اكييييييييد بيغير رأيه وبيقول كافي!!!
ونصيحة اختي انتظري يوم يكبرو شوي ويشيلو انفسهم ويخف الضغط عليكي ,ساعتها فكري تجيبي الثالث

وعند البعض يعتبر حل انك تجيبي خدامة تساعدك في الأطفال وتكون متفرغة لهم,عن نفسي ابدا ما اشجع

[بسمه حزينه]

شكرا لجميع الي ردوا


والس تقولي اذا تخافين من العين والحسد اقولها هي اكيد بخاف العين والحسد مذكور ف القران مب قايله شي خرافي انا والواحد مرات ينسى يحصن نفسه وعياله


زوجي يحب اليهال ومهتم فيهم يعني عادي يسبح ولده يبدله ياكله
صح مب كل يوم لانه يشتغل بس ف الويكند يساعد
ويحب مظهر الطفل يكون مرتب ويحب يادبهم يعني ف الاكل والسلام والطلعات
يعني يقول عادي بساعدج لو قتله تعب وجي وعندي خدامه بس هو شارط عليه انه هي تسوي تليزتبينه بس غسيل وسبوح عليج هي نغدي تلعب تيود اووكي


بس بعد الخدامه مب ملحقه تساعدني لانه عندها غسيل لبس كوي تنظيف وهي بعد ماتحب تهتم ياليهال مب مالت يهال بس انا مستحملتنها لين ماتخلص عقدها

[ام خلود القمر]

سيري عند دكتوره نسائية وشوفي شو رايها؟

الحمل مب شي بسيط ويعتمد على حالتج الصحيه مثلا نقص الدم او نقص الفيتامينات او الرضاعه الحالة الجسمية للحرمة في أمور صحيه وايد تتخذها الحرمه قبل الحمل وخاصه انه عيالج صغار وهالشي بيكون احسن مع متابعه زوجج

الله يوفقكم

[بسمه حزينه]

انزين وين اسير عند اي دكتوره
انا ف بوظبي وماريد الكورنيش اريد دكتوره ف عيادات خاصه
وتكون وحده تاخذ وتعطي ع الاقل يمكن تقنع زوجي

زوجي يقول هذي امي ووامك يابو ماتمو ينحججون تعب ومانقدر ومسوليه

[لأنني مختلفة]

خلي كل شي ع صوب
بس كيف تحملين واتيبين الثالث وانتي لج حجرة بس؟
حرام احس حقج وحق اليهال