الغاليـات ممكن من وقتكم

[برستيج راكـ]

السلام عليكم خواتي ...



امم قبل فتره قصيره .. نزلت موضوع عن الولاده والالام والمخاوف او شو كان تجهيزاتكم وكيف كانت تجربتكم .. لاني انا االصراحه خيفانه ..من الولاده لانه اغلبهم اللي كانوا حولي خوفوني .. لكن الحمدلله من نزلت الموضوع في كم وحده ردن وماقصرن .. عالعموم .. مشكورات واذافي بعد مشاركات بيكون احسن وبطمان اكثر .. موضوعي الحين هو كيف اجهز شنطتي انا وشو احطي فيها وكيف استخدم مثلا الميبو وغيره من تجارب البنات .. وشو اسوي بفتره الاربعين ان شاء الله .. واللي عندها فكره لاتقصرر ويزاكم الله الف خير ... والسموحه

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[برستيج راكـ]

وشو كان جدولكم .. من ناحيه الاكل .. والاهتمام في نفسكم وغيره يعني شي مرتب من بدايه دخول المستشفي لين اخر يوم في الاربعين . .. ارجو منكم الرد .. وشكرا حبايبي

[يمامة أيوب]

هلا وغلا ...
يا حياه الله بنت اماراتي راك.. محاتاتج طبيعية و حلو انج تبين تتعلمين و ان شاء الله كل وحده تكتب عن الامور اللي كانت تتبعها و الاخطاء اللي طاحت فيها و الامور اللي لازم الوحده تتجنبها...
قبل موعدج و الاحرى اول ما تدشين التاسع خلي شنطتج و شنطة الياهل جاهزه .. تحسبا لاي طارئ خاصة لو يالج العوق و انجبرتي تروحين المستشفى وحد ثاني اييب باقي اغراضج ...

بالنسبة للشنطة .. خليهم شنطتين ..لج وللبيبي
شنطه سحب حقج الحجم الصغير و شنطه بيبي كتف او براحتج نفس شنطتج سحب

شنطتج ..
حطي فيها الويز الحجم الكبير يكون قطني اللي لونه بنفسجي قطن
بتيلسين يومين الى 3 بالمستشفى حطي جلابية بيت ايدها طويله عن كل يوم ..جلابية مع شيلة البيت ولو تبين اتعرفين اييونج زوار وايد حطي لج لبس شوي اكشخ عن جلابية بيت يعني من الجلابيات وقتت الزواره

فيه مذكر كير هافات شفافة خخفيفة ما تضغط وايد تريح من بعد الولاده عشان الجرح اخذيلج شده مالت لبسه وحده لانه من بعد الولاده بيطلعونج و بيخلون تحتج حفاظه كبيييره و فوقها الويز عقب بيقولونج بدلي وقت بينظفون الفراش انظف و اريحلج تشترين ها لهافات الخفاف


ستيانات قطن مال الرضاعه المهم ستيانات من غير حديد
مذكر كير اخذيلج القطن المدور اللي ينحط على الصدر عشان الحليب وقت ما ترضعين شده او

اخذيلج دلاقات
نعال تلبسينه للغرفه ولا تنسين نعال حقج وقت طلعتج

عباية لمن تطلعين من المستشفى و شيله لانج بتيين بعباتج وقت الولاده و بتبدلين ل لبس المستشفى هذيك العباه ما تنفع فحطيلج عباية و شيله و نعال ليوم طلعتج
شاحن تلفونج
ادوات النظافة مالج يعني صابونج الاسفنجة بودرتج الديودرانت الكريم ( الا لو عندكم المربية ما تتسبح الا بعد كم يوم ) لكن انا لا كنت اتسبح اول باول
مكياجج لو اتحطين و استشوار لو لج بارض عشان تكونين فريش

شنطة البيبي..
لانه بعد ما يسبحونه و ينظفونهه بيلبسونه لبس مستشفى الف واحد لابسه فييبله لبس احسن
- 4 اوفرولات كاملات مع قماطهم مع كبوس اطقم قياس نيوبورن او 0
-- لحاف للبيبي صغير
- شده فوط صغيره تمسحينه زواعه وتنظيفه

-لوششن اللي تبيينه جونسن او غيره للبيبي
- يوم الطلعه لازم يكون عندج اللفه المدس العود عشان تشيلينه ...مع قماطه او يوم حد بيي يزورج يشوفه
بامبرز اللي لونه اصفر قطن اصغر قياس ... او لو تبين نوع ثاني غير بامبرز فيه اسمه بامبي بعد قطن و فيه قياسات وايد حتى من 0 وبعد مريح
الوايبس سواء مال جونسون او سيباميد لانه ما يكون معطر ما يحسس بشره الياهل

وبس يومين او 3 بتكونين طالعه بالسلامة

[يمامة أيوب]

المرحله الثانية ..

مرحلة نفاسج..
اول كم يوم جسمج بيكون هلكان تعبان دايما انصح الام لمن البيبي يرقد انتي ارقدي بعد لا تقاومين لانج بتحاتجين الطاقة عشان تقومين ترضعينه
شفاطة الحليب لانه مرات يتمع الحليب ماتقدرين ترضعين مب زين يظل بصدرج لانه بيسببلج حمى ..اشتري مراضع جمهم صغير ... عشان تشفطين الحليب

و مرات لمن تكونين تعبانه تبين ترقدين حد ثاني يقدر يرضعه ..طبعا لمن تشفطين حطي بالثلاجة و لمن تبين تستخدمينه اشتري اللي يسخن الحليب جهاز بمذر كير او خلي حد يسخن ماي حار و يحط المرضعه بنص الماي الحار تدفى لكن عمرج حياتج لا تستخدمين المايكرويف
- فيه حريم من يعد كمن اسبوع من عمر الياهل يعطونه ينسون عشان الغازات اللي ببطنه و يمسدونه بزيت زيتون ..عشان يرتاح جسمه و يطول بالنومه ..

- عقب كل رضعه لازم اتريعين الياهل حتى لو راقد...لازم يطلع الغازات لا تتعايزين ...
بالنسبة لعنايتج بنفسج

بالنسبة للأكل ...

اهتمي باكلج عشان وزنج عشان الحليب يعني أكلي زين وزيدي الفلفل الأسود في أغلب أكلج لأنه مفيد جدا في تنظيف الرحم من الدم الفاسد والأوساخ وابتعدت عن الممنوعات من الأطعمة في فترة النفاس واللي تشمل .* الأطعمة الباردة والمثلجة .
* الاطعمة اللزجة مثل البامية والموز وغيرها كانوا يقولون لي لا تشربين برتقال بس كنت اشرب عادي ...حاولي تبتعدين عن البيبسي و الغازات تستبدلينه بمشروبات ساخنه حتى اليانسون زين حقج بس ابتعدي عن المرامية ...
مغلي الزعتر على الريق وها يفيد في التخلص من الآلام اللي تجي بعد الولادة وخاصة أثناء رضاعة البيبي وهاذي معناها أن الرحم قاعد يرجع لحجمه الطبيعي ..

وبعد ما وقف الدم قمت أشرب منقوع الكمون والحبة الحلوة ( الشمر ) وقشر الرمان (بودرة ) وهذا له فوائد كثيرة ينزل الأوساخ وينظف الرحم ويصغر البطن ويساعد في التضييق ...

في خطأ طحت فيه وأتمنى أنه تتلافونه ..

كنت أسمع دايما النساء الكبار يمنعون من شرب الماء بكثرة في وقت النفاس فهذا الشي خلاني أقلل كثير من شرب الماء فصادني التهاب لدرجة أني لما أروح الحمام وأنتو بكرامة أحس بحرقان وألم فظيع في الكلى عند البول وبعدها حرصت أني أشرب ما لايقل ع ستة أكواب ماء في اليوم ..و يساعد وايد مع الامساك بس لا يكون ماي بارد

بالنسبة للغسول. و منطقة الخياط

لا تيلسين على ارض صلبة تحت ع الارض
غسول كنت استخدم غسول سيتيل لانه مضاد للفطريات و البكتيريا ...خففيه بالماي و اشطفي
استخدمي بخاخ البيتادين
حطي مرهم ميبو على الفوطه و لبسيها
( خالتي كانت تنصحني اشتري من العطار شي اسمه خو جوا واخلطه بزيت زيتون و حطه يا الجرح يا الفوطه لانه مطهر و يشد ) ما جربت الطريقه اختي جربتها و تقول حست بتغيير..

ومرات لتخفيف الالم كنت ايلس بطشت ماي دافي بس ما كنت احط ملح لانه الدكتوره حذرتني منه .

لمن كملت 25 يوم رحت عند الدكتو رة و شالتي الخيوط و ارتحت و زادت عنايتي بالمنطقه و نظافتها ... بديت استخدم اول شي تحاميل البوثيل و قريب طلعتي من الاربعين استخدمت تحاميل البيتادين .. و نظفت و ماكان فيه دم متجمد او وصاخة ,,
واستخدمت مسحات المسك عشان الرريحة ...ها كله من بعد ما برى الجرح ووقت طلعتي من الاربعين

طبعا الرضاعه الرضاعه بتحسين بالم و مغص بس وايد يفيد ..اشربي زعتر يخفف

بطنج اربطيه يوميا لا تملين شيليه وقت السبوح ووقت النوم و انصحج اول 20 يوم اربطيه بشيله مالت البيت او غتره عقب استخدمي مشد اقوى من الصيدليه طبي ..بس لا تستغنين عنه و بطنج طول ما انتي يالسه ترضعين او اطالعين تلفزيون او تمشين اشفطيه دوووم على داخل
حاولي مع المشد تحطين كريمات شد من الصيدليه او من دكتور نيوترشن

جسمج يا ادورينلج خلطاات من تاجرات او تروحين بودي شوب او وورك شوب او فيكتورريا سيكرت خلطات و سنفرات كل دشه الحمام للسبوح تفركي ورطبي جسمج وشعرج و اول شي غسليه حطيه فيه حمام زيت عقب غسلي جسمج و تالي غسلي شعرج ...
ها الامور في البداية صعبه بسبب تعب الجسم بس عقب اسبوعين الى 20 يوم او بعد طيحة الخيوط و سهوله حركتج بتقدرين تسوينها اكثر و تلتزمين
فيتامينات كالسيوم لا تهملينها ترجعلج نشاطج و حركتج

والله يتمم حملج و يسهل ولادتج

[ليندااااا]

الأخت يمامة أيوب ما قصرت
الله يهون علينا الحمل والولادة يارب

[سفيرة دبـي]

ما شاء الله تبارك الرحمن اختي يمامه افاده لج الاجر ان شاء الله

سيفت نصايحج و ربي يتمم علينا يميع بالولادة اليسيره و الطفل السليم

[اسعد تعيسه]

جزاكي الله خيرا اختنا يمامه

[برستيج راكـ]

مشكورات ..