اكسبو والعقارات والحل وياهم ؟؟؟

[عطر 77]

أدري ان الموضوع شوي حساس , بس قبل ما تهجمون علي حسوا في الناس اللي ظروفها الماديه على قد حالها
كل واحد يتمنى بلاده اتكون الأحسن والافضل ويتمنى لها التطور , بس مب على حساب الناس الفقرا واللي رواتبهم يالله تسد يوعهم ومصاريف بيتهم وعيالهم والفواتير
من فازت دبي في أكسبوا والعقارات ارتفعت بشكل مب طبيعي ابدا !!
بعد ما كانت شقتنا ب 30 الف فجأة يانا المأجر وقال ب 50 الف !!!
ليش 50 وقانون انكم ما ترفعون علينا الاجار الا بعد 3 سنوات , قال عشان اكسبو
يا انكم تدفعون 50 والا اطلعو من الشقه , والقهر ان المؤجر بنغالي !!
يعني صاحب شقتنا بنغالي ونحن مأجرين الشقه منه .
وبالزور قالنا له اصبر علينا شهرين لين اندبر امورنا واندور شقه تناسب وضعنا المادي
ودفعنا له حق شهرين عسب يسكت عنا
ولفينا عيمان اللي كانت ارخص العقارات فيها , والحين استوت كل الاسعار مشتعله من 50 الى 80 للغرفتين !!
والاستيديو وصل 30 . مب معقوله اسكن في استيديو انا وعائلتي !
والبيوت وصلت 80 وفوق !! وكل هذا والسبب اكسبو !!******
والله ما فرحت يوم فازوا , لاني أدري أن الإجارات بترتفع بس مب لها الدرجه !
شكلنا بننصب خيمة في البر ونفتك من هالمذله , حتى الخيم بتغلا
لا اتقولون ليش ما قدمتوا ع الاسكان والا القرض
لانكم اتعرفون ان بالواسطه و حبالهم طوييله وبعد موت بيعطونا وهذا اذا عطونا أصلا
والحل ؟؟؟ شو نسوي ؟؟ وين نسير ؟؟ عند منو نشتكي ؟؟ وين نسكن ؟؟ وين انعيش ؟؟؟ منو بيسمعنا أصلا ولا بيهتم في الموضوع ؟؟؟ ********

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[امراه]

الله يعينكم اختي تواصلو مع البث المباشر لاحول ولاقوه الابالله

[munamoor]

أختي اول شى شو يخص الإيجارات في إكسبو 2020!.
لان في بوظبي نفس الشى لا غلينا الإيجارات ولا هم يحزنون
انا اعرف ان تقريبا كل نسبة يرفعون الإيجارات بنسبة بسيطة

بعدين الي اعرفه ان الي من إمارة الشارجة يتواصل دايركت مع الشيخ سلطان و الدليل على ذلك اعرف وايدين قدموا على الإسكان بدون واسطات و خاصة الامارات الشمالية

لو تقولون لي واسطات في دبي و بوظبي بنقول لج جائز اما باجي الامارات يعني ماشي حالهم من حيث برنامج زايد و برنامج راشد و وايد برامج ما شاء الله

[Eleena]

الله بعين اختي شو نقول احنا الي دخلنا ٧٠٠٠درهم بيروح منهم أجار البيت ٢٣٠٠درهم وميه وكهرباء وصرف صحي ٥٠٠ومواصلات لزوجي اكتر من ١٠٠٠ والبنك له ١٠٠٠درهم وعندي ولدين بس الحمد لله ع كل حال والمشكله متغربين عشان شو عشان نتمرمط بالحياة والبعيد يقول هدول بالامارات مبسوطين ومكيفين احمدي ربك وربنا كريم

[عطر 77]

أختي اول شى شو يخص الإيجارات في إكسبو 2020!.
لان في بوظبي نفس الشى لا غلينا الإيجارات ولا هم يحزنون
انا اعرف ان تقريبا كل نسبة يرفعون الإيجارات بنسبة بسيطة

بعدين الي اعرفه ان الي من إمارة الشارجة يتواصل دايركت مع الشيخ سلطان و الدليل على ذلك اعرف وايدين قدموا على الإسكان بدون واسطات و خاصة الامارات الشمالية

لو تقولون لي واسطات في دبي و بوظبي بنقول لج جائز اما باجي الامارات يعني ماشي حالهم من حيث برنامج زايد و برنامج راشد و وايد برامج ما شاء الله

كيف شو يخص الإجارات في إكسبو ؟! اذا البنغالي صاحب العقار بنفسه قالنا سبب زيادة الإجار هو إكسبو . وشكله يكلمنا بكل ثقه مب خايف من القانون اللي المفروض يلتزمون فيه ان ما يرفعون الإجار على المواطنين 3 سنوات , ونحن هذي السنه الثانيه ساكنين فيها .عالأقل يزيدون 5000 مب 20 الف مره وحده
وتعالي شوفي اللوّح اللي رازينها في الشوارع بخصوص الاجارات , وبعد كاتبين فيها ان الاجارات اترتفعت في عجمان بعد فوز دبي في الإكسبو , ******

[عطر 77]

الله بعين اختي شو نقول احنا الي دخلنا ٧٠٠٠درهم بيروح منهم أجار البيت ٢٣٠٠درهم وميه وكهرباء وصرف صحي ٥٠٠ومواصلات لزوجي اكتر من ١٠٠٠ والبنك له ١٠٠٠درهم وعندي ولدين بس الحمد لله ع كل حال والمشكله متغربين عشان شو عشان نتمرمط بالحياة والبعيد يقول هدول بالامارات مبسوطين ومكيفين احمدي ربك وربنا كريم

الحمد لله على كل حال

[ام حتومي]

ميس بنك الايجارات بااابوظبي مااارتفعت بسبب بعدها عن دبي

عندنا ارتفعت ارتفاع قوي والمشكله كل الشقق

طيب ليش من الحين يرفعون المفروض يرفعونها ع قرب المعرض

عطور يالبئ قلبك والله ماشاءالله اهلي لهم خبره بالمعارض والعقارات
بما انكم مواطنين كلموا شيوخكم اتوقع ماااشاءالله مراح يقصرون ومنها البقيه يتعدلون

[حص المنقى]

الله كريم

[ياقوتةخضرا]

[عطر 77]

الله كريم

[munamoor]

اختي عطر ،،، و الله ما اعرف يا غير البنغالي هو صاحب العمارة !؟!؟
عندج حل واحد لا غير
اتصلي FM الامارات لانهم يعرضون كل مشاكل الامارات السبع
عل و عسى يحصلون حل لمشكلتج

[رباب حمدان]

زين والله وايد زين

ها ولا شي بعدكم ماشفتوا شي


الله يرحم البيبسي بدرهم صار درهمين ونص والفيتامين سي الي كان درهمين ونص صار خمس

تبون الاكسبو تحملوا

[مهرووووووه]

الله المستعان..

[nooraaaa]

والله معاج كل الحق اختي .. انا بعد ما فرحت وايد يوم فازت دبي لاني اعرف انه محد بيدفع الثمن غيرنا نحن اصحاب الدخل المحدود !

اكسبو خدم اصحاب الملايين و اصحاب العقارات و المشاريع الانشائية لكنه للاسف ظلم الفئة الكادحة من مواطنين و عرب و اجانب .. الواحد وين بيسير يعيش على المريخ احسن شي !

الله يعينج حبيبتي و يعيني و يعين كل انسان على هالحياة الصعبة اللي كل مالها تغلى و الانسان يرخص !

ما نقول غير الحمدلله ع كل حال

[عطر 77]

زين والله وايد زين

ها ولا شي بعدكم ماشفتوا شي


الله يرحم البيبسي بدرهم صار درهمين ونص والفيتامين سي الي كان درهمين ونص صار خمس

تبون الاكسبو تحملوا

لا فديتج ما نباه الله لا يوفقهم فيه بحوله وعزته وقدرته الكريم