فكره مشروعي من البيت والحمدلله نجح.. حياكم

**Nada2008** · 2014-02-09, 15:02

مرحبا خواتي
حبيت أشارك بتجربتي المتواضعة يمكن تعجبكم وتستفيدوا منها ..علشان احطكم بالصوره راح احكي لكم قصتي من البدايه

بصراحه انا كنت طول عمري موظفه لكن كان حلمي ان امتلك مشروع خاص .. بس المشكله اني ماكان عندي راس مال وماكنت جريئه و أخاف من اغامر
لين ما قريت من سنه وبالصدفه موضوع وحده بمنتدى كويتي تمدح منتج طبيعي ونزلت عليه وزن حلو بمده معقوله ، واكتبت انها شرته من بريطانيا والاخصائيه تتابعها اون لاين لين ووصلت للوزن المطلوب
وانا ذيك الفتره كنت طفشانه من وزني وأبي انزل باسرع وقت لان بعدها بشهرين عيد وفي عندنا أعراس !
ماطول عليك السالفة استفسرت من البنت وأعطتني معلومات الاخصائيه وتواصلت معاها وأرسلت لي المعلومات والشرح ، وانا بحثت عن منتجاتهم لقيت
1-انها شركه كبيره ولها 155 فرع وصار 35 سنه بالسوق .
2-عندهم ضمان على جميع منتجاتهم لمده شهرين لو الزبون ما استفاد ترجع له فلوسه حتى لو خلص المنتج..
3- واكثر شي ريحني لما بحثت عن المنتج بقوقل بالانجليزي لقيت تجارب واااايد وفيديوهات أجانب استعملوه والكل يمدح فيه ومالقيت احد يذم
المهم توكلت على الله طلبت المنتج من فرعهم بالامارات عن طريق الاخصائيه طبعا و استخدمته والحمدلله نزلت وزن ولاحظت تحسن كبير ببشرتي وشعري لانه هو مثل برنامج تنظيف للجسم من السموم ودايت للي يبي ينزل وزن او يزيد وزن او يحافظ على وزنه
وطبعا من بعد ماكل الي حولي شافو النتيجه علي صارو يطلبون مني وانا اطلب لهم من الاخصائيه صرت صحبه معها
المهم عرضت على اني أكون وكيلتهم بالخليج لان الوكالة مش حصريه وماتحتاج لمبلغ كبير ومادام المنتجات مضمونه من الشركه يعني مافيها خساره!
عجبتني الفكره كثير خاصه لان منتجاتهم 240 منتج كلها طبيعية ومآلها اي مضار جانبيه و محتاجينها بكل بيت (مثل دايت ، حلول لتساقط الشعر ، وتصبغات البشره ، وترهلات الجلد والسلولايت ، واشياء كثيره ) ونتائجها مضمونه وآلاحلى من كذا انها شركه عالميه يعني ممكن ترسلين لأي زبون بالعالم والشركه هي الي بتوصل يعني افتكيتي من الشحن وهالتوكيلات

والحمدلله بديت معاهم على طول وصرت أشتري وأبيع داخل الخليج بس .. وبعدها توسعت والان صار عندي زباين بكندا وأمريكا وتركيا وليبيا يشترون من خلال ويب سايت رسمي مسويته لي الشركه وهي توصل لهم ... لا محل ولا أجار ولا مخزن ولا عمال
اول ما بديت تخيلي اول بضاعه اشتريتها 1500 درهم (ميزانيتي وقتها) والان بالشهر أبيع اقل شي 30000درهم اللهم لك الحمد والشكر

وعلى فكره هم يسون ترنينق ومحاضرات مجانيه اون لاين لكل التجار الي يتعاملون معاهم بانجليزي والعربي مرره مفيد، يشرحون كيف تبدين بتجارتك وكيف تسوين لك خطه عمل وكيف تبيعين بضاعتك وتحققين اعلى المبيعات وتنجحين وين تحصلين زباينك وكيف تتجاوزين الصعوبات الي تواجهك خاصه بالبدايه والتخطيط التجاري ... بالفعل استفدت واااايد حتى شخصيتي تغيرت ، قبل كنت موظفه وايد انحرج وماعرف أبيع واذا احد علق ماعرف ارد ... تخيلي الحين بعد سنه احس بتطور كبير بشخصيتي وأسلوبي وحتى ثقتي بنفسي زادات بشكل خيالي ، وأحلى شي اللغه الانجليزيه تطورت لان الشركه اجنبيه وطول الوقت أتعامل مع إنجليز

وطبعا اكتشفت ان في شركات كثيره ومنتجاتها وافكارها مختلفه تتعامل بنفس هالطريقه تعطي توكيل غير حصري ومو لازم راس مال كبير ممكن تبدي على قد ميزانيتك وبعدها تكبري اشوي اشوي .. وأحسن شي بترتاحين من هم المحل والعمال والتراخيص
العذر اذا طولت عليكم والي عنده اي استفسار او سؤال انا حاضره وممكن اساعدكم كيف تبحثين عنهم..
اتمنى لك ولها التوفيق

المزيد من آخر المواضيع من نفس القسم:

**قلب جوري** · 2014-02-10, 09:31

اشتركت فيها .. والحمدالله منتجاتهم حلوووه ..

بس خاطري احضر الترينق مالهم للحين ما حضرت ..

الله يوفق الجميع ..

**ام-مريم** · 2014-02-10, 13:06

لا اله الا انت سبحانك ربي اني كنت من الظالمين

**Nada2008** · 2014-02-10, 14:53

قلب جوري مبرووك الف مبروك حبيبتي
صاجه منتجاتهم كلمه روعه قليل عليها ! بالنسبه للترنينق ، عندهم في مقر الشركه ترنينق أسبوعي واذا ماقدرت تحضرين .. في ترنينق اونلاين بعد
انا بصراحه وايد استفدت من الترنينق ..ارسلي لي الوتس اب مالج بالخاص وانا ارسلك معلومات الترنينق انشالله
في شي خاص ببرنامج الدايت وفي دوره خاصه عن الفيشل وفي كيف تحصلين زباين وتهتمين فيهم علشان يرجعون لك حتى كيف تسوين لك خطه ناجحه للبزنسس و كيف تسوين بزنسس عالمي !
بالتوفيق واي مساعده انا حاضره

**قلب جوري** · 2014-02-11, 10:40

بطرش لج الرقم على الخاص ..

بالنسبه للترينيق كلمتهم اليوم قولولي في بشكل يوميا لمده ساعه المسا ..

برنامج الدايت وااايد حلو ..

اختي طلبت منه
واخوويه بعد
وربيع اخوويه

والحين بنات الدوام ..
بصراحه واايد حلو ..
الله يوفق الجميع

**Nada2008** · 2014-02-11, 17:34

المشاركة الأصلية كتبت بواسطة قلب جوري

بطرش لج الرقم على الخاص ..

بالنسبه للترينيق كلمتهم اليوم قولولي في بشكل يوميا لمده ساعه المسا ..

برنامج الدايت وااايد حلو ..

اختي طلبت منه
واخوويه بعد
وربيع اخوويه

والحين بنات الدوام ..
بصراحه واايد حلو ..
الله يوفق الجميع

بالتوفيق

**ام سلطان AJM** · 2014-02-11, 22:18

كيف نبحث عن هالشركات

**آم آلدآنة** · 2014-02-12, 01:34

السلام عليكم

اي شركة هذي ؟؟
بليز ردي

**Nada2008** · 2014-02-12, 04:14

ياهلا اختي ام سلطان وأم الدانه
للاسف ممنوع احط اي روابط على العام
ارسلي لي الوتس اب وانشالله برسلك معلومات اكثر
بالتوفيق

**آم آلدآنة** · 2014-02-13, 01:21

هلا اختي .. طرشت لج

اترياج :*

**أبل7** · 2014-02-13, 02:12

يزاج الله خير أختي

ممكن تطرشين لي ع الخاص اسم الشركة وشو اسم منتج التخسيس

**Nada2008** · 2014-02-13, 22:51

المشاركة الأصلية كتبت بواسطة أبل7

يزاج الله خير أختي

ممكن تطرشين لي ع الخاص اسم الشركة وشو اسم منتج التخسيس

ارسلت لك على الخاص اختي !!

**كتكوتة حبيبي** · 2014-02-14, 01:48

بالتوفيق

**شيخه بمعانيها** · 2014-02-15, 16:22

عندهم منتجات لزيادة الوزن بس بدون مااجمع دهون -.-

الله يوفقج

**Nada2008** · 2014-02-15, 21:13

المشاركة الأصلية كتبت بواسطة شيخه بمعانيها

عندهم منتجات لزيادة الوزن بس بدون مااجمع دهون -.-

الله يوفقج

نعم أختى عندهم برنامج لإنزال الوزن او زايادته او تثبيته ، بشكل صحي وطبيعي مع نظام غذائي خاص للكل شخص ، نحسب نشاطه اليومي وأمور ثانيه وبعدها يصمم نظام غذائي خاص له مع بعض منتجات وبعض النصائح ويتابع الى ان يحصل على النتيجه المطلوبه باذن الله .بالتوفيق

الموضوع: فكره مشروعي من البيت والحمدلله نجح.. حياكم

أدوات الموضوع

عرض

فكره مشروعي من البيت والحمدلله نجح.. حياكم

المزيد من آخر المواضيع من نفس القسم:

رد: فكره مشروعي من البيت والحمدلله نجح.. حياكم

رد: فكره مشروعي من البيت والحمدلله نجح.. حياكم

رد: فكره مشروعي من البيت والحمدلله نجح.. حياكم

رد: فكره مشروعي من البيت والحمدلله نجح.. حياكم

رد: فكره مشروعي من البيت والحمدلله نجح.. حياكم

رد: فكره مشروعي من البيت والحمدلله نجح.. حياكم

رد: فكره مشروعي من البيت والحمدلله نجح.. حياكم

رد: فكره مشروعي من البيت والحمدلله نجح.. حياكم

رد: فكره مشروعي من البيت والحمدلله نجح.. حياكم

رد: فكره مشروعي من البيت والحمدلله نجح.. حياكم

رد: فكره مشروعي من البيت والحمدلله نجح.. حياكم

رد: فكره مشروعي من البيت والحمدلله نجح.. حياكم

رد: فكره مشروعي من البيت والحمدلله نجح.. حياكم

رد: فكره مشروعي من البيت والحمدلله نجح.. حياكم

المواضيع المتشابهه

عندج موهبه التصمييم والابداع عيل انتي المطلوبه ..فكره مشروعي الرابع

كيف أبدا مشروعي من البيت؟؟؟