تجربتي السيئة جدا ويا الدكتور مازن في عيادة استثيك-بوظبي

[منى-السويدي]

اول شي حبيت اقولج ما تشوفين شر الغالية
وصدقيني زعلت من قريت الموضوع وانقهرت وايد
طرشتلج عالخاص وما رديتي
قلت اكتبلج هني

اللي قهرني اكثر يا بهلولة ان هالدكتور سمعة عالفاضي
ما تتخيلين شو سوا بربيعتي
خرب ويها
وتعامله زفت في زفت
وانا كنت وياها وشفت اسلوبة
وحذرت كل حد اعرفه منه
لا اخلاق ولا حرفية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بهلولة]

اول شي حبيت اقولج ما تشوفين شر الغالية
وصدقيني زعلت من قريت الموضوع وانقهرت وايد
طرشتلج عالخاص وما رديتي
قلت اكتبلج هني

اللي قهرني اكثر يا بهلولة ان هالدكتور سمعة عالفاضي
ما تتخيلين شو سوا بربيعتي
خرب ويها
وتعامله زفت في زفت
وانا كنت وياها وشفت اسلوبة
وحذرت كل حد اعرفه منه
لا اخلاق ولا حرفية

سامحيني الغالية
مو القصد اطنش
وعالعموم خليني اكتبلج هني عسب ما اعيد رمستي مرتين

ونرد لمازنوه (اتنرفز يوم اطري اسمه)
اللي صار حبيبتي ان الاخ سوالي جراحة موضعية بسيطة لازالة شي
وطبعا لان اسعار العيادة نااار دفعت وقلت مو مشكلة الوحدة تشتري راحتهاوهذا ويه مو لعبه
عقب كمن يوم اكتشفنا ان العملية فشلت وما سوا شي (حسبي الله ونعم الوكيل)
ودخلي بكلام طبي وهالسوالف
قتله والبيزات!!!
قالي اروم اسويلج فيهم خدمه ثانيه
وانا كان خاطري من قبل اسوي فلر عسب اعبي فراغات الضعف
وعقب تعرفون اللي صار (نفخلي شفايفي شرات البطة وخدي بمواد دائمة)

القهر اني يوم اذكر اقوله ذوب ماده الفلر في جهة خدي اليسار
يقولي تعالي عقب يومين وبنشله
وعقب يومين يوم ارد يتعذر باي شي ويقولي تعالي عقب اسبوع
تخيلو هالحركة سواها فيني هو وعيادته يمكن اربع مرات
وراعية المكان يوم شافتني قالتلي انتي صغيرة بعدج ليش تسوين فلر!!!!
قلتلها انا اسفه وغلطانه اني اسوي لكن الحين خوزو اللي بويهي
وطبعا تسكتني باشيا ثانيه
حسبي الله عليهم كلهم
لان عقب اكتشفت ان هاي طريقة يطفروني فيها
لان الفلر ما يخوز‎ نفس الفلر العادي المعروف

[Pink Cherry]

حسبي الله ونعم الوكيل

انا عورني قلبي ف كيف كان حالتج انتي

الله يلوم الي يلومج

كنت ابا اسوي فيلر لشفايفي بس هونت عقب موضوعج مافيني اجازف ><

والله في منهم مايخافون الله كل همهم الفلوس بسس هالاشكال المفروض يدفعون تعويض حتى ولو فيلر ويتعاقبون ويسكرون عيادتهم

[فينوس]

بهلولة .. طمنينه إن شالله إنتي احسن الحين؟
الله يفضج كل دكتور دجال بين الخلايق ..
خليه يروح يبلل شهادته ويشرب ميتها..
ما يستوعبون القسم الي أقسموه يوم زاولوا هالمهنة؟
مجرمين يلعبون بخلق الله واللي يشبهونهم هم الي يشتغلون بالصالونات..
أبداً لا ترضين بالحلول البديلة من حد يفشل في شي معناه فاشل في كل أموره..
وهالدكتور من فشل في عملية بسيطة اعرفي إنه فاشل فاشل فاشل,,
الله المستعان وإن شالله أمورج طيبة..
اوصيج دوم تصلين استخارة في أمورج..

[الملكه1]

اسال الله العظيم رب العرش العظيم ان يشفيك

اسال الله العظيم رب العرش العظيم ان يشفيك

اسال الله العظيم رب العرش العظيم ان يشفيك

[بهلولة]

فينوس حبيبتي تسلمين وكلج ذوق مشكورة عالسؤال
انا حطيت موضوع ثاني وكتبت فيه ان وضعي حاليا عال العال ولله الحمد وحده
بس عقب ما تبهدلت من دكاترة التجميل
مو مصدقة الفترة اللي مريت فيها حسيت عمري بكابوووس
مو مصدقة اني نشيت منه


اختي الملكة مشكورة على دعوتج وربي ما يواريج مكروه

[ماسه حساسه]

كيف ما تشتكين اذا السالفة تخص ويهج اهم شي ويهج والأثر النفسي الي تعرضتي له مب شوية وكيف انج ماقدرتي تجابلين حد وفيه جرعات زائدة يعني كان المفروض يكون شي طبيعي بس شكله زاد او تورم او سبب لج حساسية راجعي دكتورة مرة ثانية والله يشفيج ان شاء الله ... مشكلة العراقيين حتى مرك مسوين عيادات تقويم اسنان وشغلهم مادري كيف ... الله يرزقج الصحة والعافية

[Goolagool123]

ليش ساكته روحى عيادة ثانيه يعطوج تقرير وروحى هيئه الصحه واشتكى لمتى بنسكت انا رفعت قضيه على دكتورة صح اطول بس المهم تتادب وانها فقدت سمعتها هذا يكفى

الله يعينك أختي وإنشالله بترجع الأمور للأول وأحسن،، بس نصيحة بعد،، المضاعفات الطبية ممكنة وتصير،، والخطأ ممكن يكون من الطبيب أو أحياناً من عدم إلتزام المريضة بتعليمات الطبيب... عفكرة أنا مب دكتورة لا تفكروني أدافع عن الدكاترة بس صراحة يكسرون خاطري دكتور بشخصية ومحترم يتبهدل بالمحاكم والقضايا.. والله حرام.. مو كلهم تجار