طمنوني وادعولي

[الميزعه]

السلام عليكم خواتي

شحالكن عساكن بخير

ببدأ ف موضوعي أنا كملت أسبوعين و4 أيام مريضه ف
البدايه كان فيني زجام بس وخف وفجأه رد وزاد عليه
الزجام والكحه وبلاعيمي كانت تعورني كنت اتدهن بفكس
عل وعسى تخف عني الأعراض بس ماشيء فايده رحت
عند دكتورتي وشافت حرارتي مرتفعه واطمنت عالبيبي والحمدلله بخير وقالت لي بعطيج ادويه مابتضرج أن شاء الله وصفت لي دوا حساسيه ل ثلاث أيام ومضاد حيوي ل خمس أيام لأن طلع فيني التهاب مش عشان الجو متغير ف بغيت أسأل خواتي في وحده صار لها جي قبل وهي حامل بالسادس لاني وايد احاتي البيبي

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[راقية بطبعها]

حبيبتي الله يشفيج ويعافيج يارب
انا اللي اعرفه المضاد الحيوي خطر ع البيبي
بس هي دكتورة و أدرى بالأدوية منا
جان استشرتي دكتورة النسا اللي تعالجين عندها بعد احسن
و حاولي تداوين بالأعشاب والأشياء الطبيعية فالبيت
عندج العسل والزنجبيل و اللبان الذكر و الليمون هالاشياء كلها زينه و ادهني عمرج بـ دهان حبة البركة اللي من السعودية وايد ممتاز انا من اتعب ولا ريلي يتعب نحطه و يخفف..انا اخر مره تعبت قبل ما أحمل وعطوني مضاد ما استخدمته غير مره وحده و تميت ع الأشياء الطبيعية و خفت الحمدلله
بعد اذا بلاعيمج اتعورج سويلج غرغره جاي بودر ثجيل مطبخ و اتغرغري فيه يطلع الوصخ كله وبترتاحين

[راقية بطبعها]

حبيبتي الله يشفيج ويعافيج يارب
انا اللي اعرفه المضاد الحيوي خطر ع البيبي
بس هي دكتورة و أدرى بالأدوية منا
جان استشرتي دكتورة النسا اللي تعالجين عندها بعد احسن
و حاولي تداوين بالأعشاب والأشياء الطبيعية فالبيت
عندج العسل والزنجبيل و اللبان الذكر و الليمون هالاشياء كلها زينه و ادهني عمرج بـ دهان حبة البركة اللي من السعودية وايد ممتاز انا من اتعب ولا ريلي يتعب نحطه و يخفف..انا اخر مره تعبت قبل ما أحمل وعطوني مضاد ما استخدمته غير مره وحده و تميت ع الأشياء الطبيعية و خفت الحمدلله
بعد اذا بلاعيمج اتعورج سويلج غرغره جاي بودر ثجيل مطبوخ و اتغرغري فيه يطلع الوصخ كله وبترتاحين

[بطوط]

ما تشوفين شر اختي بالنسبه للادويه والمضادات بعد الشهر الثالث يعطون مضادات خفيفه واوديه عادي لا تحاتين انا اخر حمله هلكت من الحميم والزجام ورحت لدكتوره نسائيه عطتني مضاد وادويه لانه الحراره مب زينه فالحمل

[الميزعه]

أختي راقيه بطبعها مشكوره عالرد فديتج بس ماخليت شيء ما استخدمته من اللي قلتيه بس ماشيء فايده والحمدلله على كل حال وان شاء الله شوي شوي تخف هالاعراض لاني احسن عن قبل لله الحمد

[الميزعه]

مشكوره اختي بطوط طمنتيني الله يطمنج على كل غالي وايد كنت احاتي والدكتوره اللي اراجع عندها وايد طيبه وحبوبه وزينه وهلكها ريلي من كثر مايسأل عن الادويه بس قالت له لو اعرف ان اي دوا اصرفه لها بيضرها وبيضر البيبي مابعطيها خصوصا اني بجريه وأول حرمه ولد ف عائلة أهل ريلي

[أم أية 2]

حبيبتي في دوا حق الكحة هو بس أعشاب تشربينه انا أخده فترة الحمل اسألي الدكتور عنه ترا ماياثر لآ تحاتين

[ام زايدالغالي]

عادي اختي في حملي الثاني وايد تعبت من اللوز والزكام وبالفعل عطتني الدكتوره مضاد وشراب وارتحت وطبعا سألتها قالتلي هالادويه مسموحه للحامل من بعد دراسات عليها في ادويه ما يجوز تاخذها الحامل
ماتشوفين شر ومدام من وصفة طبيب خذيها وانتي مرتاحه

[حلوة القلب]

الله يشفيج يارب

[خفوق قلب]

ماتشوفينً شر ان شاء الله

[مهرة بلآ فآرس]

اول شي سلامتج وماتشوفين شر ولا تحاتين ان شالله خير وها شي طبيعي الحامل مناعتها ضعيفه تكون ( كلام الدكتورة )

استمري عالادوية حبيبتي ولا تخافي الدكتورة مستحيل تعطيج ادوية ممكن تضرج او تضر الجنين ولو بنسبة بسيطة

انا صار لي التهاب فالبول وانتي بكرامة وعطتني مضاد لمدة 5 ايام

وهالانواع من المضادات ماتضر ان شالله اذا استخدمتيها نفس ماقالت الدكتورة وبالمدة المحددة
واياج تستخدمين ادوية او اي علاجات بدون ماتستشيرين الدكتورة قبل
وانصحج تبتعدين عن بعض العلاجات الطبيعيه مب كل حامل زين حقها


الدكتورة قالت لي يفضل ابتعد عن بعض العلاجات الطبيعيه الي منتشرة واكثر شي الاعشاب لان بعضها مب زين
ربي يحفظ لج البيبي ويرزق كل محرومة ان شالله

[رنج ابيض]

نفس حالتج انا بس طمنتي الدكتوره وقالت عادي الادويه ماتاثر ع الجنين
بس هالفتره من 6 وفوق يتاثر بالاشعه اكثر شي

[(الجوووري)]

الله يسهل عليج ان شاء الله
ماتشوفين شر