تفرقة أهل الزوج في أولاد عيالهم ؟؟

[أم البراعم]

السلام عليكم

كيف حالكم ان شاء الله بخير ومرتاحات

فيه موضوع شاغل فكري واااااايد هل مرة من المرات حسيتوا او شفتي

ان اهل الزوج بشكل عام من العمة والعم وبناتهم وعيالهم أنهم يفرقون بين احفادهم

يعني مثلا الولد الكبير عنده ولد وسماه على اسم جده يعني عمي وانا وريلي الله رزقنا

بولد بس سميناه على مزاجنا ووااااايد واااايد يحبون ويسألون عن ولد الولد الكبير

ويحاتونه ويموتوا عليه ويهتموا فيه اما ولدي يحليله ولا يعبروه يعني شو نسوي

لازم نسمي كل بنت او ولد عليهم علشان يحبونهم ؟؟ فهم بالاخير كلهم عيال عيالهم

ليش التفرقة مادري وانا اموت منهم لما يفرقون واحس المفروض مهما كان اسم

الولد الولد ولدهم المفروض مايفرقون ويحبونهم كلهم سواسية ولا شو رايكم

لازم نسمي كل ولد على اسم العم هههههههه

اترياكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أنا هي]

صراحة مب شرط...
كل واحد حرر يأسامي عياله..
وإذا عن التفرقه ف ماعليه ماترومين تجبرينهم يحبون او يهتمون غصب..
حلاته الشي اذا يه من نفسهم

[أنا هي]

صراحة مب شرط...
كل واحد حرر يأسامي عياله..
وإذا عن التفرقه ف ماعليه ماترومين تجبرينهم يحبون او يهتمون غصب..
حلاته الشي اذا يه من نفسهم

[أم البراعم]

صراحة مب شرط...
كل واحد حرر يأسامي عياله..
وإذا عن التفرقه ف ماعليه ماترومين تجبرينهم يحبون او يهتمون غصب..
حلاته الشي اذا يه من نفسهم

صح ان كل واحد حر باسامي عياله بس انا التفرقة تاكلني ماحب اي

احد يفرق بين عيالي يعني يفضلون عيال ولدهم على عيالهم وانا ساكنة عندهم في البيت بعد

والله صعب اللي اشوفه

[في أمل]

ما أدري بس أحس الاسامي ما لها خص في المحبه والتفرقه

[أم البراعم]

ما أدري بس أحس الاسامي ما لها خص في المحبه والتفرقه

حبيبتي في وايد ناس جي اونه اذا الولد سميناه على اسم الجد بيحبونه وايد اكثر عن الباقي

وهالشي يصير في بيت اهل ريلي

[تاج الماس]

عزيزتي ..
رايي انج اتحاولين انج اطنشين الموضوع ولا تظهرين ضيقج بهالموضوع ابد خاصة جدام عيالج لانهم اذا لاحظوا انج مضايقه ومتحسسه هم بعد بيتحسسون نفسج فالأفضل انج اطنشين وعيالج بعد بيتعلمون التطنيش وعيشي حياتج ولا تفكرين بهاالشي
وبالنسبة للمحبة في اشياء وايد تجلب المحبة الأخلاق الحسنة مثلا وغيرها ..
الله ييسرلج أمورج ويعينج يا رب..

[فوعة الورد]

ماله خص الاسم بس الام والاب هم اللي يخلون الجد والجدة يحبون ولادهم باخلاقهم الحسنة وتعاملهم الطيب اذا الام حسنت في عمنها
وعمها وزوجها طيب مع هله اكيد بيحبون احفادهم الانهم واحد ماشي فرق بين الاخوه بس بحسن المعاملة لانا المعاملة بالمثل
من احسن احسن لنفسه ومن اساء اساء لها والمثل يقول حبيتك ياولدي قال حبيتك يانافعي

[وجدان الفجر]

ماله خص الأسم أختي , بس بقول لج شي , لو ولد حميج هو الحفيد الأول فهذا معروف , الحفيد الأول دايماً له معزة خاصة ومكانة غير عن الأحفاد الباقين حتى أخوانه , وهذا الشي لا مسنته في في عيلتي وفي عوايل غير أعرفها . بس الغلط أنه الأهل يبينوا هذه المعزة و المكانة الخاصة قدام باقي الأحفاد .فيه بعد شي ثاني يخلي الأهل يفضلو حفيد على حفيد , أسلوب وطريقة تعامل الحفيد معاهم ! لا تستغربي وتقولي هذول أطفال , أعرف أطفال ولكن الأهل سواء أجداد أو جدات أو عمات أو خالات دايماً بفضلوا الطفل اللي يظهر أدبه وحبه ليهم واللي أسلوبه حلو في الكلمات مهما كانت كلمات بسيطة . بس مهما كان الأهل يحبوا كل عيالهم وكل عيال عيالهم بس يمكن لهذه الأسباب تتفاوت نسب الميل من حفيد لحفيد .
بس أختي , أنت لا تبيني قدام أولادج أنه أهلهم يفضلوا حد عليهم لأنه هذا بينعكس بشكل سلبي على نفسية أطفالج من كل النواحي .

[ورقة ناعمة]

الفرق بين انج تحبين اختج العودة ولا اخوج الكبير انتي تساويين بينهم بالكلام او بالسلام والترحيب او حتى بالهدايا


لانكون حساسيين وايد دام مهتمه بولد الولد العود فطبيعي بس مب معناته انها تكره او يكرهون ولدكم وانتي شو تبين من حب العم والعمة


يكفي للولد حب امه وأبوه يعوضه عن حب العالم كله ... لا ترسمين افكار براسج وبراس الولد عادي طنشي وماعليج من حد ولدج مايحتاج حب غير عن حب اهله

[لحن الخلـود]

مب شرط عشان الإسم
أحياناً أسلوب التربية تلعب دور
يعني أحياناً الأمهات ما يعيبهم حد يقول لعيالهم الصغار شي أو تخليهم ع راحتهم يخربون و يكسرون و يدلعون
و إذا حد قالهم شي ينتفخون إلخ .. هالشي وايد يلعب دور .. فيصير الواحد يكره يقربهم

[[..دانــة..]]

ماله خص الاسم بس الام والاب هم اللي يخلون الجد والجدة يحبون ولادهم باخلاقهم الحسنة وتعاملهم الطيب اذا الام حسنت في عمنها
وعمها وزوجها طيب مع هله اكيد بيحبون احفادهم الانهم واحد ماشي فرق بين الاخوه بس بحسن المعاملة لانا المعاملة بالمثل
من احسن احسن لنفسه ومن اساء اساء لها والمثل يقول حبيتك ياولدي قال حبيتك يانافعي

مع الأخت، لأنه ولدي مسمتنه ع أبوي مع ذلك يموووتون فيه أهل ريلي ويحبونه وايد
ودوم يبونه عندهم فالبيت، حتى يدته ما ترضى حتى يزخه غيرها،،

[munamoor]

معاج فيهالنقطة وايد عائلات اذاسميتي الولد على أهل ابوه بيحبونه وايد ،،
،و يتعلقون فيه وايد و يفضلونه على باجي اليهال ،،
،و اذا سميتيه على امج و أبوج بيكون المفضل عند اهلج هو و اخوانه ،،،
هالشى وايد لاحظته عند بعض العائلات

بالاضافة مثلا اذا كانوا يحبون ريلج وايد راح يحبونج و يحبون عيالج اكثر من
الباجيين عاد اذا يحبون ريلج محبة بسيطة فراح يحبونه
انتي بعد على نفس مستوى المحبة و كذلك العيال

[مكلارين]

حاسه فيج ...حسبي الله ونعم الوكيل

[ام احلى بنات]

أختي ام البراعم، انا اهل ريلي يحبون عيال بناتهم اكثر من عيال ولدهم اللي هو زوجي، كنت زمان اتحسس بس بعدين اتبعت اسلوب التطنيش والادب بنفس الوقت بس الفرق بيني و بينج ان انا عايشة فبيت منفصل اول شي سويته اني خففت روحتي لهم وااااااااااااااااااايد يعني قمت اسيرلهم مرة كل 7-9 اشهر بس يوم اسيرلهم اكون قمه في الذوق و اجعد اسولف ويا ام ريلي بالساعات و يوم نبى نروح تشبط فينا أنا و عيالي، انت الله يكون بعونج بس احس هذا الاسلوب قلة ذوق منهم اذا يظهرون هذا الشي بطريقة ملفته، حبيبتي حاولى تبتعدي انت و عيالج شوي .