الجنين المقعدي والحل

[توته34]

إشحالكم خواتي اللي مرت بنفس موضوعي ياريت اتساعدني حامل بالشهر الثامن والجنين مقعدي يعني رأسه فوق والدكتورة قالت لي أسبوعين من الثامن إذا مانزل رأسه للأسفل راح يقرروا ولاده قيصرية وآنا ما أبغي لأنه أول ولاده لي كانت قيصرية وها ثاني حمل لي وقمت أطول بالسجود واحبي سرات آلياهل لأنه الكل عطاني هالحل وانتو شورأيكم والسموحه منكم

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الشحية غير]

اختي تمت تقريبا كامل التاسع والبيبي كان راسه عرض يعني صوب خصرها
وتمت جي لين قبل اسبوع من الولادة ونزل الراس على وضعية ولادة
طبعا كان يسويها

[khalejeya]

أختي تقدري تروحي للدكتورة زينب الشنار هي تعرف لهالمواضيع لأنها تحرك الجنين ربي يسهل أمرج أنا كنت مثلج و ولدت قيصري

[روضه123]

لا اله الا الله

[زم_قمر_ان]

انا في حملى الثالث كان ولدى راسه فوق

وكنت اراجع في الكورنيش وقالو لى فيه دكتوره بتقلبه لج بتلفه داخل بطنج

بس طبعا وقعت على عمليه قبل ما تقلبه قالت احتمال يصير اى شي

المهم ربي سهل امري وما اخذ الموضوع خمس دقايق لاولفت راسه

تحت وتميت اسبوعين لما جات الولاده بس الصراحه تعبت واايد

لان الراس نزل فجاة تحت وكنت في معاناة شديده خصوصن الحمام

ما اصبر عنه الله يكرمج

والحمدلله على كل حال

وهذى هى القصه كلهااا

[الشحية غير]

اختي تمت تقريبا كامل التاسع والبيبي كان راسه عرض يعني صوب خصرها
وتمت جي لين قبل اسبوع من الولادة ونزل الراس على وضعية ولادة
طبعا كان يسويها

[خفوق قلب]

عسى الله يكتب لج ولاده طبيعيه
كثري من الاستغفار
وان شاء الله تفرحين بشوفته

[game over77]

الله يرزقج الولادة الطبيعية خلج ع اللي تسوينه وروحي لدكتوره تقلب لج الرآس واللي كاتبنه ربج بيصير

[أمـ سـعـيد]

روحي للدكتورة زينب الشنار

[ظبيانيه ستايل]

لاتخافين بينزل باذن الله في وقت وخاصه انج مب بكريه

[ام الغلا99]

نصيحة اخت..بدون تردد روحي للدكتوره زينب الشنار وبتعدل وضعية الياهل..لانج لو دخلتي التاسع ماتقدر تسويلج

انا اذكر قبل نفسج كان راس الجنين فوق في الثامن والحمدالله اليوم الثاني رحت لها من الصبح وعدلته الله يجزيها الخير ياارب
بس تاخذ مبلع كبير شلي احتياط معاج الفين او 3 مادكر بضبط كم

الله ايسهل امورج يارب وعليج بدعاء والاسنغفار

[مدام الرملي]

انا اليوم قالت الدكتورة بربي قيصري وخايفه لان وضعيه البيبي مقعدي وقالت بحلول ألفه لتحت بس ديري بالج انه عمليه ٧٠ فالميه مايلف لان انتي بكريه وعضلاتج قويه بعدها انا الحين فآلت اسع 37 أسبوع ويؤم والبيبي الوضعية مالته نفس ماهي من الاسبوع 33 ما تغيرت

[راقية بطبعها]

شرات ما قالوا البنات روحي عند زينب الشنار
وايد ممتازة انا أمي معظم ولاداتها عندها
و في مره بعد عدلت لها وضعية البيبي
هي شاطره و خبره و تقلب اليهال بسهولة
خصوصا اذا انتي مب بكريه أن شاء الله تساهيل

[رنج ابيض]

فيه يهال اخر التاسع ينزل الراس تحت

[مرافئ صمت]

عليج بالاستغفار والدعاء والله يسهل عليج وتربين طبيعي