كملت 3 سنين مطلقة مروا علي مثل الدهر

[future dreams]

عزيزتي اول شي كل عام وانتي بخير
وهذي ايام مباركه عظيمه ابواب السما مفتوحه وربي يقول في كتابه ادعوني استجب لكم صح ...

عزيزتي اباج كل ما تتذكرين طلاقج تتذكرين كل انجاز حققتيه بعد طلاقج من دراسه وشغل وشو الي وصلتي له كنتي مابتوصلين لهل المرحله وانتي معرسه ... معناته ربي كان كاتب لج الخير من بعد الطلاق .. ابغيج تفتخرين بنفسج وتكونين اكثر ثقه عن قبل .. الناس عزيزتي ماترحم لا بنت ولا معرسه ولا محرومه ولا مطلقه ولا ارمله .. لكن الناس والمجتمع سرب طيور يحبون الكل يغرد ويطير وياهم في نفس الاتجاه لو غلط .. وانتي وانا وكل وحدة فينا ربي ماكتب لها زواج او تطلقت او ترملت مب شرط نغرد وياهم عشان نرضيهم ارضي نفسج وربج وحتى لو اهلج اعرفي انه ربج هو ارحم بج من امج وابوج ..
ودامنه ماعندج عيال نصيبج ان شا الله بيكون احسن عن الاول بس ثقي بالله
صلي قيام الليل ولا تنسينا من صالح دعواتج 😉

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[BYADIR]

الله يعوووضج باللي احسن منه

[ام مصطفى..]

ربي ييسسر امورج كلها ..

[مس UAE]

وعسى ان تكرهو شيئأ وهو خير لكم ..
الله يعوضج بزوج صالح ان شاء الله ..

[cute uae]

وعسى ان تكرهو شيئأ وهو خير لكم ..
الله يعوضج بزوج صالح ان شاء الله ..

[بنت عقيد]

الله يفرحك بزوج يسرك بس ثابري على الاستغار فديتج و خلي يقينج بالله انه الله يبرزقج

[Ahlami101]

يا اختي ولا وحده فينا ماسلمت من كلام الناس
هذه انا متزوجه من ثلاث سنين وماشاء الله لي احمل لين الحين
مع الألم الي بداخلي من اني انتظر اللحظه الي احضن فيها طفلي
الناس يزيدوني الم فوق ألمي
فالبداية تعبت نفسيا وحالتي مايعلم بها الا الله
بس ربج كريم عوضني بزوج حنون
تأكدي يالغاليه ان الله رحيم بعاده
وهذا انتي ماشاءالله درستي واشتغلتي ولا حسيتي بمرور الوقت من رحمة ربج عليج
وخليج من كلام الناس ترا الحقران يقطع المصران
ما امج الله يحفظه لكم من الي تسمعه من الناس تتضايق وماتعرف كيف تتصرف فطلع حرتها فيج ، قعدي وياها وفهميها انج حاسه فيها ومقدره نفسيتها
صدقيني أمهاتنا قلبوبهم رحيمه وبالذات اذا حضناهم وبكينا ف حضنهم انتي بترتاحين وهي بطنش القيل والقال
ف الأخير عليج بالاستغفار وسورة البقره ع الأقل مره ف الأسبوع اقريها
اسأل الله العلي العظيم ان يرزقج بالزوج الصالح الي ينسيج هالهم
( اضحك الدنيا بتضحك لك )

[نفل]

اللهم باسمك العظيم الاعظم الاكرم الاحب اليك المخزون المكنون ارزقها الزوج الصالح وصلى الله على محمد صلاة تسترها بها يا رب العالمين

مغليتج نفل