عـــــاجــــــــل ((الأيلتس))

**أم غـــلا** · 2007-09-06, 18:29

السلام عليكم بنات

لو سمحتوا خواتي اللي امتحنت الآيلتس في المعهد البريطاني (ابوظبي)
يا ليت تفيدني ظروووري
انا عندي باجر امتحان الاسبيكنج و قالولي احضر الساعة 1 الظهر

هم يقصدون انه 1 الظهر بمتحن على طوول و إلا حسب اللي يوصل اول؟؟
لأن المشكلة انا مرتبطة بموعد ثاني ما اقدر أأجله و ماريد اتأخر ..

فقولولي كيف يبدون الامتحان حسب اللي يوصل قبل و إلا حسب الوقت
اللي في الورقة ..

ظرووري الله يخليكم عشان لو حسب اللي يوصل قبل بسيرلهم من الـ11

المزيد من آخر المواضيع من نفس القسم:

**عبق الورد** · 2007-09-06, 18:31

ان شا الله بيساعدونج البنات وبيخبرونج

**Cute_Barbie** · 2007-09-06, 18:36

حبوبه اذا موعدج الساعه 1 عيل لازم اتكونين هناك قبل بربع ساعه .. على اساس يتأكدون من هويتج و يجهزون شريط التسجيل .. واتوقعين على حضورج ..

اما السبيكينق بارت يتكون من 3 فقرات .. اول فقره بتكون أسئله عامه عن حياتج وين ساكنه و كم من افراد اسره عايشين وياج .. وشو رايج في المدينه اللي ساكنه فيها .... الخ من الاسئله العامه .
الفقره الثانيه هم بيعطونج موضوع عشان تتكلمين فيه ..ولج دقيقه وحده تكتبين فيها ملاحظاتج و عن شو بتتكلمين .. هالفقره يخصصون لها تقريبا 4 دقايق ..

والفقره الاخيره بتكون فقره تواصل و تبادل أراء .. يطرحون عليج موضوع معين ويشوفون رايج فيه و هم بيتواصلون وياج بالاسئله وبيكون في اخذ و عطا في هالجزء هههههه .. وهذي تقريبا يخصصولها 4 او 5 دقايق ^_^

امتحان المحادثه بشكل عام مخصصيلها 15 دقيقه .. وبالتوفيق عزيزتي ^___^

**shama123** · 2007-09-06, 18:52

تعالي قبله بنص ساعه

عسب النفسية تكون هادية

ولانه في اجراءات قبل الدخول

**بنت زاايد** · 2007-09-06, 19:03

اعتقد انه اول شي المواطنين عقب الوافدين انا ارمس عن دبي دخلونا اول شي عقب الوافدين

**شيخة بيتنا** · 2007-09-06, 19:13

المشاركة الأصلية كتبت بواسطة shama123

تعالي قبله بنص ساعه

عسب النفسية تكون هادية

ولانه في اجراءات قبل الدخول

**أم غـــلا** · 2007-09-06, 20:01

مشكورات خواتي على الردود ما قصرتوا و بحاول اسير قبل بنص ساعة...

ادعوووولي

**دمعة_ندم** · 2007-09-06, 22:40

ما دام قالولج الساعة وحدة فمعناته لازم تكونين موجودة
والله يوفقج

الموضوع: عـــــاجــــــــل ((الأيلتس))

أدوات الموضوع

عرض

عـــــاجــــــــل ((الأيلتس))

المزيد من آخر المواضيع من نفس القسم:

المواضيع المتشابهه

مواعد امتحان الأيلتس

عـــــاجــــــــل

كيف أستعد لإمتحان الأيلتس؟

حد يايب فوق ال 6 في الأيلتس؟

الأيلتس