طليقي وريلي الحالي

[Rose.Style]

حبيبتي

قبل كلشي .. مسالة الزواج والطلاق قسمة ونصيب ...كذا من الله
الشي الثاني

اختي حاول تنسين طليقج ... خلاص طلعيه من بالج
هو لو ميت على ترابج ماكان تخلى عنج
كان بيتحدى الكون عشانج .. بس هو رضى ببعدج
وطلقج ... وطلقج معناتها انه متوقع ان مممكن تكونين لغيره فاي لحظه

الحمدلله انج تذكرينه بالخير وهو ان شاءالله يذكرج بالخير
تسريح باحسان
طلعيه من راسج دامج متزوجه ... ﻻنج ماراح اتيبين لنفسج الا الكآبه

ربي رايد لي غيره؟ الحمدلله اكيد لسبب

نجي لموضوع زوجج الحالي ....
اختي حبيبة قلبي هالريال خذج ع سنة الله ورسولة
وخلاص صار زوجج
مب شرط مايغار يعني مايحبج .. يمكن تربيته تختلف
او اهتماماته ونظرته تختلف و طليقج يمكن اهله محافظين اكثر
فهالشي غالبا يكون مرتبط بالبيئه اللي عايش فيها

موضوع الفراش ... حبيبتي كل ريال له طريقه
مثلا تشوفين وحده ريلها ينجذب لشي معين بينما الثانية لشي آخر

واتمنى انج ما تقعدي تقارني .. لانج كل نا قارنتي
فانتي قاعده تهدمين حياتج معه
وبتوصلي لمرحله ممكن انج ﻻقدر الله ما تطيقين تعيشين معه

انصحج حاولي تتعايشي بقد ماتقدرين مع زوجج
وحاولي تحبيه وتسويله و تكلمينه كلام حلو
انتي بادري ولا تياسي ....

وايد حريم ازواجهن مايعرفون الحنان ولا الرومنسيع
ولا يركبون كلمتين حلوين ع بعض
بس بادرن وتم كلام الحب مثل حبيبي عيوني غناتي الخ... مايفارق لسانهن
وازواجهن تعلمو منهن

اما لموضوع السهر والطلعات وجيه
انتي بالبداية غيري من نفسج وحاولي تحبي ريلج وتبيني له حبج
وانج حمدتي الله ان هالريال صار لج ومن هالكﻻم صففي له
يمكن ف البداية مايحس بس عقب بياثر فيه مثل مايقولون كثر الدق تفك لحام

واي شي ماعيبج منه او تبين شي منه
قوليله ... حتى اي شي ف فراش قوليله من حقج
صارحيه صيري شفافه معه بس باسلوب حلو

الله يسد سدادج يارب
ويوفقج فحياتج يالغالية باذن الله تعالى

ويسهل امرج لما يحب ويرضى

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Rose.Style]

دائماً لذة الشي الأول غير ، و خص يوم تقولين انج عايشه حياه جميله معاه
لكن وينه يوم هله خربو حياتكم ؟ ليش ماشلج وطلعتو بيت رواحكم
ليش ماحافظ على هالبيت و هالأسره ،
لو يحبج صدق ما خلاج تروحين حليله لغيره و لا رضى قلبه هالشي

ما اعرف شو اقولج بس كلمه وحده وحطيها حلق في اذنج
( لو تميتي تقارنين طليقج بزوجج الحالي ) انتي بتتعبين نفسياً و بتهدمين و تخربين حياتج

انشغلي مع الزوج
عيشي حياتج و انتي تقدرين تكسبينه وتردينه للبيت
و تغيرين حياته بشكل كلي

من الخاطر اتمنالج حياه سعيده وموفقه ان شاء الله

[Cobon]

بقولج شي و كلنا معرسات
الريااال اللي ما سوى لج قدر و تركج بسبب مشاكل الاهل مب ريااال ولا يسوى شي ولا يسوى دمعة من دموعج
تكرمين حتى نعال بو ريال ما يسوواه
لو فيه خير بياخذج و بيقول تعالي نطلع بيت بروحنا بيأجر لج شقة سكن منفصل وما بيخلي اهله يتحكمون
الحين انتي حاولي ترتبين بيتج و تعدلين ريلج و شوي شوي عليه و هاي حياة يديدة عليج و انسي ولا تقارنين ابدا
انسي الماضي

ما ادري شو اللي يخلاج متأكدة انه ما نساج
اتصل فيج سأل عنج قال دخيلج برجع باس ريلج ولا ايدج

عندي وحدة من ربيعاتي اطلقت والله العظيم تم يالس يدام باب حويهم مثل الشحات من الصبح يالس لين المساء و كل حد يمر عبالهم شحات او مينون
من كثر ما تخبل يبغي يرجعها
انتي شو سوى لج
تركج !!! خلاج مطلقة ؟ ولا فكر يرجعج
لا و تزوجتي و خلاص ولا فكر بشي


اقولج بس بلا حب بلا بطيخ
جابلي ريلج الحين و رتبي امورج الزوجية

[المول]

ذكرتيتني بفلم الوساده الخاليه لعبدالحليم شوفي نهايته يمكن اتفيدج

[RNEN]

الي يحب مستحيل يخليج ويطلقج !!!!!!

[الفرفوشة 11]

ليش ما اتحملتي المشاكل وحاولتي تبتعدين عنها شوي و اتعيشين لوحدج و تميتي معاه

[خفوق قلب]

ما الومجً ماتنسينً طليقجً لان الحب عذااااب
والمشكلهً حب البنت اللي يدوم بس للأسف الولد لا بيحبً وعقب بيقدرً ينسى

هذا قدرجً مكتوب لج من يوم انتي فبطنً امج
اذكري الله

[شهد123]

شوفي فديتج مشكلتنا نحن الحريم وااايد نتأثر بقصص الحب ونتحرا انه زوج المستقبل يكون نفس الشي بس ما في قصة حب والا كانت المبادره من الطرفين يعني انتي كنتي تحبين طليقج وهوه كان يحبج فكان يلبيلج كل شي ولا يزعلج بس انتي شوه كنت تقدميله مب يمكن هذا سبب انه هو تنازل عن هالحب وطلق ولا التفت وراه..
نفس الشي في زوجج الحالي تنتظرين انه هوه يسويلج كل شي بس انتي لا يعني بتعيدين نفس الغلطه نصيحتي لج اذا تبين ريلج يهتم فيج ويراعيج بادري انتي بهذا الشي ولا تقارنين ترا حرام وانتي ع ذمة رياال هوه ماله ذنب ع الي تربااا عليه بس انتي بايدج تغيرين كل شي وتعيشون احلى اثنين..
هوه لو كنتي تهمينه طليقج ما حقت له نفسه انج تكونين ع ذمة ريااال ثاني لا تقولين يمكن هوه ما يعرف ولا تفكرين في يوم انج تغلطين وتحاولين تتواصلين معاااه بتخسرين وااايد اشياء منها غضب رب العالمين وموقف اهلج والناس من تصرفج ..
بعدين حطي في بالج مافي ريااال ما يحس بزوجته اذا هيه تباااه والا لا يعني توقعي انه ريلج يمكن يحس انج انتي معاه بس فكرج مب معاااه وهذا الي مخلنه مبتعد ..
وربي يسخرلكم لبعض..

[أنا بدر البدور]

صعبببببببببببببببببببببببببببببببببببببببببببببببب ه ..

الله يعينج حبي ..
الخيييره فما اختاره الله ..
وكلي امرج ع الله وما بقوولج انسي ولا تنااسي لانه ادري ما بايدج شي ..

الله يصبرررررج ع ما بلاج ..

[بنت عقيد]

مافي مجال للمقارنة حبيبتي من اوووووووووووول القصة
تزوجتي عن حب
وهدا عن طريق الاهل

الاول حنون لانه يحبك
هدا توه يتعرف عليج

فلو انج انتظرتي بعد زياده لين تبرد حرة قلبج على طليقج الي مبين انه مافي مجال لترجعي له بسبب الاهل الله يسامحهم كم خربو من بيت
الان الحل الوحيد انج ترجعين لربج و تمي تستغفري 10 الاف مرة كل يوم ترى بسرعه تخلصيها
الاستغفار له وايد منافع و قد تنحل كل مشاكلج صدقيني عن تجربة
بش بيقين تاااام استغفري
و زايد انه ادعي انه الله يعلق قلبك بحب الاخرة ويبعد عنج الدنيا .. عواطفج تجرج لاتجاه مب زين حاولي تتحكمي فنفسج
و احتسبي الالم الي تحسينه
قولي ادعية انج تحتسبين الي انتي فيه اجر و رفع وزر
الله يخفف عنج الغالية

[احلى بعفويتي]

>> كلام البنات وايد معقول ..
جربي حبيبتي نصايحهم يمكن تفيد ..

[بنت بحور]

استغفري ربج حبيبتي واكييد ريلج الحالي فيه صفاات حلوه بس انتي ماتشوفينهاا لانج مانسيتي طليقج وتقعدين تفكرين وتقارنين فيهم بس وكل انسان فيه الصح وفيه الغلط والاستغفار مفتاح الفرج
الله يفرجها عليج يارب ويوفقج مع زوجج ويسعدج ..

[أم ميثا]

استغرب من الحبايب يوم يتطلقون
نحن ماشي حب وصابرين ع بلوانا ههههه

يوم الحب موجود ما صمد زواجكم ليش ؟؟ لأنه لم يكن حباً

بس اللي انتي فيه وهم لا تستسلمين لابليس يزينلج الماضي لو كان طليقج يحبج ولا انتي تحبينه جان ما صار اللي صار اصحي وانقذي زواجج ترا الحب ايي بعدين بالعشرة الطيبة والمودة والرحمة

[mini_bunny]

يارب يسخركم لبعض

[ورقة ناعمة]

الانسان لويحبج اقصد الزوج لو يحبج مافي اي حد على وجه الكره الارضية ببيبعدج عنه او بيفق بينكم

لاتقولين يحبني لانج فاهمة الحب غلط .... اللي يحب يضحى يستمر يصبر يحاول لو حتى يجاهد اهم شي يستمر مع الشخص اللي يحبه ....

الثاني او المقارنة الثانية ... كيف سويتي مقارنة وانتي ماكملتي مع الزوج الاول اكثر عن سنتين او ثلاث

مايستوي تقارنين مع بداية زواجج وقت طلاقج من الزوج الاول مع شريك حياتج الثاني ....

اللي تتكلمين عنه الزوج الثاني حاله حال البقية اغلبية الرياييل طلعات ومب كل الاصابع ترا متشابه

وما بزيد على كلام الخوات ماقصرن