ما ادري ليش هالسنه مب حاسه بطعم رمضان !..

**يارب عونك00** · 2013-07-26, 04:20

السلام عليكم ورحمة الله وبركاته
شحالكم بنات ؟
شو اخباركم ؟

تقبل الله صيامكم وطاعاتكم والله يكتبنا عنده من المقبولين والمعتوقين والله يعيده علينا وعليكم كل سنه وكل حول ونحن بصحه وعافيه ولافاقدين ولامفقودين قولوا آمين ... آمين

ماعلينا بنات حبيت افضفض شوي

اول شي انا بنت توني مخلصه من الثنويه العامه ماشاءلله بنسبه 95 من القسم الأدبي
محافظه على صلواتي وأبداً ما آخرها لو شو ماستوا لو كنت ان شاء الله فسوق اقطع شغلي واصلي وارجع
وهالسنه ماشاء الله لاقوة الا بالله اتميت حفظ سورة البقره بفضل من الله وتوفيق منه تبارك الله وان شاءالله انا بعدني فاول المشوار لأني ملتحقه بمركز تحفيظ .. قولوا ماشالله لان العين حق ..

عموما بنات انا حبيت ابدا بهالمقدمه عشان محد يقولي صلي وصومي و اقري قران وجي لأني كل ها اسويه بس ما ادري شو السبب

انا هالسنه مادري ليش احس اني مب حاسه انه هذا رمضان
مادري ليش شعوري هالمره تجاه رمضان غير

كله خايفه اني مابلحق على رمضان الياي
كله ايني شعور اني بموت كله حاسه بضيق ومخنوقه

مع انه انا فارمضان هذا ما اسهر حدي 2 3 وارقد وانش من وقت يعني 9 10 8 مرات حتى
واتم وقت وايد واعيه على عكس قبل

قبل كنت اتم مواصله لين 10 الصبح او 9 او 8 وجي تعرفون كيف انتوا الرقاد يتخربط

وارقد لين قبل الاذان بشوي او لين خمس
وكنت أحس برمضان مادري ليش معني ما اكون واعيه وايد مثل الحين !!

بنات مادري شوفيني حاسه بضيق وكتمه ومتحسره على رمضان ماباه يخلص وانا ما انجزت فيه شي
مب حاسه انه رمضان حاسه انه شهر عاادي ليش ما ادري =(

شوروا علي شو اسوي شو السبب تتوقعون =(

وصلوا على الحبيب المصطفى

اللهم صل وسلم على محمد

وادعولي بتفريج الهموم

المزيد من آخر المواضيع من نفس القسم:

**يارب عونك00** · 2013-07-26, 04:24

وصح بنات
انا اسير اصلي التراويح واحاول اني اسير مشي ويا اختي معنه امي تسير بسياره
لكن ابغي احصل اجر من المشي الي امشيه لين المسيد

وبعد مب حاسه برمضان !!

احاول ما افوت ولا صلاة من التراويح
ومرات مثلا قبل الفطوراقول مابسير بس من ياذن اقول لا مابا اضيع صلاتي واروح اصلي

اقرا قران وقريب بختم ان شاء الله

بس حاسه بضيقه من شو مادري =(

**غــ الروح ـلآ** · 2013-07-26, 04:27

و عليكم السلام ورحمة الله وبركاته

بخير الله يسلمج؟! علموج ؟!

بصراحة أنا نفسج مب حاسة برمضان ... رمضان الي طاااف غير و كل الي حولي يقول نفس الشي ... وخلص بسرعة .. ما حسينا بطعم رمضان نصلي التراويح ونصوم بس أحسه شهر عادي مادري ليش؟! يمكن لان الناس تغيروا مب نفس قبل و الله مادري الله يسير أمورنا و أمور جميع المسلمين .. و يعود علينا الشهر السنة الياية و الأمة العربية و الإسلامية بأمن واستقرار و سلام ... أمين... ما شاء الله عليج و الله يحفظج لاهلج..

**مكة مدينة** · 2013-07-26, 04:36

خلاص انسي هالكلام انج مب حاسه ف رمضان وانج ضيعتي وقتج وغيره ...

عندج وقت من اليوم ابدأي صفحه يديده .. واستغلي رمضان صح ... هذا الي اتحسين فيه كل

وساوس الشيطان عشان يبعدج عن الطاعه وتقرب الي الله ...

تقربي لربج بالاذكار والقرآن وقيام الليل وصدقه وصلة الارحام .. ولاتعطيج عمرج فرصه انج

اتفكرين بهاسوالف ،، ربنا بستقبل عباده باي وقت .. انسي الي فات وفتحي صفحه يديده

وبتحسين بلذة رمضان ان شاء الله ..

ودعوااتج

**أحب المطر** · 2013-07-26, 04:38

سبحان الله صح بنات و انا بعد مثلكم حاسه رمضان هذا غير وايد عن قبل

**يارب عونك00** · 2013-07-26, 04:45

المشاركة الأصلية كتبت بواسطة غــ الروح ـلآ

و عليكم السلام ورحمة الله وبركاته

بخير الله يسلمج؟! علموج ؟!

بصراحة أنا نفسج مب حاسة برمضان ... رمضان الي طاااف غير و كل الي حولي يقول نفس الشي ... وخلص بسرعة .. ما حسينا بطعم رمضان نصلي التراويح ونصوم بس أحسه شهر عادي مادري ليش؟! يمكن لان الناس تغيروا مب نفس قبل و الله مادري الله يسير أمورنا و أمور جميع المسلمين .. و يعود علينا الشهر السنة الياية و الأمة العربية و الإسلامية بأمن واستقرار و سلام ... أمين... ما شاء الله عليج و الله يحفظج لاهلج..

الحمدلله انا بخير وصحه اختي الغاليه
هيه والله راح النص ومابقى الا القليل عسى ربي يكتبنا من عتقائه ويبلغنا رمضان ايام عديده وازمنه مديده ونحن بصحه وعافيه يارب
هيه والله صدقتي ما ادري ليش احسه شهر حاله حال الاشهور الي طافت =(
آآآآمييييييييين يارب
آمين الغاليه ويحفظج

**يارب عونك00** · 2013-07-26, 04:47

المشاركة الأصلية كتبت بواسطة مكة مدينة

خلاص انسي هالكلام انج مب حاسه ف رمضان وانج ضيعتي وقتج وغيره ...

عندج وقت من اليوم ابدأي صفحه يديده .. واستغلي رمضان صح ... هذا الي اتحسين فيه كل

وساوس الشيطان عشان يبعدج عن الطاعه وتقرب الي الله ...

تقربي لربج بالاذكار والقرآن وقيام الليل وصدقه وصلة الارحام .. ولاتعطيج عمرج فرصه انج

اتفكرين بهاسوالف ،، ربنا بستقبل عباده باي وقت .. انسي الي فات وفتحي صفحه يديده

وبتحسين بلذة رمضان ان شاء الله ..

ودعوااتج

المشكله الي ضايقني انه اليوم اليوم ماصمت يتني الدوره
ويوم حسبت انا بالعاده تيني 7 - 8
يعني بلحق ع نص العشر الاواخر
حسيت مابقى شي
ابا اصوم اكثر ف رمضان
ما ادري ليش حاسه بفتووور
والله كل شي غيييير =(

ان شاء الله يزاج الله خير اختي

**يارب عونك00** · 2013-07-26, 04:47

المشاركة الأصلية كتبت بواسطة أحب المطر

سبحان الله صح بنات و انا بعد مثلكم حاسه رمضان هذا غير وايد عن قبل

الله يعينا ويوفقنا لطاعته ويعتقنا من النار يارب ويباركلنا في ما بقى من الشهر
قولوا آمين بنات

**بهلولة** · 2013-07-26, 08:45

انتوا بعد عندكم هالاحساس؟!!

**يارب عونك00** · 2013-07-26, 12:52

المشاركة الأصلية كتبت بواسطة بهلولة

انتوا بعد عندكم هالاحساس؟!!

هيه

....

**Salma Nagy** · 2013-07-26, 13:26

فعن النبي صلى الله عليه وسلم أنه قال:

(( مَثَلُ المؤمنين في تَوَادِّهم وتراحُمهم وتعاطُفهم: مثلُ الجسد، إِذا اشتكى منه عضو: تَدَاعَى له سائرُ الجسد بالسَّهَرِ والحُمِّى ))

[أخرجه البخاري ومسلم عن النعمان بن بشير]
ده لان لسه فينا الخير من جوه فيا حبيباتى بعد تعذيب المسلمين في بورما و عدم استقرار العراق , و مذابح سوريا و اضطرابات مصر ... اى واحد فطرته سليمة سيتأذى معنويا مما يحدث و ان كان حتى يبعد الاف الكيلو مترات

**fbi_73ifa** · 2013-07-26, 13:53

حتى انا والله للاسفففف الشديد
ماعرف شبلاني متضيجه =(
ولاجنه رمضان
الله المستعان
عسى ربي يتقبل اعمالنا الصالحة ويغفرلنا ذنوبنا يارب

**ماحد شراتي** · 2013-07-26, 15:08

كنت اخبر ربيعتي من فتره انه هذا اول رمضان اتعب واصدع فيه
وفترات أتذكر رمضان قبل كنت احس انه صدق أجواء رمضانيه لكن الحين جنه شهر عادي والناس نفوسها تغيرت وين رمضان قبل وين الحين

عسى رب العالمين يتقبل صيامنا وأعمالنا ويغفر لنا ولكم ان شاءالله

**مس UAE** · 2013-07-26, 18:08

انا بعد
احس بنفس الاحساس
ضيق وروتين يمكن لاني في اجازة
تيني ايام اتيبس مكاني ما لي خاطر اتحرك واسوي شي ما اعرف ليش .. شاغله عمري بالقران والصلاه والمطبخ بس بعد احس ابا اطلع اغيب يوم عن البيت وارد 😌
هو رمضان ماتغير نحن نفوسنا تغيرت
والعيد بعد نفس الشي
انا متحسره ع هل الاجازة الي عندي

**الأحلام الملونة** · 2013-07-26, 22:54

شوفي حبيبتي كونك مش مقصرة بعبادتك هنا أقولك لا تهتمي بهذا الشعور وبالعكس أفرحي لآنك تتمني الآفضل

وكونك عندك النفس اللوامة أنت بخير ولا تجعلي هذا الشعور يحبطك وأنصحك بكتب الآدعية المأثورة فيها راحة وبأذن الله الآستجابة

وأكثري من الحمد والشكر أن أحياك لهذة العام واللهم يتقبل منك

عن نفسي العام الماضي كل رمضان مريضة وكنت مقصرة بكل شيء وحين أنظر لرحمة ربنا وقد من علية بالشفاء

كل لحظة أحمدة وأشكرة ومش مصدقة نفسي أنني بخير لذلك أقولك لا تيأسي من رحمة الله سبحانة لطيف بعبادة

الله يكتب لك كل خير

الموضوع: ما ادري ليش هالسنه مب حاسه بطعم رمضان !..

أدوات الموضوع

عرض

ما ادري ليش هالسنه مب حاسه بطعم رمضان !..

المزيد من آخر المواضيع من نفس القسم:

رد: ما ادري ليش هالسنه مب حاسه بطعم رمضان !..

رد: ما ادري ليش هالسنه مب حاسه بطعم رمضان !..

رد: ما ادري ليش هالسنه مب حاسه بطعم رمضان !..

رد: ما ادري ليش هالسنه مب حاسه بطعم رمضان !..

رد: ما ادري ليش هالسنه مب حاسه بطعم رمضان !..

رد: ما ادري ليش هالسنه مب حاسه بطعم رمضان !..

رد: ما ادري ليش هالسنه مب حاسه بطعم رمضان !..

رد: ما ادري ليش هالسنه مب حاسه بطعم رمضان !..

رد: ما ادري ليش هالسنه مب حاسه بطعم رمضان !..

رد: ما ادري ليش هالسنه مب حاسه بطعم رمضان !..

رد: ما ادري ليش هالسنه مب حاسه بطعم رمضان !..

رد: ما ادري ليش هالسنه مب حاسه بطعم رمضان !..

رد: ما ادري ليش هالسنه مب حاسه بطعم رمضان !..

رد: ما ادري ليش هالسنه مب حاسه بطعم رمضان !..

المواضيع المتشابهه

بمناسبة شهر رمضان عطر ماريا وهرزي بطعم الماركات العالميه..

خلي رمضان وعيد هالسنه مميز

متى رمضان هالسنه ؟!

البرامج الدينيه في رمضان ( اهداااااااااااااء للجميع) خلو رمضان هالسنه غير ووميز

رمضان هالسنه غير