يا صاحبي وش اللي جنيته من أرباح .. يومك جرحت القلب ووطيت شاني ؟!

[نبض الألم]

(( اللي جاني كفاني ))

يا صاحبي وش اللي جنيته من أرباح
يومك جرحت القلب ووطيت شاني .؟!

وش اللي استفدته من عذابي يا صاح
وش بتستفيد لو الموت عنك خذاني !!

خاف ربك كل يوم تصبحني ع جراح
لي متى ذا القلب يا قاسي بيعاني !!

واليوم ما ينفع عتابي ولا كثر الصياح
ابعـد وانا ببعـد واللي جاني كفانـي !!


.. هالقصيده كتبتها اليوم ...
وانشاالله تنال اعجابكم ..

اختكم .. نبض الألم ..

المزيد من آخر المواضيع من نفس القسم:

• بادر بالحجز معنا بخصم يصل الي 40 %
• من لا يعارك يعود طفلا
• Golden pools
• كان هنا
• إلا الموت أو الحياة.....لعبدالحليم الطيطي
• اشفق عليه......لعبدالحليم الطيطي
• الجالسون على الهواتف الآن اكتبو شي تأجرون...
• الحكاية إنك أجمل من تفاصيل الحكاية
• مجموعة كتب لعميد الادب العربي : طه حسين
• سلسلة مؤلفات الروائية احلام مستغانمي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سراب الشارجه]

وش اللي استفدته من عذابي يا صاح
وش بتستفيد لو الموت عنك خذاني

الله يطول عمرج الغاليه ولا يحرمنا من يديدج

تقبلي حبي واحترامي

[نبض الألم]

ويطول بعمرج اختي سراب ولا يحرمني من وصلج ..
أسعدني جد مرورج ع كل قصيده أكتبها .. ولي الشرف اني عضوة في هالمنتدى الراقي ..
انا اكتب من ثمان سنوات وهاذي اول مرة انشر قصايديه .. كنت دايما" أحتفظ بهن لنفسي .. بس يوم دخلت هالمنتدى حسيت اني ما بحت باللي ف خاطريه لحد غريب .. واللي ريحني أكثر ان هالموقع للبنات بس ..
أتمنى خواتي ان كل قصايديه اللي نشرتهن ف قسم الشعر نالن اعجابكن ..

وتسلمين ياالغاليه سراب .. قصايدج احسهن قراب من قلبي ..

والسموحه اذا بدر مني اي تقصير ..

[أم التوووت]

صح لسانج يارب ماشاء الله عليج

[نبض الألم]

صح بدنج ياالغاليه ..
تسلمين يا المنصوريه ... الأروع مرورج ..

[*حور بوظبي*]

يا صاحبي وش اللي جنيته من أرباح
يومك جرحت القلب ووطيت شاني .؟!


كلمات معبرة..

صح لسانج الغالية

[الثريــا]

صح لسانج على هالكلمات الغاويه

بس ان كنتي تبين نصيحتي
وان كنتي تبين تكتبين ابيات موزونه
ماله داعي تعرفين البحور وتغوصين فيها

كل اللي لازم تسوينه
تحاولين تلحنين الابيات وانتي تكتبينها

جربي هالشي وشوفي .. بتظهر ابياتج موزونه

وتراها مجرد نصيحه من اخت لاختها

ماريدج تفسرين كلامي عساس انه نقد أو أي شي من هالنوع

يامرحبا

[بطه الشحي]

ما شاء الله عليج

صح لسانج ع القصيده الحلوه

[الطيوبه]

هلا اختي نبض الالم
القصيده حلوه وكلماتها اروع
بس احسها مب موووزنه مثل قصايدج الباقيه
وهذي ترا نصيحه محب
الله يوفقج

[غلاةالروح]

وش اللي استفدته من عذابي يا صاح
وش بتستفيد لو الموت عنك خذاني !!

خاف ربك كل يوم تصبحني ع جراح
لي متى ذا القلب يا قاسي بيعاني !!
بصراااحة فن على اصوله في الشعر

[نبض الألم]

صح بدنج ياالغاليه حور بوظبي
مرورج جد أسعدني

[نبض الألم]

صح بدنج اختي الثريا
وتسلمين ع النصيحه وانشاالله بسوي اللي قلتيه
بالعكس انا من الناس اللي يتقبلون النصيحة واحب الانتقاد البناء .. وما زعلني كلامج ياالغاليه ..

والله لا يحرمني من وصلكن خواتي

والله يرحبج ع فضله ياالغاليه ..

[نبض الألم]

صح بدنج اختي بطه
الله يحلي أيامج
وتسلمين ياالغاليه ..

[نبض الألم]

مرحبابج ملايييييييين اختي الطيوبه
الله يحلي أيامج ياالغاليه ..
نصيحتج على عيني وراسي .. تسلمين
وياج انشاالله ..
أسعدني جد مرورج ..

[نبض الألم]

تسلمين اختي غلاة الروح
الأروع مرورج ياالغاليه ..