شو رايكم؟؟؟؟؟

**3yoon Ba3'dad** · 2013-05-22, 17:25

السلام عليكم حريم وبنات

انا من فترة صبغت شعري و عاجبني لونه والحمد لله بسسسسسسس لازم الشعر يتأثر يوم تصبغيه و يتعب شوي

انا هذي اول مرة شعري يبتدي يطيح عقب الصبغ,,,,,, كل مرة احسه يستوي خشن بس مع حمامات الزيت و السيروم بعد الحمام يرد شعري لطبيعته

المهم

بعد ما لاحظت ان شعري يطيح ابتدت رحلة البحث عن الحل بين الصديقات و ف منتدانا الغالي و المنتديات الأخرى والنتيجه الي توصلت لها

ان شعري قام يطيح زياده من كثر التفكير و من كثر مجابل اللاب ههههه اسولف معاكم

مرة اقول بشتري زيت من التاجرات يوم اشوف المديح مرة اقول بشتري زيت جوز الهند ومرة زيت الخروع ومرة زيت اللوز و مرة اقول زيت دابر املا وشوي و بشتري كريم طبيب الشعر

آخر شي البارحه سرنا ابو ظبي مول وجان ادش الجمعيه واشتري
^

^

^

^

^

^

^

^

^

^

^

^

^

^

^

يعني ما خليت شي ما اشتريته

بالإضافه الى فيتامينات الشعر نسيت اشتريهم بس بشتريهم عقب وانا من الاساس صارلي اسبوع ابتديت أخذ حبوب اوميغا 3

طبعا ما بخلط الزيوت مع بعضها لا بحط كل زيت مرة فالاسبوع يعني بحط الاول اول يوم فالاسبوع و عقب يومين بحط من الثاني و هكذا
بالنسبه لبخاخ جوز الهند سمعت وحده من الخوات تمدحه وقلت بجربه هو ينرش ع الشعر بعد الحمام وهو سائل مثل الماي مب زيت و زيت هيملايا انا مجربته من قبل والله انه نبتلي شعر جديد من استخدامه بس كنت استخدمه كل يوم احط ع الجذور فالليل قبل الرقاد والصبح اغسل شعري وهو زيت خفيف و ما يلصق فالشعر بس كنت آخذ معاه فيتامينات الشعر وحبوب زنك ( بوصف الطبيب)

وهذي الصورة لماسك و كريم عنايه استخدمهم

من 5 سنوات و انا استخدم ماسك نوع فروكتس غارنييه نفس ها الي فالصورة تحت

بس يوم سرت كارفور آخر مرة عشان اشتريه في مندوبه مبيعات مدحتلي الي فالصورة الي اسمه كيرانوف صناعه فرنسيه صراحه واااايد حلو يعني هو و غارنييه نفس المستوى

و إن شاء الله يوقف تساقط شعري و يطول لاني الحين ناويه ارد اطوله و الي عندها اي تعليق او نصيحه بخصوص الي بسويه فشعري انا اتقبل بكل رحابه صدر

المزيد من آخر المواضيع من نفس القسم:

**USA Online** · 2013-05-22, 18:01

اختي خدي بالج لاتكترين زيوت عسب ما تخلين ب طبيعة الشعرة و الله الموفق

**3yoon Ba3'dad** · 2013-05-22, 20:00

مشكورة عالرد

انا طبعا فتره شهر اسوي الي قلت عليه بعدين اذا شعري تحسن بخفف من استخدام الزيوت او اثبت ع نوع واحد

**ام براق** · 2013-05-22, 21:11

اظن ما ينفع لازم اتسوين كورس معين عقب اتغيرين.

**الماركه شما** · 2013-05-22, 23:10

الماسكات مهمه من فتره لفتره والزيوت اهم تغذي الشعر والرأس والفروه

**munamoor** · 2013-05-22, 23:25

هلو عيني ،،، اشلونج عيون بغداد ،،، أروحلج فدوة يا عيني
مايسوين هيج يا عيون بغداد
هسه اتركي كل هذا و استخدمي لج نوع واحد او ماسك نوع واحد
للشعر يا عيني ،،،هيج راح تخربين شعرج بزيادة اغاتي

المهم ،،، احب اللهجة العراقية هوايه ( انا قلت استخدم ماسك للشعر
ينباع عند نزيه ب 100 او 120 درهم مع الشامبو ) و هيج راح احافظ
على شعري باذن الله و راح يرجع مثل الاول ❤

**ماحد شراتي** · 2013-05-23, 11:52

نصيحه لج حبيبتي لا تكثرين زيوت على شعرج لانه هو اللي بسببلج تساقط
روحي الصالون وخلهم ينظفون لج فروة راسج بماسك النعناع من لوريال ووقتها بتفتكين من التساقط

ونصيحه لج سوي بوتكس لشعرج وهالشي بخليج تنسين شي اسمه تقصف وجفاف وتساقط شعر

**3yoon Ba3'dad** · 2013-05-23, 19:36

اي صالون يسوون بوتكس مضمون

**3yoon Ba3'dad** · 2013-05-23, 19:43

اهم شي مس بنك واللهجه العراقيه

**عشق طاهر** · 2013-05-23, 19:50

اختي

من وين هذا بخاخ جوز الهند

يعتي بكارفور؟؟ و اي قسم بالتحديد

**3yoon Ba3'dad** · 2013-05-24, 12:55

حبيبتي عشق طاهر البخاخ شريته من بوتس و مب غالي ب 12 درهم

**3yoon Ba3'dad** · 2013-05-24, 13:00

بس بنات الي قالولي انه ما يستوي تحطين اكثر من نوع من الزيوت و لازم تثبتين ع زيت واحد بالله عليكم الزيوت الي تشترونها من الجمعيات او حتى الزيوت الي يبوعونها التاجرات هي عبارة عن شو؟

عباره عن عدة انواع من الزيوت مخلوطه مع بعض يعني واحد من الزيوت الي ينباع فالمنتدى تقول التاجره الي مسويته انه عباره عن 30 نوع من الزيوت الاصليه وأنا مو يالسه اذم هالزيت لا بالعكس والله انا وايد سمعت بنات يمدحونه عقب ما جربوه حتى انا كنت ناويه اشتريه

بس قلت ليش ما اجرب اني احط كل زيت بروحه و اخلي شعري يستفاد منه بدون ما يتضارب مع زيت من نوع ثاني

**mischocolat** · 2013-05-26, 09:37

عيون بغداد حياتي ممكن تخلطين كذا نوع من الزيوت ويا بعض المهم يكون فيه تجانس بينهم يعني مايكون واحد منهم يتفاعل بشكل سلبي ويا الثاني بالتالي يضر شعرج
بعدين الشعر المصبوغ يبغي له عنايه خاصه جدا
يعني الشامبو والكونديشنر والماسك او السيروم للشعر المصبوغ غير عن الشعر اللي مسويت له هاي لايت
بعدين الشعر المصبوغ لازم تسوين له ماسك وحمام كريم بشكل اسبوعي عشان تحافظين على اللون والشعره نفسها
السيروم بشكل يومي وايد مهم
قبل ما تصبغين شعرج ب 3 اسابيع لازم تسوين حمام زيت مره بالاسبوع والاحسن ع البخار عشان تقوين الشعره وتتحمل الصبغ لدون تلف

**امل السورية** · 2013-05-26, 23:31

مووووووووووووووفقة

**عيناوية مررة** · 2013-05-31, 23:58

إلي أعرفه إنه الشعر يتغذى من المعدة يعني على حسب أكلج حبيبتي والزيوت بس للترطيب ومنع الجفاف

الموضوع: شو رايكم؟؟؟؟؟

أدوات الموضوع

عرض

شو رايكم؟؟؟؟؟

المزيد من آخر المواضيع من نفس القسم:

رد: شو رايكم؟؟؟؟؟

رد: شو رايكم؟؟؟؟؟

رد: شو رايكم؟؟؟؟؟

رد: شو رايكم؟؟؟؟؟

رد: شو رايكم؟؟؟؟؟

رد: شو رايكم؟؟؟؟؟

رد: شو رايكم؟؟؟؟؟

رد: شو رايكم؟؟؟؟؟

رد: شو رايكم؟؟؟؟؟

رد: شو رايكم؟؟؟؟؟

رد: شو رايكم؟؟؟؟؟

رد: شو رايكم؟؟؟؟؟

رد: شو رايكم؟؟؟؟؟

رد: شو رايكم؟؟؟؟؟

المواضيع المتشابهه

رايكم يهمني...بجامات ام امنة..اتفضلوا وقولوا رايكم بصراحه

شو رايكم بهالمثل.. مقتنعين فيه ولا... .؟ اختلفنا فيها انا وربيعتي.. رايكم يهمني

عاجل رايكم يهمني عطوني رايكم باسرع وقت لاني بحجز عندها