هل انا غلطانه او لا ؟؟؟

[MisS_AD]

مرحبا خواتي

انا عندي مشكله مع ريلي
اولا بشرحلكم وضع زوجي هو من النوع الي مايتحمل مسووليه يعني ما احس اني متزوجه مايطلعنا الا في السنه مره > وهو من النوووع الي يسمع كلام امه واااااااااجد فحابه اخبركم بالموقف وانتم قولوا شو الحل

الاسبوع الي طاف رحنا الفجيره مع مجموعه اهل و زوجي تم ماسار ويانا ،انا حاولت فيه يوصلنا على الاقل ويرجع لان ماكان عندنا مكان كافي لي ولعيالي وللاغراض > يوم الي كنا بنرجع فيه انصدمت ان زوجي يانا للفجيره تخيلن انا انصدمت وكنت معصبه عالاخر

ويوم قالي يله اركبي السياره عشان يرجعنا قلتله انا مب سايره معاك برجع مع الدريول ؟؟
طبعا حماتي زعلت وعصبت وسبتني بس انا قلتلها كيف ايي وانا ماعندي خبر على الاقل يقولي انا جاي
مش قضيه انه هو ليش جاي القضيه ليش ماخبرني فقالت حماتي انا ناديته رديت عليها نفس ماقلت قبل شوي ليش ماخبرني

المهم ركبت معاه السياره ووضحت له وجهه نظري بس هو مش مقتنع انه غلطان قالي انا ما استاذن منك قلتله مش مساله استاذان هي مساله انا المفروووض يكون عندي خبر قلتله مش حرمتك انااا

قالي و خير

الصراحه كنت بسير لبيت اهلي بس خايفه لا تزعل امي
،الحين انا وهو مانكلم بعض وحماتي وحمياتي يعاملوني بجفاء \

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[(( بسمه ))]

مرحبا الغاليه

فديتج لا تكبرون الموضوع عشان طلعات وظهرات في ريايل ما يتحملون مسؤولية اشياء اكبر يعني هذا ولا شي اذا مقصر فالبيت فالعيال فحقوقج الزوجيه هني ممكن لكن الاشياء هاذي تجاوزيها عزيزتي في اشياء اكبر عن جي

[MisS_AD]

تخيلي من بين الي قاعدين انا مش عارفه ان ريلي ببيي ؟؟ حسيت مثل الصفعه
انا حرمته المفرووووووووووووض اعرف انه ياي في الدرب

[الغندورة]

الله يصلح الحال
تبين الصراحه انتي كبرتي الموضوع شوي
صح نحن الحريم تهمنا هالامور بس لازم نعرف ان الرياييل ماتعنيهم هالامور شي
كان ممكن تعاتبينه بهدوء بعدين وتعدي الليله
حاولي تراضيته حتى لو هو الغلطان
الله يسخره لج ويوفق بينكم

[وجدان الفجر]

أختي بقول لج الصراحة ولا تزعلي مني, المفروض أنج ما تكبري الموضوع , وغلط أنج قلتي له ما بروح معاك وبروح مع الدرويل !!وأكيد أهله بيزعلوا منج لأنه ما يحبوا يشوفوا حرمة ولدهم تعامل ولدهم كذا!( أنا شخصياً ما برضاها على أخوي لو حصل نفس الموقف) ! الحين حتى لو أنت الصح وهو غلط بس بتصرفج صرتي أنت الغلطانة اللي ما تطيع زوجها وتنكد عليه وتحرجه قدام أهله ! وحتي هو ممكن ياخذها حجة : أنا جيت علشان آخذك المرة الفايتة وأنت تصرفتي كذا ! أعرف هو غلطان وكان المفروض يخبرج أنه بيي بس كان المفروض تمسكي نفسك و تخلي الموضوع يعدي قدام أهله وتروحي معاه . ويوم تكونوا مع بعض ولوحدكم تبيني له أنج عتبانة عليه وزعلانة من تصرفه . أختي الله يهدي سرج ويسخرج لزوجج ويسخر لج زوجج ويسعدكم .

[صبا الخليج]

انا لو منج اقول له مفاجأة حلوة وايد بالذات امه موجودة جي انت كسبتي الموقف بس عقب جم يوم قولي له وايد استانست انك ييت بس المرة الياية قول لي انك بتي جي بقولج من غير ضغط عليه يعني لا تسوي طاف وبنفس الوقت الاحسن لو ما كبرتي الوضوع المهم حصل خير بس التفاهم احسن وهلج ما في داعي لتدخلهم جي الموضوع يكبر عقب بستوي الحل اصعب

[مكيااجي]

انا احسه يأي يخذج وكان مسويها مفاجئة ريل أختي دوم ما يخبرها ويي فحائه فتكون مفاجئة

لاتخذينها من مبدأ انا حرمته لازم اعرف انه يأي انا لو مكانج كنت سيدا بقوله فديت الي سوا لي مفاجئة وياي يأخذني مع ابتسامه حلوه

[nayla79]

هيه صح كبرتي الموضوع جان مثلتي انج مستانسه وعقب بينج وبينه عاتبيه ..الله يهديكم ان شاء الله

[ام انان]

انا لو منج اقول له مفاجأة حلوة وايد بالذات امه موجودة جي انت كسبتي الموقف بس عقب جم يوم قولي له وايد استانست انك ييت بس المرة الياية قول لي انك بتي جي بقولج من غير ضغط عليه يعني لا تسوي طاف وبنفس الوقت الاحسن لو ما كبرتي الوضوع المهم حصل خير بس التفاهم احسن وهلج ما في داعي لتدخلهم جي الموضوع يكبر عقب بستوي الحل اصعب

[شامسيه مغروره]

غلطتج الوحيدة انج قلتي ما بركب معاك بركب مع الدريول
ع العموم لا تكبرين الموضوع اكثر ، روحي و رمسيه و لا جنه شي صار
و ربي يسعدكم و يهنيكم ^^

[روح.الامارات]

الرياييل مايحبون يسمعون من حريمهم .. ويبون اللي براسهم يسونه ..
كان المفروض انتي تسكتين و تخلين الوضع عادي و تقوليله مفاجأه حلوه و عقب تقوليله خل نروح المكان الفلاني خل نمر نتعشى او نشرب كوفي مثلا ..
فالنهايه ترا هو مابيهمه شي و بيعيش حياته وانتي بس اللي بتضايقين

[دلع العاصمه]

أنا ويا الأخت وجدان الفجر

[دلع العاصمه]

أنا وي الأخت وجدان الفجر

[@الغــ@ــلا@]

أنا ويا الأخت وجدان الفجر

وانا بعد

[افناان]

اختي : لا تزعلين انتي الغلطانه ، هو مب شرط يخبرج انه ياي يمكن هو حب يفاجئج و انتي قلبتي الجو نكد و هواش الله يسلمج ، و فووووق هذا جدام منو ؟ جدام اهله يااااا سلاااام كملتيها عليه مسكين و فشلتيه ، ع الاقل جان حفظتي كرامة الريال جدام اهله
و و بالنسبة لاهلج هو ما احرجج جدامهم هو فاجئج ، يعني المفروض تستانسين انه ياج فجأة ، الحين اعتذري منه و تاسفي و كرري اعتذارج اذا ما رضى ، و اقري عن حقوق الزوج