من جربت فيرست تيتانيوم لإعداد الوجبات في 8 دقائق، ؟؟؟

**امبرطورة بوظبي** · 2012-12-19, 10:17

السلام علبكم...

بنات من جربت هالمُنتج فيرست تيتانيوم لإعداد الوجبات في 8 دقائق جاني المندوب وسوا اعلان قدامي وقعد يقول ان التيفال مضر ويسبب الزهايمر ويمسح ب الكلنكس وشفت بقعه سودا تطلع منه وقعد يقول ان منتجه هذا افضل منتج وتقدرين تسلقين فيه بدون زيت وسوا قدامي عملي اشياء اضن اقنعني ان منتجه حلووو بس قلت له بفكر وبرد اتصلك المهم مين جربته يقول اواني الطبخ الغير لا صقة صناعة المانية عالية الجودة تقدم لكم طعاما لذيذا و شهيا و صحيا مطبوخ بقليل او بدون زيت و ماء
فرست تيتانيوم لاواني الطبخ صناعة يدوية تمتاز بسمك قاعدتها مما يكسبها توزيع حراري منتظم و هي ضد او غير قابلة للتقعر و التبرقع و من مزاياها اوخصائصها انها سهلة التنظيف حتى لو احترق الاكل داخل الاناء الى درجة التفحم

جميع الايادي و المسكات و الاغطية يمكن استخدامها او وضعها داخل الفرن حيث تتحمل درجة حرارة تصل الى 500 درجة فهرنهايت او 260 درجة مئوية

فرست تيتانيوم لاواني الطبخ مصادق عليها من قبل الجمعية الالمانية للجودة و السلامة
وبعد عليه ضمـــان 20سنه خخخخخ يعني أورثه لعيــــالي وبناتي شورايكم

المزيد من آخر المواضيع من نفس القسم:

**كتكوتة حبيبي** · 2012-12-19, 10:23

ماعندي فكرة
ومواعيني تيفال ما طلع شي اسود
اخاف بروحه محطي كحل ولا لون خخ

**امبرطورة بوظبي** · 2012-12-19, 10:27

لالا راح للمطبخ عندي وتم يفرك في القدر كانت بقعه بيضا لان الخدامه الحلوه فركتها تم هو يفرك ب الكلنكس وشفت بقعه سودا قل هذي تكون في اكلكم ههه

**زم_قمر_ان** · 2012-12-19, 12:02

ماجربت الصراحه صاحبتى نفس الشى تقول جالمندوب

وتم يمدح

**دانة_ دبي** · 2012-12-19, 12:50

اكيد بيمدح يبغي يسوق لنفسه
بالعكس تيفال حلوو و بقولج شي يعني معقولة بتخلين جدور عندج ل 20 سنة بالعقل يعني

**فوعة الورد** · 2012-12-19, 14:30

خخخخخ اول امس كان المندوب ياي من عيمان ومر علي البيت ولدي طرده من عند الباب خخخخخخخ قال هذا نصاب قال له عطني رقم الشركة مالكم قال له شركتنا مسكرة
كان خطري اشوف المنتج مالهم بس ولدي متصرقع طرده على طول ههههههههه

**@مبدعه@** · 2012-12-19, 14:44

ما جربته بالتوفيق ان شاء الله

**المول** · 2012-12-19, 19:00

أنا عندي وجربته والله الشاهد على ما أقول ووووايد نفعني وخاصه صينية الفرن الدائريه اسوي فيها الفطائر والكيك وحتى السمج المفتوح بالبهارات والدجاج مع الخضروات بزيت الزيتون وما يحترقلج شئ صحي ومكنه الاكل غير وبعد جربت تاوة البيض اتسوين البيض بدون قطرة زيت وجدرهم بعد حلو للصالونه اتسكرين عليه وما يتبخر وايد أتم النكهه فيه

**المول** · 2012-12-19, 19:04

نسيت اقول اللي شريته ماركته المانيه وهو غالي يعني بس تاوة البيض شريتها بخمسمئه درهم وما ندمت بعد ما كليت البيضه قلت وينج عني من زمان

**Om-Gala** · 2012-12-19, 20:50

اختي هذيله نصابين و بيتمون وراج لين تاخذين من عندهم و الصراحة انا اشتكيت على واحد فيهم لانه كان كله يدقلي اونه عسب بضاعته

**امبرطورة بوظبي** · 2012-12-19, 23:55

خوفتوني معني كنت نحص حماس فيني هههههههههه

**عروس دبي 20** · 2012-12-20, 19:50

ينقل للقسم المناسب ...

**ام حمد وموزه** · 2012-12-21, 13:31

المشاركة الأصلية كتبت بواسطة Om-Gala

اختي هذيله نصابين و بيتمون وراج لين تاخذين من عندهم و الصراحة انا اشتكيت على واحد فيهم لانه كان كله يدقلي اونه عسب بضاعته

والله صدقتي هذيلا اكبر نصابين والدليل انهم يلحون عليج بالشراء ولا تنسين بعد اللي يسون دعاية للمكنسة العجيبة وبياعات مواد التجميل بعد مثلهم والغاليه اللي يبا حايته بيروح يشتريها من السوق بدل الدعاية والاحراج والحمدلله اسواقنا فيها كل شيء متوفر

**الورد الأحمر** · 2012-12-24, 18:35

أنا اشتريت المجموعة من سنة وجربت مال الشوي صراحة نفعتني
بس عيبها سعرها الغالي

**امبرطورة بوظبي** · 2012-12-25, 23:57

شكرا بنات ما قصرتووو

الموضوع: من جربت فيرست تيتانيوم لإعداد الوجبات في 8 دقائق، ؟؟؟

أدوات الموضوع

عرض