صديقتي قاهرتني

**عروسة منصور** · 2012-10-30, 22:46

السلام عليكم

خواتي بقولكم سالفه وايد مضايقتني مع انها يمكن في نظر البعض سخيفه بس والله وايد افكر فيها وما اعرف كيف اتصرف

اتعرفت على وحده من اكثر من سنتين ، استوت ربيعتي وحسيت انها ممكن تكون افضل صديقه تعرفت عليها.. مرت الايام و شوي شوي اكتشفت وايد اشياء في هالانسانه ما تناسبني و تقهرني

١- وايد تخق وتحب المظاهر ..ما لاحظت هالشي الا بعدين ..يمكن لانها تحاول تخفيه؟
كل شي بتسويه على اساس الخقة و التفاخر بالاشياء..اشياء سخيفه والله ..مثل سفر او سياره او دراسة ماستر..انا احب الانسان المتواضع الي ما يحب يبين للناس انه عنده الشي الفلاني او انه يسوي الشيء الفلاني احب التوااااااضع في صديقاتي وليس العكس

٢- اكتشفت انها متناقضه ..يعني تقول عن الناس شيء وهو فيها.... وانا بصراحه ما اجرء اني اواجها واقولها يا فلانه انتي متناقضه كيف تقولين شي و تنقدينه و تسوين عليه شوشره وانتي بروحج اكثر وحده تسوين هالشي؟!؟

٣- بعد فتره اكتشفت انه عندها اطباع غير عني.. يعني انا وحده ما اطلع وايد واهيت و هي تتحراني من هالنوع و كله تصر اني اطلع معاها بشكل عجيب ..كل مره اذكرها اني مب من النوع الي يطلع وايد شراتها وفوق هذا ولا كأنها سمعت قبل..ما ادري ليش هالتصرفات يعني؟!

٤- عمرها ما رفعت التيلفون و اتصلت فيني..تريدني انا الي اركض وراها و اسأل و اكتب لها مسجات ..وهي ما تسوي شي ...وان ما سآلت عنها قالت قاطعه! هالشي بعد تناقض

٥- ما عمري سمعتها تقول "ماشاءالله فلانه انتي موهوبه " مع اني وايد اكلمها واراويها شغلي في هواياتي..ابد ما تعلق وتقول شي ..او ع الاقل تشجعني ....

٦- ما تتذكرني الا يوم ما تحصل حد يطلع معاها ..يعني "سبير" استويت ..وsecond option بالنسبه لها.

ما ادري ..الصداقه مب بس طلعات و مظاهر وخقة !! وشكل ظاهري..انا مب من هالنوع ابد ابد ابد

انا يوم اصادق وحده احب اضحك معاها و احسسها اني اكثر من اختها ..و نستهبل مع بعض ..ونشجع بعض و نساند بعض في كل الاوقات ونراعي ظروف بعض!!!

صدقوني هي ما عندها ادنى فكره اني متضايقه من كل هالاشياء فيها ..انا ما صارحتها ولا افكر اصارحها

حاليا ابتعدت عنها بشكل ملحوظ و هي لاحظت وحسيت انها اتضايقت ..

ما يصير بعد شخص يقطع شخص بدون مقدمات و فجأه ..خصوصا اني ادرس معاها وبشوفها في الحصص...فضيحه ..ما ادري كيف اتصرف

المزيد من آخر المواضيع من نفس القسم:

**زم_قمر_ان** · 2012-10-30, 22:55

والله ما اقولج اقطعيهاا مره وااحده

حاولى تخبريهاا عن السلبيات الى فيهاا وتعدلهاا

وتاخذى فيهاا أجر

لكن اذا ما ناسبهاا كلامج

بتكون تعرف شو سبب قطع الصداقه بينكم

**بنت الغالي88** · 2012-10-30, 23:12

حاولي ترمسينها وتقولين لها انج ما تحبين هالاشياء

حسسيها انج تحبين الانسان اللي يكون متوةاضع في كل شى خبريها بالسلبيات والايجابيات من هالاشياء

عسى ربي يصلح حالها على ايدج يارب

**شعاع امل** · 2012-10-30, 23:33

مادري اختي بس الصراحه احسن

واذا انتي حاسه ان قلبها مب وايد عليكي

قللي علاقتك بها يعني خليها هي بعد سبير او احطياط وشوفي بنات غيرها

وبخصوص الطلعات انا احبها يعني احب الشله والجمعه والضحك ونطلع نتسوق

بس بعد لازم يكون في تفهم واحساس بالصديق حتى لو تخانقنا او اتدافشنا على بعض

يعني الصديق وقت الضيق حتى مذكور في القران

انا كان عندي ربيعه نفس الشي تقريبا بس هي المشكله اني يوم اشكيلها مشاكلي احس ان عاااااادي

وكانت دوم تعطيني كاش في الوجه وتعلق على شكلي مرات

فقطعتها وهي بعد قطعتني لانها كانت تعتبرني لزقه رغم اني كنت احب اكلمها واطلع معها وجي

فالعبرة هي كالتالي

مافي صديق في هذا الزمان انما تؤخذ الدنيا غلابه

**delights** · 2012-10-30, 23:39

لا يا اختي اكيد في صديق بس لازم نعرف نختار الاصدقاء
اما بالنسبة لصاحبة الموضوع انا رأي تصاريحها وتحكيلها السلبيات والايجابيات وازا ما عجبها ما تقطعيها عالاخر متل كان متخاصمين لا بس خليكي رسمية معها وخلص بس انصحيها

**وطني عشقي** · 2012-10-31, 00:56

حبيبتي مثل ما هي تجبرج على اشياء انتي بعد اجبريها ع الاشياء الزينة و الايجابية
سوي عكس اللي تسويه هي و اجبريها عليه

**أم زمرده** · 2012-10-31, 01:52

لا إله إلا أنت سبحانك إني كنت من الظالمين

**نونة الدلوعة** · 2012-10-31, 02:01

نصيحه
حآولي تكون علآقتج فيهآ سطحية

يعني لآ تتقربين ولآ تنقطعين
سلآم وكلآم سطحي مآ بينكم

وخآصة لو وحدة ترمس عن الناس تأكدي بآجر بترمس فيج
فتحذري من هالنوعية

**ورقة ناعمة** · 2012-10-31, 07:58

خليها تتخقق بكيفها وتتصرف بكيفها مب نحن بكيفنا نغير طبايع الناس اذا ماعجبتنا ونخليهم

نفس اطباعنا يمكن فيها اشياء سلبية انتي تشوفينها بس عندها تيجابيات واايد ماتشوفينها

وانتي يوم ترمس على الناس ليش تسمعينها حاولي تغييرين الموضوع وحاولي يكون ردج الله يهدي الجميع

الكل عنده صديقات انواع واشكال والطبع تختلف من وحده للثانية بس مب لدرجة ان اللي تشابهني خلاص ثقة

واللي لا اقطع صلتي فيها ليش ... سلمي عليها وعادي ماتبين تطلعين وياها خبريها بويها هالامور ماتزعل تواصلي معها

دامها ماضرتج بشي ...

**مهرووووووه** · 2012-10-31, 08:15

سبحان الله كأنج قاعده ترمسين عن وحده اعرفها

تبين الصراحه.. اقطعيها مره وحده ولا تلعوزين عمرج!!

هذي ابدا مب ربيعه

**بهلولة** · 2012-10-31, 08:22

الناس اطباع
اذا لائمج طباعها كملي وياها
واذا ما تلائمتي ويا طباعها خلي بينج وبينها سلام

**ماحد شراتي** · 2012-10-31, 10:15

يا كثر هالنوعيه وانا عندي ربيعه من هالنوع بالضبط
بس تعودت عليها وخففت علاقتي وياها لان هالشي مع الوقت يضايق
فانتي يا اما تقوليلها اللي في خاطرج او انج تخففين علاقتج وياها

**عطر 77** · 2012-10-31, 10:41

الله يهديها

**^العنود** · 2012-11-01, 04:36

صعبة تبعدين عنها مرة وحده بالتدريج
و عن ااتناقض قولي لها انتي كذا اول قلتي شو غير رايك
وعن الطلعات انا مااحب اطلع مع البنات فـ مرة مرتين يقولون لي عقب يهونون لاني لو طلعت معهم يا بكون معصبة ومالي خلق شي يا اخر وحدة اطلع خخخخخ مافي حل وسط
ودائما ذكريها انها تذكر الله

**شعاع امل** · 2012-11-01, 09:46

اختي بس حبيت اضيف ان الناس مكبرين موضوع الصداقات

الناس في هذا الوقت يادوب انفوسهم ومثل ماقالت وحده من الاخوات الناس طباع

يعني مافي حد بيعجبك 100% حتى لو كانوا خواتك او من اهلك

بس الواحد يخفف ويكون صريح لو ماعجبك فيها شي شوفي الفرصه المناسبه وقولي لها

اذا زعلت بكيفها

وانتي بعد في اكيد بناااات وايدات تعرفي عليهن يمكن تلاقين وحده فيها صفه تحبينها وتصير مقربه منك

والناس تحب راحتها يعني مايصادقون حد الا عشان شافوه على كيفهم! ويقولون يناسبنا لوووووول

والناس اغلبهم يتكلمون من وراء ظهور الناس حتى الدين يسويها يمكن منزعج من شخص وراح فضفض عند حد وقاله فيه وفيه عااااااادي اختي

الناس تحب مصلحتها وراحتها

بس في ناس تحسين ان ماقصدهم شي يعني اسلوبهم حلو وفي ناس ياساتر دفاشت الكون فيهم

والله عز وجل يغفر الذنوب جميعا

والناس تشوف عيب الي جدامها ماتشوف عيبها يعني

مثلا

اعرف وحده بنت كل البنات ايام المدرسه كانن يكرهنها ليش؟

عشان كانت غيوره وشخصيتها قويه يعني تسوي اي شي عشان تاخذ الي تبيه

رغم انها كانت وااااااايد شاطره وبعد شكلها حبوب يعني مب بطاله ابدا وامها وابوها مهندسين وبعد اختها طبيبة اسنان واخوها يدرس طب واختها هندسه

ولكن هي مادري ايش فيها تغار الله يكرمكم من الكلب يمكن حتى

والكل يقاطعها وجي رغم انها ليها صفه حلوه انها تحس بالجدامها

واحسها مب متكبره واااااااااايد

المهم

في الاخير اكتشفت ان اغلب الي يقولون عنها جي هم مثلها!

او على الاقل عندهم صفه من صفاتها سبحان الله

وحسيت انهم هم المتكبرين مب بس هي

يعني هي مب اسوء شي

فجل من لا يسهو

بالاضافه الى ان الناس اغلبهم يحبون الي يمشي في مصلحته او مصلحتهم

الموضوع: صديقتي قاهرتني

أدوات الموضوع

عرض

صديقتي قاهرتني

المزيد من آخر المواضيع من نفس القسم:

رد: صديقتي قاهرتني

رد: صديقتي قاهرتني

رد: صديقتي قاهرتني

رد: صديقتي قاهرتني

رد: صديقتي قاهرتني

رد: صديقتي قاهرتني

رد: صديقتي قاهرتني

رد: صديقتي قاهرتني

رد: صديقتي قاهرتني

رد: صديقتي قاهرتني

رد: صديقتي قاهرتني

رد: صديقتي قاهرتني

رد: صديقتي قاهرتني

رد: صديقتي قاهرتني

المواضيع المتشابهه

اختي قاهرتني ادعولها

الايقونه الحمره قاهرتني

قاهرتني اختي واااااااااااااايد...... مافيها خير..

( صديقتي خانتني صديقتي لم تعد تحبني ) مواقف تكشف لكِ الحقيقة !