لكل حَكـَـآِيِه بِدَآيَه..وَمَن هُنَآ تُسًـتُمِر بَدَآيَه حَـــدِيَقتَي,,

[xouaexo]

هلا وغلا
انساكم دا كلام انساكم يا سلام اهو دا اللي مش ممكن ابدا
انه تجمعنا الجميل وصدقتنا الجاريه
انا اتخلصت من كورنر الصباريات استوي وايد عوده عمرها ست سنين
الخبير قلت له ازرعها برع قال هذا كشره ركب بلديه احسن قلت ركب ابويه ركب
بزرع مكانهم ليمون جراس ابرك
انا نفسج على كثر ما اقص الاشجار الكثيفه مكانه تحتها العشب تعبان
جنه ما مكفتنه شمس الصيف
دورت صوري اليديده ما حصلتها لكن حصلت صور جديمه ايام تجهيزات حمدان
فحطيتها بقسم الديكور يساهلون يحليلهم
انا ما ادخل الا بصور فواله وترك العاده عداوه ام شيخه





ودعوا الملك الغريب الله ايعودنا عليه كل سنه وكل حول

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[هانزادا]

تامرين امر ام شيخه ولو اني تعبانه بس اليوم بينزلن الصور

[ميثانووبس]

متزن: ولا صورة ظاهره عندى..ليش؟

[هانزادا]

مساء الخير وصلت الصور
الاولى لحوض الياسمين بعد ما شلينا منه كل البطيخ والنعناع


وهذي السدره الحمد لله بدت تزهر

اما هذي احواض يديده للجرجير والرويد والخضار الصغير اللي مبين من بعيد الرمانه


التعديل اليديد عند الياسه بس بعدنا ما خلصنا






الياسمينه ام ريحه هذي الضيفه اليديدة




الجوافة الصغيرة تذكرونها كبرت واينعت

هذي احدى الطرق لتكاثر الياسمين ( تاخذين غصن يكون طويل وتغرسية تحت التراب وتظهري طرفة بس لازم تخلين عليه شي ثقيل مثل قطعة الباسكو )


ام جاسم حطت فواله تكفي وتوفي والريجيم زين بعد
اتغشمر وياكن بالقو تحملن الصور والبقيه يوم السبت باذن الله

[اتعلم]

السلام عليكم ورحمة الله وبركاته
ترى أنا قاصده احييكم بتحية السلام كامله عشان تحل على التجمع ألرحمه والبركة أما الرد عادي ردو بينكم وبين انفسكم لانه واجب
أم شيخه الحمدلله أنا بأتم الصحه والعافيه سوى شئ بسيط يعتري أي إنسان عادي
ماشاء الله تبارك الرحمن على زراعتكم كلكم الله يطرح فيها البركة
وعندي معلومه عشان الي يحب يخلي زراعته تستمر سنتين واكثر بس ترى يقل الثمر كل سنه عن الثانية
من الأنواع مثل ما قالت أم شيخه الباذنجان
الطماطم
الفلفل
الباميا
وتجربه كان عندنا مزرعه يوم كنت صغيره وكنا من صعوبة الحياة نخيلهم للسنه الثانية
وسلامتكم
تصبحون على خير

[اتعلم]

حجم الصور كبير بعدلهم وارجع

[اتعلم]

هذي زاويه بالحديقه الخلفيه ..





وهذي الحديقه الاماميه وحور بنتي تمثل التعجب !



وهذا الوفيرا



وهذا خيار من حديقتي ..



وهذا عمل يديني ، اقط وحنا بالقصيمي نقول عنه (بقل) ..




وهذا مالدينا اليوم..

[um sheikha]

السلام عليكم ورحمة الله وبركاته

دَعَـاءً يُـوَمَ الْجَمَّــعَهً

الْلَّهُمَّ يَامَالِكُ الْمَلِكُ وَيَاوَاسِعَ الْعَطَاءِ يَاحَيُّ يَاقَيُّوْمُ يَاذَا الْجَلَالِ وَالْإِكْرَامِ إِنِّيَ أَسْأَلُكَ فِيْ هَذَا الْيَوْمِ الْعَظِيْمِ.. وِّبَعْدَدِ مْنِ سَجَدَ لَكَ فِيْ حَرَمِكَ الْمُكَرَّمِ،،، مِنْ يَوْمِ خَلَقْتَ الْدُّنْيَا إِلَىَ يَوْمِ الْقِيَامَةِ أَنْ تُعَافَيْ قَارِئٌ هَذَا الْدُّعَاءَ،،،وَتَحْفَظَهُ، وَأُسْرَتُهُ، وَأَحَبَّتْهُ وَأَنْ تُبَارِكَ عَمَلُهُ، وَتُسْعِدُ قَلْبِهِ وَتُفَرِّجَ كَرْبَهُ
،وَتَيَسَّرَ أَمْرِهِ،،وَتَغْفِرَ ذَنْبِهِ..آَمِيْنَ يَارَبُّ الْعَالَمِيْن

[ميثانووبس]

آَمِيْنَ يَارَبُّ الْعَالَمِيْن

[ميثانووبس]

يالله ان صباري غامضني
ماتن 2 هالنوع يوم زرعتهن بالارض


وهنيه اول ما اخذتهن


مع ان الصبار يتحمل
حد عنده فكره ليش ماتوا؟؟

[xouaexo]

الصبار ما ايحب الماي ولا الدلع
هانزادا واتعلم تبارك الله حلوه زراعتكم
انا العشب زحف على مساحة الخضره والخبير البتاني
هياز ما يبا ايتعب نفسه وينظف المنطقه من الحشيش
قلت على الاقل بزرع شيري توميتو وجرجير

[ميثانووبس]

تصدقين ام جاسم عفن من تحت
المفروض كل كم يوم ينسقى؟

[ميثانووبس]

وهذي لبنات التجمع الحلوات

[هانزادا]

مساء الخير
خواتي اليوم بغيت اخبركم عن تجربتي في تجهيز بذور البصل
اول شي هذا البصل من الموسم الماضي





حطيته فطاسه وخليت عليه الماي لين يلين بعدين البذور الجيده بتنزل تحت والبذور الرديئه بتطفو



نخليه عشان ينزل منه الماي وبعدين نعرضه للشمس



وهذي البذور اللي يبتها اليوم وفيه منها باقي من الموسم اللي فات



وهذا مرجعي الخاص فالزراعه يتكلم عن الزراعه بانواعها وقتها والمسافه
بين كل شتله والثانيه وبعد اذا كان الري بالتنقيط او الغمر



وهذي احدى صفحات الكتاب




والسموحه منكم خواتي

[um sheikha]

هلا وغلا
انساكم دا كلام انساكم يا سلام اهو دا اللي مش ممكن ابدا
انه تجمعنا الجميل وصدقتنا الجاريه
انا اتخلصت من كورنر الصباريات استوي وايد عوده عمرها ست سنين
الخبير قلت له ازرعها برع قال هذا كشره ركب بلديه احسن قلت ركب ابويه ركب
بزرع مكانهم ليمون جراس ابرك
انا نفسج على كثر ما اقص الاشجار الكثيفه مكانه تحتها العشب تعبان
جنه ما مكفتنه شمس الصيف
دورت صوري اليديده ما حصلتها لكن حصلت صور جديمه ايام تجهيزات حمدان
فحطيتها بقسم الديكور يساهلون يحليلهم
انا ما ادخل الا بصور فواله وترك العاده عداوه ام شيخه





ودعوا الملك الغريب الله ايعودنا عليه كل سنه وكل حول

حي الله ام جاسم يزاج الله الخير على مشاعرج الطيبه اتجاه التجمع .
اش عليج من الخبير انتي قرري وامري عليه وان قالج شي قوليله تبا تشتغل اشتغل ولا
قبضيه الباب ثره هو يشتغل ابلاش .. هو ما يهمه يبا يخف على عمره الشغل
حرام ست اسنين ليش اتعقينه جان زرعتي تحته ورد موسمي وشكلتي في الالوان .. انا ودي ازرع بس ماروم عندي
تركيه اتعبث في كل شي اخاف تغافلني وسيرلهن
يازين الرطب ياربي السنه ماحسينا بموسم الرطب الله يعوده علينا ياربي
هااااااا جكيتج يام جاسم اول صوره تقولي انها من دلال هل بوظبي

مساء الخير وصلت الصور
الاولى لحوض الياسمين بعد ما شلينا منه كل البطيخ والنعناع


وهذي السدره الحمد لله بدت تزهر

اما هذي احواض يديده للجرجير والرويد والخضار الصغير اللي مبين من بعيد الرمانه


التعديل اليديد عند الياسه بس بعدنا ما خلصنا






الياسمينه ام ريحه هذي الضيفه اليديدة




الجوافة الصغيرة تذكرونها كبرت واينعت

هذي احدى الطرق لتكاثر الياسمين ( تاخذين غصن يكون طويل وتغرسية تحت التراب وتظهري طرفة بس لازم تخلين عليه شي ثقيل مثل قطعة الباسكو )


ام جاسم حطت فواله تكفي وتوفي والريجيم زين بعد
اتغشمر وياكن بالقو تحملن الصور والبقيه يوم السبت باذن الله

حي الله ام منصور
تبارك الرحمن والله يعطيج العافيه على التجهيزات على قدم وساق عندج
ومبروكه الياسمينه .. ما شاء الله بنجرب طريقة زراعة الياسمينه يديده عليه هالمعلومه ولي اكيده منها كونها تجربتج
ومشكوره على مشاركتنا بعض من ترتيبج وتجهيزج للحديقه عندج وبأنتظار كل شي يديد منج يام منصور .