بالصور ,,,, مطبخي التحضيري قيد الانشاء ادخلي

**أم ميثا** · 2012-04-16, 13:05

مرحبا خواتي

حبيت أخذ رايكن في توزيع المطبخ التحضيري هذي صورة للمخطط

علما ان المطبخ مثل ما مبين في المخطط 5 * 3.8 وفيه دريشة وحدة تحتها بتكون المغسله اليدار اللي فيه الدريشة عرضه 5 أمتار
أفكر أحط غسالة مواعين وغسالة أتوماتيك على يمين ويسار المغسلة بيكفن الــ5 أمتار؟

صورة المطبخ عالواقع هنيه من زاوية الباب

وهنيه يوم دخلت داخل ماتحسن انه وايد صغير

وشوفن تصميم المطبخ اللي أبااااااااااه أبا يكون لونه بني محروق والرخام بيج فاتح أفتح درجة أو أف وايت والمسكات بغيرها بحط شي مودرن

هذي ثلاجة بلت إن وتحتها يكون الفريزر كان حلمي البلت بس أحس هالثلاجة ما تكفي إلا لو خفضت درجة حرارة الفريزر واستخدمته للتبريد بتكون ثلاجة كبيرة وتكفي أغراضي

الفرن له عدة خيارات انا حبيت هذا لأنه مطبخي تحضيري ما بستخدمه للطبخ الثقيل ممكن أستخدمه للمشروبات والتسخين فقط أما الطبخ في المطبخ الخارجي
شو تنصحوني أعتمد هذا بعيونين ولا 4 عيون للاحتياط؟

أو هذاك اللي ورا استايله قديم عيون غاز عادية مادري محتاااااارة
شفتوا الخزانة الطويلة اللي ورا هذي أرفف استيل تتعدل ممكن تترفع وتتنزل حسب طول أغراضج ويوم تفتحين الباب تطلع الأرف اللي جدام وورا حابه أسويها للمعلبات والكورن فلكس وممكن للكاسات يعني للمونة

المزيد من آخر المواضيع من نفس القسم:

**أم ميثا** · 2012-04-16, 13:09

وبالنسبة لحوض المغاسل شو اختار من هنيه

أبا شي عملي ومودرن

**Miss-Fyonka** · 2012-04-16, 22:54

هلا حبيبتي

اول شي رايي خليج من اللون البني المحروق لو تبين شي عملي ومودرن .. لان الالوان الغامجه مع الوقت تنمل هذا اول شي
غير ان الاوان الغامجة بتضيق لج المكان والفواتح تفتح نفسج لكل شي مع شوية ورد واكسسوارات بيطلع المكان وايد مريح وحلو

شوفي هاذول مديلات كلاسك ماتروح موضتهم

هذا بالنسبة للمطابخ التقليدية وكلاسك مثل ماقلت شي راقي وبسيط وفخم بنفس الوقت

.. او المطابخ المودرن بالوان حلوة وجريئة

بالنسبة للغاز انا افضل غاز الكهربا عينين .. هذا الي مسوتنه فبيتي

بس حسب المساحه عندج .. وانا بصراحه ما احس الطبخه تحتاي اكثر من عينين

بالنسبة للحوض حبيت الي فثاني صورة الابيض

والسموحه حبيبتي اتمنى اني افدتج

وربي يوفقج و بيت السعاده يارب

**dxbaii** · 2012-04-16, 23:03

انششاء الله يكون بيت السعاده

**شوكليت توي** · 2012-04-16, 23:15

انا رايي من راي مس فيونكه

**lili pop** · 2012-04-16, 23:18

هلا أم ميثا الفرن عينين كافي بالمطبخ التحضيري بدون فرن في الأسفل الحوض فالمطبخ التحضيري كافي حوض واحد مع مكان لوضع الصحون أثناء الغسيل الصورة الثانية المغسلة الثانية والرابعة على اليسار أما المطبخ الرئيسي ضروري حوضين مثل المغسلة الأولى والرابعة في الصورة الثانية وأنا أفضل الأستيل لأنهاعملية وما تترك بقع بخلاف الأخت السابقة التي فضلت الحوض البيج الارفف الستيل أحس المطبخ مطبخ تحضيري وما يحتاج ...مممم غسالة الصحون توضع في المطبخ الرئيسي وليس التحضيري فلا تزحمين المكان لأنها ما بتشغلينها إلا إذا كانت عندك عزومة وصحون كثيرة غير جذة على الدنيا السلام إذا طاحت في أيد الخدامة والغسالة الأتوماتيك شو قصدك فيها غسالة الملابس ما فهمت عليك ممكن توضحين

**أم ميثا** · 2012-04-17, 11:51

شكرا خواتي على آراءكن
بس اللون الأبيض متناسق ويا لون السيراميك الحالي؟

ماتوقع بيطلع شكله أوكي ><

وليلي بوب
المطبخ التحضيري بتغسل فيه مواعين الأكل والشرب من صحون كاسات وجيه وهو داخل الفيلا ومجاور لغرفة طعام الضيوف بعد
الغسالة للصحون بستخدمها أنا وقت العزايم بس
ونادراً طبعاً بس وجودها ضروري داخل مب برع لأنها بتكون قريبة مني
المطبخ الخارجي بتعايز أسيرله وأشل الأغراض لين هناااااك فأسهل انها تكون داخل

والغسالة الأوتوماتيك للملابس خخخخخخخخخ أبا أسوي نظام فنادق كل الأجهزة بحطها للاحتياط مثلا بغيت أغسل شي بسرعة ما أبا أتلعوز وأتريا لين الشغالة تغسل برع في غرفة الغسيل

**قارورة العسل** · 2012-04-17, 16:43

ربي يوفقك ان شاء الله

**الفقيرة** · 2012-04-17, 18:22

الله يوفقج غناتي ومسكن العافية فديتج وذوقج الصراااحة وااايد حلو ....

**أم ميثا** · 2012-04-17, 23:08

شكرا حبيباتي

**زوجة زوجها** · 2012-04-18, 01:40

انا اشوووف تغيرين هاللون مال المطبخ اما تحطين البني الغااااامج او الابيض على اوف وااايت

و الغاز الكهرباائي ابو عينين و مال غسيل الصحون ام وحده تكفي الفرن سويه حلوو لان يحتاج الفرن مرات لو عندك عزومه و اشياء في الفرن او التسخين السريع هذي حلووه

**سوارة** · 2012-04-18, 04:48

عند منو بتسوينه؟؟ احس لو تدورين بعدج بتلقين اشياء افخم

**أم ميثا** · 2012-04-18, 11:41

سوارة وين أحصل الأفخم
دليني الله يخليج -_-

**أم يزاوي** · 2012-04-18, 23:22

لو سمحتى الغلا طرشلى تصمم بيتكم

**m3andah** · 2012-04-19, 00:15

انا احترت وياج خخخخخخخخخ

اوني يايه بتفلسف

بس اللي اقترحت يكون لون المطبخ فاتح انا معاها ..

وحسيت الصور اللي حاطتهم حلوين الوانهم

بس الون البني مش سيء بالعكس بيطلع حلو ...الفاتح بس عشان يوسع المطبخ

الموضوع: بالصور ,,,, مطبخي التحضيري قيد الانشاء ادخلي

أدوات الموضوع

عرض

بالصور ,,,, مطبخي التحضيري قيد الانشاء ادخلي

المزيد من آخر المواضيع من نفس القسم:

المواضيع المتشابهه

مطبخي التحضيري

~..مطبخي التحضيري..~

مطبخي التحضيري

مطبخي التحضيري ( نداء )