مصممه ديكور داخلي تجيب عن استفسارتكم جزء ثاني

**بعدهم كلهم** · 2011-12-17, 08:28

المشاركة الأصلية كتبت بواسطة حووااء

هلا
بغيت اسال عن ورق الجدران شو انسب مكان له للغرف او الصاله والميلس
بالنسبه للصاله انا عندى صالتين عند بعض بينهم درج بغيت اعرف كيف ممكن انسق بالالوان والديكورات والتاثيث
ان شاء الله اتكوننين فاهمه شو اقصد

اهليين

الورق يصلح لكل مكان حتى المطابخ الحين يجطون فيها ورق بس يتعلق بدزاين كلاسك مودرن او مكس بس مثل دزاين المغربي ما يصلح اذا الصالتين مفتوحات على بعض وما في رفعه امبينهم افضل
يكون لون بيييج عاد ترخيم يطلع حلووو ممكن تسوين فريمات جداريات وفيها تنجيد والقنفات
كل صاله بالونها مثل الفستقي والبنفسجي والصاله اثانيه كحلي وكركمي والمجلس تدرجات البني او الزيتي
والاكسسورات والاضائه والزوالي تعطي حياء فالمكان

**سما الأمارات** · 2011-12-17, 08:57

فنتظارج ^^

**بعدهم كلهم** · 2011-12-17, 10:08

المشاركة الأصلية كتبت بواسطة سما الأمارات

السلام عليكم

حبيت تساعديني فطريقة توزيع الاثاث وشو نوعية الاثااث عندي المطبخ له باب ف الصاله تقترحي اخليه مفتوح ولا

شقا اسوي الستاير والصبغ ل كل الطابق اتمنى تحطيلي صور ل ديكور وكل شيء ^^ ادري مصختها
ها التصميم روحي سويته ف الكمبيوتر الان التصميم مال الاستشاري مارضا ينزل اكيد في تفاصيل كثيره
المهم بين نزلة الدرج وبداية القوس مترين ونص هيه وبين الليفنق روم والباد روم غيرت اماكنهم عكست

هلاااااااااا الحين هذذا تصميم مبدئي حطين لج الوان عسبت تعرفين البحري الكراسي البني الطاولات

الاخضر تلفزيون الاصفر طاولات لى مع مرايتهن وسويت فالصاله بارتشن حاجز عسبت نفصل

الابواب عن الصال لانها تشوه الشكل الفاضل بالون الاسود من الصوبين يكون جبس امبورد

وكرسي نص دائري وصوب المقابل طقم كراسي وسكري الباب لى امبين المطبخ وغرفه طعام الريايل وفتحتى من الصاله وانا اخفيت المكان بالفاصل لو كانت عزيمه حريم وحبيتي تدخلينهن من الصاله تقدرين مب لازم يحدرن من صوب المطبخ وبيستوي عندج مكان فالمطبخ بدال المممر سويه غرفه تخزين للصحون والجدور وهسوالف

**الغندورة** · 2011-12-17, 13:19

يزاج الله خير
ابا اصبغ غرفة النوم لون مريح وهادي و ما ابا غرفة النوم تكون بنية وضخمة
شو اقتراحج
وانصحيني بالاكسسوارات

**My scarf** · 2011-12-17, 15:25

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن

**بعدهم كلهم** · 2011-12-17, 22:19

المشاركة الأصلية كتبت بواسطة الغندورة

يزاج الله خير
ابا اصبغ غرفة النوم لون مريح وهادي و ما ابا غرفة النوم تكون بنية وضخمة
شو اقتراحج
وانصحيني بالاكسسوارات

هلااااا خليها ابيض او بييج او رمادي

والاثاث تنجيد اى لون تحبيه مع الابيض او البيج بس رمادي حلو تنجيد ابيض او فستقي

الاكسسورات الاضائه مهمه ويراويز الون الفيروزي يريح الاعصاب بعد البنفسجي

**أسرارالشوق** · 2011-12-19, 11:43

السلام عليكم

تسلمين اختي الكريمة على الافكار والنصايح الحلوة

عني مشكلة بسيطة ..ديزاين بيتي الخارجي شبه اندلسي ..وهالشي خلا الاسقف الداخلية للغرف مب مستوية يعني في منها وجهين وفيه ثلاث اوجه ..ومحتارة شو الديكور المناسب لها ..علما اني حابة الديكورات الداخلية تكون نيوكلاسيك ومو حابة ديكور الاعمدة المتداول للاسقف اللي من هالنوع شو رايج ..ياليت تعطيني افكار

**صمت الجفون** · 2011-12-19, 12:06

مرحبا مصممتنا الغالية ...
بجد لج الجر ع مساعدتج معانا ف شقا البيوت ...
والله يوفقج يارب ويعطيج على قد نيتج ..
أنا عندي فكرة إني بحط بار بالصالة ... صغير كحركه غير معتاده وعندي فتحه نفس الدريشه مقوسة بجدار الصالة وقلت بسويها بار بس مب قادره أوصل لشكل البار و\كيف بيطلع ممكن توصليني ...أوتساعديني كيف ممكن أسوي شكل البار بالفتحه هذي ...والصورة مركز التحميل مب طايع يستقبل بحاول أنزلها إذا مافهمتيني ..الغلا ...

**صمت الجفون** · 2011-12-19, 12:21

http://up12.up-images.com/up/viewima...460016d.jpgهذي الصورة ...مصممتنا الغالية ولج تصميم البار

مواقع تنزيل الصور تعبانه هذا احسن موقع شفته ادري الصورة كبيرة بس هذي الفتحه اللي اعنيتها شكل الدريشة اللي بسوي فيها البار

**بعدهم كلهم** · 2011-12-19, 13:52

المشاركة الأصلية كتبت بواسطة أسرارالشوق

السلام عليكم

تسلمين اختي الكريمة على الافكار والنصايح الحلوة

عني مشكلة بسيطة ..ديزاين بيتي الخارجي شبه اندلسي ..وهالشي خلا الاسقف الداخلية للغرف مب مستوية يعني في منها وجهين وفيه ثلاث اوجه ..ومحتارة شو الديكور المناسب لها ..علما اني حابة الديكورات الداخلية تكون نيوكلاسيك ومو حابة ديكور الاعمدة المتداول للاسقف اللي من هالنوع شو رايج ..ياليت تعطيني افكار

وعليكم السلام ياليت توضحين بصور ولو غرفه وحده

**احب هالفن** · 2011-12-19, 15:23

المشاركة الأصلية كتبت بواسطة بعدهم كلهم

وعليكم السلام ياليت توضحين بصور ولو غرفه وحده

اختي بعدهم كلهم اذا كنتي اون لاين ممكن اضيفج على المسن ؟؟
اشوفج مادريتي على رسالتى الخاصه يمكن مافهمتيني

بس صدق صدق البارحه لفيت على الحامات ودار راسي بس مب عشاني لانه بساعد الوالدة في تركيب حمام يديد والله دار راسي وقلت ياااااااااليتج ويانا موول ماعرفنا نختار
ابي اعرف شو الدارج في الحمامات الحين وشو الموضة اللى ماتروح في الحمامات

وياليت تجاوبيني على اسئلتى اللى في الخاص ومشكورة الغاليه

**بعدهم كلهم** · 2011-12-19, 16:51

المشاركة الأصلية كتبت بواسطة احب هالفن

اختي بعدهم كلهم اذا كنتي اون لاين ممكن اضيفج على المسن ؟؟
اشوفج مادريتي على رسالتى الخاصه يمكن مافهمتيني

بس صدق صدق البارحه لفيت على الحامات ودار راسي بس مب عشاني لانه بساعد الوالدة في تركيب حمام يديد والله دار راسي وقلت ياااااااااليتج ويانا موول ماعرفنا نختار
ابي اعرف شو الدارج في الحمامات الحين وشو الموضة اللى ماتروح في الحمامات

وياليت تجاوبيني على اسئلتى اللى في الخاص ومشكورة الغاليه

هلااااااااا دوم البيج ملك الالوان فالحمامات لانج بتغير الاكسسورات يتغير شكله

اما رسالتج سوري ما شفتها من كثر الرسايل لى نوصلني مسحتها بالغلط

ردي طرشي وبرد علبيج ان شاءالله

**كازميه** · 2011-12-19, 18:46

اختي فديتج انا حابه أحط الدريسنج روم اللي بين الحمام والغرفة مكان للتزين
مثل مكان للسشوار والميكب وللبس والمساحة مب كبيره بس اعتقد انها تسد
اريد أحط مرايه كبيره ودروج ورفوف وأضاءة قوية بس مش عارفه كيف ومن فين أبدا وكيف انسق من وين ايييب مرايه كبيره

**عيوني عيناوية** · 2011-12-19, 19:33

مرحبااا مهندستناا البارعة..عسساج مرتاحة...حبيبتي حبيت اخذ رايج انا عندي شقة صغيرة مكونه من مجلس وغرفتين نووم وحمتمين واحد كبير واحد صغير عزج الله وومطبخ ....كله صبغته باللون البيج بس ابا اغير اثاث المجلس وغرفة نومي ومحتاارة ف الاثاث والالوانه..ومسويه سرميك فستقي او قريب من الاخضر الفاتح والابيض وفيه شويه رومادي...الميلس لون المخاد العربية والزواليه والستارة كحلي فحابه اغير اللون اباا رمادي وبنفسجي بسس مترددة ف شوه تنصحيني المناسب؟؟....وغرفت نومي ضغيرة واايد والاثاث كله بني ف شوه اغير لون الستارة واي لوون اختار للزوالية الصغيرة وشوه الاكسسوارات اللي تنصحيني احطهن.؟؟

طوولت علييج والسموحة منج ف انتظارج.....

**صمت الجفون** · 2011-12-19, 23:01

هلا خويتي بعدهم كلهم مارديتي على رسالتي ... وشوفي صورة الفتحة اللي بالصالة لوماعليج أمر ...أبا أسويها بار ...يمكن رسالتي سقطت سهواً....ممكن تراجعينها الغلا
أنا صمت الجفون ....

الموضوع: مصممه ديكور داخلي تجيب عن استفسارتكم جزء ثاني

أدوات الموضوع

عرض

استفسار

المواضيع المتشابهه

مصممه ديكور داخلي تجيب عن استفسارتكم

ديكور داخلي حلوووووووووووووو.....