{{صديــقتي تكرهني و ماتحب لي الــــــخــــير}} ~ ليه ماسويت لــهــا شيء ؟؟؟

بسم الله الرحمن الرحيم

السلام عليكم ورحمة الله وبركاته

..أخواتي الغاليات ...

90% منا لايستطعن أن يعيشن بدون صديقات وخاصه في االمدارس وغيرها ..

و10% منا يستطعن أن يعيشن وأن يدرسن بدون صديقات ..



الصداقه جميله إذا كانت صديقتك تحترمك وتقدرك وتدعو لك
وترشدك للصواب إذا كنت على الخطأ وتتمنى لك الخير دائما




أمــــــــــــــــا إذا كانت الـــــــــعكس ؟؟؟


(( إذا كانت صديقتك التي كانت من الإبتدائي معاك تكرهك وتتمنى لك كل شر

وتفرح لما تبكين أو يحصل لك مكروه ولا أي شيء)) ..



هل تعتبر هذه صديقه ؟؟


صراحة الموضوع هذا حيرني



إحدى زميلاتي


تكرهني ولاتتمنى لي الخير؟؟؟؟؟؟



كيف عرفت هذا الشيء ..


عندما يحصل لي مكروه .......


للاسف هذا الوقت تكون فيه كذا ..

ولما أكون مستانسه هي تكون معصبه والله انا احبها وابي ليها الخير احنا يوم كنا في الثانويه كنت اقولها اتمنى ان ننجح ونروح نفس الجامعه كانت ترد علي باسلوب سيء وتقولي انا مستحيل اكون معاج بنفس الجامعه ونجحنا والحمدالله ودخلنا الجامعه وهي اتعرفت على بنات ثانيات وانكرت العشره اللي مبينها مع ان انا الحمدالله عندي ربع بس كنت اعزها هي ربيعتي من ايام الطفوله الله قدر وتخرجنا من الجامعه واشتغلنا بس كل وحده بمكان غير بس كل مره ادعيلها بالخير والله يجمعنا ويهديها بس هي ما تعبرني والله تعبت معاها بس يوم من الايام كانت في مناسبه وشفتها انا اول ما شفتها فرحت وحبيت اسلم عليها واسولف بس اول ما قربت منها دعت علي وتسبني وطلع علي كلام انا فحياتي ما سويتها والله تضايقت وحزت بخاطري ورجعت البيت وانا حزينه وافكر فيها ليش جي تعاملني والله اني احبها وصارت حياتي حزينه وانا بصلاتي ادعيها شو فولي حل لهل المشكله خواتي وانا بهل الفتره ياني واحد من اهلها عشان يخطبني بس رفضته لأني ما البي اشوفها مره ثانيه بحياتي تعبت وحياتي تعقدت لأني افكر فيها ع طول؟؟؟؟؟؟؟؟؟؟؟ نصحوني خواتي



أختي الغالية ..

إذا كانت صديقتك مثل هذه الصديقه ماذا تفعلين ؟؟


هل تحقدين عليها أم تسامحيها ؟؟



,,, أنتظر أخواتي الغاليات أرآئكن ,,,



وفقكن المولى وحقق مرادكن


أمين يااااااااارب


أختكن في الله


والسلام عليكم ورحمة الله وبركاته

حبيبتي الاصدقاء اللي يتمنون لج الخير قلللللللللللللله في هالزمن.. وشو رايج بصديقه مب ا نها تكرهج بس تحسسج في كل لحظه بالاشياء اللي الله عطاها وانتي محرومه منها؟

حبيبتي هالنوع من الاصدقاء افضل اني ابتعد عنه تدريجيا.. لانها بتخرب حياتج..

السلام عليكم ورحمة الله وبركاته

الشي المحزن في المشكله مو الصديقه الى تركتج الشي المحزن هو تجاوبها معاج على الصريح بالمشاعر السلبيه يا اختى الصاحب الصدقى في راى تكتشفينه في الجامعه على حقيقته ليش لانج عايشته في الواقع وطول الوقت بعكس المدارس فتره وتروحين عنها .

يا اختى انا ما اعرف شو بالنفوس بس ربيعتج تطلع الى تعودت عليه في البيئه الى هى عايشتنها على الاغلب مو اقول دايما يعنى هى يمكن الجو المحيط فيها من النوع الى ينتشر فيه الغيبه والحسد ويجاهرون قدام الناس فيه بشكل عادى فتحسين الدنيا عندها عادى وفتقولج في ويهج كل شي بس انت لازم تقولين الحمدلله رب العالمين تعرفين ليش علشان رب العالمين ما خلى كيدها مخفى عنج بل ضاهر لج علشان ما تتضررى منها .

من خبرتى في الجامعه ترا معظم الصداقات الى تكون فيها الاطراف متخاصمة ترجع صداقتهم في الفترة الاخير من سنوات التخرج فلا تزعلى ولا شي ترا هذا كله ربي يمتحنكن فيه وبتشوفين يستحيل على الاقل بيكون من بينكم سلام
وسبحان الله ممكن هذه تكون فتره اختبار للصداقه علشام ن هى تعرف قيمة صداقتكم حتى لو من بعيد .

يا اختى انا اعرف انج تحبينها في الله وصداقتكم كانت حلوه في نضرج بالرغم من السلبيات لانج ما كنت اصلا تقدرين انج تحكمين على صداقتج فيها وانت في سن مدارس لانه العقل فيها يكون محدود في بيئة المدرسه اما في الجامعه الناس غير والدنيا غير والصداقات غير يعنى كل شي غير غير غير فهنيه الشخص يباله فتره يتاقلم لانه ينبهر بالمكان والاجواء والناس وكل شي بعدين يبدى يحصى العيوب والسلبيات الى يحصلها .

انت سوى الى تحسينه صح سلمى عليها حتى لو ردت عليج بالسلبي مع مرور الايام بتعرف وين الصديق الصجى والسموحه .

حبيبتي هيه ماتبيج خلاص ليش تغصبين الشخص انه يحبج حتى لو كان من بينكم عشره و ايام حلوه خليها و اذكري الايام الي جمعتكم وانتهت الانسان طبعه يوم يكبر يتغير.. و ثاني شي الي مايباك لا تصيح تباه وين عزت نفسج ألبسيها و الي تقدملج وافقي عليها و له تفتكرين فيها شو تبين منها خلاص البنت نست العشره ليش تحزنيين و اشلين ف خاطرج تقبلي الواقع حتى لو كان مره وارضي فيه و لا تحطين معنا الصداقه في هالبنت الصراحه لو هااي كانت صديقتج شو خليتي حق الي يعاااديج انسيها متها السهووله و خلاص

ذكرتيني بربيعتي كانت بينا عشرة عمر من ايام المدرسه
وكانت من احسن الصديقات بس الزمن يغير بني ادم
ويوم تشوف عندي شي او ياني خير احس علامات الغيره على ويهه
وقسم بالله من اروح عنها يخترب شي او تستوي مشكله لي
حسبي الله عليها عينها حاره وحاسده

طبعًا اسامحيها و أكبري مخج و اسوي آكبر طاف ... الي ما يباك لا تصيح تبغيه
سوي طاف كبير و كملي حياتج بقلبج الصافي و ابتسامتج الحلوه:13 (42): ... بعيد عن الناس الحقوده
قوليلي في أحلى من جي ؟!

Don't Worry Be Happy

http://www.youtube.com/watch?v=jyYZUhSeRYc

اقتباس:

---

أختي الغالية ..

إذا كانت صديقتك مثل هذه الصديقه ماذا تفعلين ؟؟


هل تحقدين عليها أم تسامحيها ؟؟

---

اختـي لو ربيعتي كانت جي كنت بودرهـآ و ما بمشي وياها ،

و بخلي العلاقة سطحيـة جدا لانه اللي سوتـه مب شوية ،

و اللي ما بيـآني ما بصيح آبـآه ،

بس يوم بشوفهـآ بسلـّم عليهـآ .. و السـلآم لله ( F )

لاني انا ما قصرت ويآها فـ شي ~ و هي جي تعاملني و ترد عليه بـ آسلوب مب حلو ،

و اكيد بسآمحهـآ و بخلي قلبي ابيض و صآفي و مب شايل فـ قلبـه اي شي عـ حد ~

و قولي الحمد لله عـ كل حآل فديتج انه عندج ربـع و ان شاء الله تدوم هـ المحبه اللي من بينكم ..

و لآ تضآيجين بـ عمرج عـ نآس ما تستآهلـج ..

( L )

للرفع

سوري طاف

الغاليه هذي ماكانت صديقه كانت زميله.........

يمكن انتي من النوع اللي يرتبط باي حد يعاشره........

الله يعوض عليج بصديقات مخلصات ووفيات وراقيات.

الله يعينج الغاليه الله يسر امورج

اقتباس:

---

المشاركة الأصلية كتبت بواسطة درب الوله

حبيبتي الاصدقاء اللي يتمنون لج الخير قلللللللللللللله في هالزمن.. وشو رايج بصديقه مب ا نها تكرهج بس تحسسج في كل لحظه بالاشياء اللي الله عطاها وانتي محرومه منها؟

حبيبتي هالنوع من الاصدقاء افضل اني ابتعد عنه تدريجيا.. لانها بتخرب حياتج..

---

طنشيهاااا و سويلهاا اكبر طاااف

شو تبين فيها ؟؟ دام انها تكرهج عااادي تضرج

لاتستقربين ابد وايد اللي جيه يضحكن من جدامج ومن وراج الله يستر انا صرااااااااااااااااااااااااحه خلاص عندي الصداقه سطحيه وانا بعد نفس موقفج صارلي بس خلاص الواحد يتعلم من درسه ومايمشي معاها بعد ماتستاهل هالاشكال اصلن تنعطا ويه

للرفع