كم زاد وزنج في الحمل؟و كيف تخلصتي منه؟شاركيننا,نستفيد و تستفيدون
السلام و عليكم حبايبي
ابغي كل وحدة تدش تخبرنا كم زاد وزنها في الحمل و كيف تخلصت منه[
/COLOR][/COLOR][/SIZE]
بأبتدي عن نفسي
في اول حمل ما زاد وزني الا 9 كيلوات كنت امشي على الكتب و
محافظة على رشاقتي خخخخخخخخخ
و بسرعة وزني رد مب بس مثل قبل بل انزل يعني 47 على قولة
ربيعتي استويت مرت باباي من الضعف خخخ
و السبب انني طول الحمل كنت اسوي تمارين رياضية و من الشهر
السادس اتشاركت في مستشفى
الوصل لتمارين الحمل (طبعأ قبل ربع ساعة كنت اوصل بس الحين
من كثر الزحمة تبغين لج اقل شئ
ساعة و ما يسوى علينا)
ثاني حمل زاد وزني 13 كيلو و بعدني كنت متينة حملت
:و ولدي الثاني كان له 9 شهور طبعا بلغلط :(
و تميت لفترة متبتبة و الحمدلله بما ان ما كانت عندي شغالة ضعفت
(بس طولت شوية)
كنت اشتغل شغل البيت مع الرضاعة الطبيعية اللي برائي تساعد
وااااااااااايد في تنزيل الوزن و بعد بعض التمارين الرياضية
و لكن في حملي الاخير استويت دبدوووووووووووووبة 16 كيلو
زدت ,على قولة ريلي تبغين تضعفين كنسلي خدامة وحدة و خلي
خدامة وحدة و ساعديها في شغل البيت
((((مستحييييييييييل))))
ما تصدقون وزني كان 62 استويت جريب الثمانين يعني امتن من
ريلي المسكين بس شو اللي صار؟
وحدة من الخدامات سافرت على اساس ترد بعد 3 شهور و الثانية
اللي توها كانت رادة من سفرها ثاني يوم شردت:
و طبعأ من الكراف في الحمل خفيت شوي و لكن بعدني كنت
دببببببببببببببببببة!
بعد الولادة ب 4-5 شهور ما كان عندي ثياب قدي و البناطلين بس
كنت اروم البسهم و ارفعهم لين الركب:(
سجلت في نادي صحي و كل يوم هجووووم الى النادي
اكثر شئ ضعفني جهاز المشئ مع السباحة و طبعأ كنت اسوي
بعض الاجهزة للريول و الايدين و مرة في الاسبوع ايروبيك و نسيت
اخبركم بالنسبة للرجيم مخففة اكلي
اكل 5 وجبات خفيفة و تقريبأ كل شئ لو فات بس اكل كل شئ
يعني بس مقللة المقدارو الان الله يحفظ ولدي له سنة و انا
احم احم:
ضعفانة و سايرة رادة اتدلع و ما مصدقة عمري بس لاسفف ملابسي
مال قبل وساع على:
قولوا ماشاءالله يالله بسرعة ههههههههههههههههه
المهم في الاخير انصح كل وحدة تتحرك حتى لو عندها 5 بشاكير
ترضع عيالها طبيعي ان الله مقدرنها
و ما تنسي التمارين الرياضية
و في الاخيييييييييييييير ما تقول يا بوي خلاص تزوجنا خلنا متان لا و
الف لا
اضعفي و شوفي نفسيتج كيف بتتغير و ما في شئ اسمه
مستحييييييييييييييييل
و السمووووووحة على الاطالة