شو جدولج اليومي في البيت هل تشتغلين في البيت ولا الخدامه هي اللي تسوي كل شيء ؟
هل تتابعينها واتمين وراها في النظافة وغيره ولا خلاص هي اتعرف شغلها ؟
هل عندكم يوم في الشهر للتنظيف العميق مثلا الكبتات والستاير وغيره ...
عرض للطباعة
شو جدولج اليومي في البيت هل تشتغلين في البيت ولا الخدامه هي اللي تسوي كل شيء ؟
هل تتابعينها واتمين وراها في النظافة وغيره ولا خلاص هي اتعرف شغلها ؟
هل عندكم يوم في الشهر للتنظيف العميق مثلا الكبتات والستاير وغيره ...
هلا
اشحالج
مساء الخير
عن نفسي انا فالدوام ساكنه مع اهل زوجي عندي قسم روحي
وروحي انظف ورتب بس قولي الخميس انظف تنظيف شامل للملحق وان شاءالله فالمستقبل بييب خدامه لاني ما بيها الحين يمكن يمكن بعد ما ربي من اكيد لاني من الصبح الين 4 فالدوام وريلي اسبوع باسبوع دوامه
السموحه طولة عليج
بس قلت محد رد خليني ارد واسولف شوي لاني ملالالالانه واايد
عندي خدامتي:
بس انظف من وراها
واراقبها
واعلمها الاشياء الغلط
كل يوم..واحاول اني ما اعصب عليها وماشي الحال اللهم لك الحمد والشكر معاها
بس المسؤولية كبيرة علي انا اكثر
والحين ارتب في بيتي قبل الولادة واتعرفين اثاث يديد وتنظيف يديد..فلازم اعلمها من تخش بعض الاغراض..او تتراكم وانا بروحي ارتبها معاها
البيت يباله حرمة البيت تهتم ما تعق الشغل على الخدامة وخلاص..
انا عندي خدامه بس ما اعتمد عليها لازم اتم وراها وكل اسبوع عندي حملة نظافه يعني الاسبوع الاول مطبخ
كامل تنظيف الاسبوع الثاني البيت من كبتات شبابيك ستاير كل شيء والاسبوع الثالث الحمامات من فوق لتحت تنظيف والاسبوع الرابع الحوي والحديقه
الصراحة :
راكنه كل شي ع البشكارة
مالي خلق انا
كله احس بدوخة وكله ابا ارقد
انا برووحى أنظف البيت
ما عندى خدامه لان بيتى صغير ملحق
والحمدلله اقوم الصبح كل يوم وأغسل وأمسح
والتنظيف العميق كل أربعاء خصوصن للمطبخ
طبعا انا وايد اهتم بالنظافة عشان جيه كل مايبت خدامة وديتها ههههههه
لانه ترتيبهن اي كلام وانا ماحب جيه
حاليا بدون خدامة والله يعيني ويديم عليه نعمة الصحة وراحة البال
طبعا مااقولكم عن التفاصيل واااااااااايد اهتم فالتفاصيل
الادراج
الدرايش
الستتاير
الرفوف
الشراشف
كبتات المطبخ
المراوح
اتمنى استوي وحدة ماهتم عشان اريح عمري
بس ماقدر
اكيد اي وحدة تنظف بيتها تنظيف دقيق في الاسبوع مرة اواسبوع بعد اسبوع لان الشغالة تهتم بالاشياء الخارجية والداخل يعلمة الله لازم تصيرين وراها هي ماتخلص لج مرة لانة مب بيتها لوبيتها كان شفتي الاهتمام ولاشي يخرب ولاينكسر 0
انا ساكنه و يا اهل ريلي
و انا انظف مع الشغالة في قسمي
تنظيف شهري : اللوحات و الكبتات و مسح الجدران و اكثر المسح بروحي اسويه لان الخدامه تمسح من دون خاطر (رشت 7 أو 9 رشات بالصابون و مسحة وحدة الفوطة بطرانة)
ولما انتقل بيتي ما افكر تكون عندي شغالة
البشكاره تكون مثل راعيه البيت اذا كانت نظيفه او مهمله اذا راعية البيت ما تهتم بالنظافه شو تتوقعين من البشكاره اخواتي محد يبي التعب والشغالات يحبون الحريم اللي ما يهتمون ولا يسالون والله يعينا عليهم بصراحه اللي عندها بيت كبير وعيال وايد ما تقدر تستغني عنهم والله المستعان