ليالي لبنان // لذيييذ وسهل ومغذي ...
السلام عليكم اخواتي ،، هاي الوصفة جربتها،، طبعا هو سويت شامي ،، وطلعت لذيييذة بإذن الله تعيبكم .. ومغذية في نفس الوقت
ليالي لبنان
(الوصفة ل 4 أشخاص تقريبا )
المقادير:
كوبين ونصف حليب سائل ( أنا سويته من حليب البودر)
نصف كوب سميد
2 ملعقة كبيرة سكر ( أو حسب الرغبة ويفضل عدم تحلية هالطبقة)
2 بيض
ملعقة صغيرة فانيليا
طبقة الكريمة:
علبة صغيرة كريمة غير محلاة (مثل المراعي) 200 مل
ملعقة كبيرة ونصف سكر بودر (أو حسب الرغبة بس لازم هالطبقة تكون محلاة لأن طبقة السميد فيه شوي سكر)
ملعقة كبيرة فانيليا
الطريقة:
حطي الحليب عالنار لين يغلي
في نفس الوقت اخفقي البيض والفانيليا والسميد عدل
خففي النار وضيفي خلطة البيض والسميد على الحليب
وحركي لين يثقل
وصبيه على بايركس صغير لين يبرد تماما
طريقة الكريمة:
اخفقي الكريمة لين تصير هشة وضيفي السكر والفانيليا وردي اخفقي مرة ثانية
طبعا جهزيها وضيفيها لما تكون الخلطة الأولى باردة تماما أو ممكن تجهزين الكريمة وحطيها في الثلاجة لين تبرد خلطة السميد
زينها بالفستق واللوز وحطيها في الثلاجة .... تقدم باردة ...
ملاحظة: في ناس تحط شرائح موز للزينة ، وممكن تخفيف السكر وتقديمه مع الشيرة
وهنا وعافية