تجاربكم مع عربات (قاري) لطفلين؟ (توجد صور)

السلام عليكم خواتي


اتمنى تفاعلكم للضروره و عشان الكل يستفيد

ربيعتي مربيه من فتره و اريد اهديها عربه لطفلين بس محتاره بين نوعين حصلتهن في المحلات

ماعرف شو اللي بتكون عمليه اكثر و اسهل في الحركه

النوع الاول: اللي يكون البيبي الكبير جدام و المولود حديثا ورا. (الكرسي اللي ورا ينزل و يصير مصطح عشان المولود اليديد) انا حطيت في بالي هاي بتكون عمليه لانها مب عريضه. عرضها نفس العربه العاديه للطفل الواحد بس انها بتكون اطول (ههه مثل الباص) بس خفت تكون ضيقه عاليهال. او كتمه للياهل اللي ورا......مادري والله
بس ميزتها يوم تتسكر تكون صغيره و طولانيه.

http://img805.imageshack.us/img805/3...19596768dt.jpg

================

النوع الثاني: العربه اللي يكون الطفلين عدال بعض. من شكلها حسيت عيبها انها عريييييييضه وايد يعني لو مشت في المحلات ما بتروم تتحكم فيها و تمر بين الاغراض (><) انا شفت وايد ناس عندهم هالنوع بس مادري احسهم متلعوزين و ما يروم يتحركون بحريه داخل المحلات و الاماكن الضيقه الخ. و جربتها في المحل حسيت حركتها صعبه.
عيبها يوم تتسكر وايد كبيره و عريضه بتاخذ مساحه كبيره في دبة السياره اذا ما خذت المساحه كلها.....

http://img708.imageshack.us/img708/3...19596773dt.jpg



الحين اتمنى اسمع تجاربكم او تجارب ناس تعرفونهم ما با تقول احس ولا اتوقع

لاني فوق ذكرت ملاحظاتي عليهن ولو بستعيل قلت باخذ اللي طفل ورا و جدام

بس قلت بسمع خواتي بعد و خبراتكن

اريد تجارب لو سمحتوا


- شو الاحسن من ناحيه سهوله الحركه للوالدين اللي بيدزون العربه؟؟

- و مدى راحتها لليهال اللي راكبين فيها؟؟؟

- يعني تحسون الاولى بتكون مريحه و ملمومه للبيبي اليديد؟؟




كل وحده تسدج تجربتها او تجربة حد تعرفه بالفاصيل لو سمحتوا و فيدونا:112:

هلا حبيبتي
انا عندي نفس الصوره الاولى ..
احس انها عمليه اكثر
لان النونو بيكون ورا و البيبي العود جدام
و بهالطريقه البيبي العود ما بيضرب او بيلعوز الصغير ..


اما اذا كانو حذاال بعض ... الله يعيين ..
البيبي العووود مووول ما بيخلي البيبي الصغير على راحته ..

هاي تجربتي ..
و من ناحيه الحركة ..هي صدق شوي صعبه في الدز ..
لان ما شاء الله 2 يكونون فيها و مع اغراضهم بعد .. فهالعيب الوحيييد الي فيه ..

و السموووحه

اعتقد اول وحدة عملية اكثر..
واتشاور اخذ مثلها ورحت شفتها فبيبي شوب..
عندي من اول مثلها بالضبط بس مال بيبي واحد..
جدا مريحة للبيبي.. وايد نافعتني وتشل وايد اغراض للبيبي..
بنتي كانت ابدا ما تحب تيلس فيها احين شافت احط البيبي غارت وتيلس هي فيها..
لكن ترددت لان اللي عندي تاخذ وايد مكان فالسيارة وثقيلة واتلعوز فيها احيان ما اروم امر او ادش اي مكان لانها عريضة .. قلت عيل كيف مال 2!!
ومرة شفت اجانب يدزون شراتها ومن ورا مركبين قطعة واقف عليها الياهل الـ3 كبير..
اشوفها هي عمليه اكثر من ثاني وحدة..

العنوود:: مشكوره غناتي على طرح تجربتج

الدانة:: هيه قصدج عندج ماركة غراكو بس مالت بيبي واحد و تتشاورين تاخذين اللي مال بيبين؟ انا ترا جيه افكر اخذها لربيعتي لانه عندها بيبي عمره سنه و شهرين و توها مربيه. و تعرفين العيال يبون عربه لين تقريبا 3 ولا 4 سنين لانهم ما يحبون يمشون في المولات بالساعات و الطلعات الطويله.

انا اشوف وايد ناس عيالهم ب 4 سنين و يركبون جدام و يكون في بيبي رضيع وراء. مرات افكر اوقفهم و اسال لو مرتاحين مع هالنوع من العربات هههههههههههههه بس استحي

النوع الاول افضل:)

هيه فديتج عندي عربة غراكو مال بيبي واحد..
بنتي عمرها ٣ سنين تتعب بسرعة.. ابدا ما كانت تيلس فيها واضطر اشلها ..احين استخدمتها للبيبي وحلت بعينها >_<
ههههههه وحتى انا ابا اسأل واستحي.. لكن وايد اشوف شراتها وشرا اللي عندي..
انا رحت بيبي شوب وخليتهم يصكرون العربات عشان اشوف كيف حجمها وهي مصكرة وحطيت البيبي فيها عسب اشوفها مرتاح ولا.. حسيته مرتاح..
بس ما خذيتها ما كنت رايحة ويا ريلي وهو دوم يحتشر لان اللي عندي كبيرة ويقولي ما حصلتي غير هاذي.. خفت اصدمه احطه امام الامر الواقع باليديدة ويصدمني هو اكثر انه يفرها بالزبالة عزج الله..!
من ناحية مريحة اعتمدي وايد مريحة..

اقتباس:

---

المشاركة الأصلية كتبت بواسطة الدانــة

هيه فديتج عندي عربة غراكو مال بيبي واحد..
بنتي عمرها ٣ سنين تتعب بسرعة.. ابدا ما كانت تيلس فيها واضطر اشلها ..احين استخدمتها للبيبي وحلت بعينها >_<
ههههههه وحتى انا ابا اسأل واستحي.. لكن وايد اشوف شراتها وشرا اللي عندي..
انا رحت بيبي شوب وخليتهم يصكرون العربات عشان اشوف كيف حجمها وهي مصكرة وحطيت البيبي فيها عسب اشوفها مرتاح ولا.. حسيته مرتاح..
بس ما خذيتها ما كنت رايحة ويا ريلي وهو دوم يحتشر لان اللي عندي كبيرة ويقولي ما حصلتي غير هاذي.. خفت اصدمه احطه امام الامر الواقع باليديدة ويصدمني هو اكثر انه يفرها بالزبالة عزج الله..!
من ناحية مريحة اعتمدي وايد مريحة..

---

هيه الغاليه مشكله ماركه غراكو اللي مال بيبي واحد يوم تتسكر تصير مسطحه بس مربعه (عريضه) و انا احب العربات اللي تتسكر وتصير طولانيه مثل الامبريلا.

و هاي اللي في الصوره الاولى مالت غراكوا حق طفلين يوم صكرتها طلعت اكبر بعد (اخس شي انه الرياييل هم اللي يتعبون معاها و يتحرطمون) مابا اهديها شي ضخم و اطيح بجبدها

ف شفت مالت جونيورز نفس الحركه بس خليت راعي المحل يسكر لي مالت جونيورز وايد كومباكت حسيتها يوم تتسكر تكون بشكل طولي.

الصراحه حسيتها افضل عن غراكو مع انه غراكو اوسع شويه و ماركتها افضل طبعا.

و على فكره يوم ربيت بولدي خذت عربه من ماماز اند باباز و كانت غاليه وايد. ما كملت سنه الا ضاقت على ولدي و تكسرت من الشل و الحط. غير انها كانت ثقيله وتاخذ مساحه كبيره في الدبه و ريلي دوم يتحرطم.

عقبها خليته هو يروح و يشيك العربات كلها في مذركير و بيبي شوب و رجعلي بعربه جونيورز و الله انها مالت كد لو انه شكلها عاديه.

الحين ما يهمني ماركه غالي ولا رخيصه اهم شي عندي انها تكون عمليه و ما تاخذ مساحه كبيره في الدبه و تتسكر بسهوله و ها كله لقيته في عربه جونيورز (و انا مجربه ماماز اند باباز/مذركير/شيكو)

اللّهم انا نسألُك أن ترزُقَنا حبَّك.. وحبَّ من يُحبُّك
وحبَّ كلِّ عملٍ يُقرِّبُنا الى حبِّك
وأن تغفرَ لنا وترحمَنا
واذا أردت بقومٍ فتنةً فاقبِضْنا اليكَ غيرَ مفتونين
لا خزايا و لا ندامة و لا مُبَدَّلين
برحمتكَ يا أرحمَ الراحمين

اتمنى اشوف تفاعل اكبر مع الموضوع....

رفع فوق

مرحبا انا اول ماحملت رحت دبي مول دخلت محل محل للعربانات شفت وايد عربات في محل يبيع اللي ب3 تواير يكون الكبير فوق والصغير تحت حلوه وخفيفه بس مشكلتها لصغير ماتنسدح لازم اتشلين الكرسي وتبدلين حستها صعبه شوي اخر شي خذت مالت مذركير وايد حلوه ويومم اتسكرينها اتكون طولانيه مب عوده شوفيها فالكتلوج مالقيت صورتها 45 رقم البيج ممكن تشوفينها فالمحل

اقتباس:

---

المشاركة الأصلية كتبت بواسطة uae1ad

مرحبا انا اول ماحملت رحت دبي مول دخلت محل محل للعربانات شفت وايد عربات في محل يبيع اللي ب3 تواير يكون الكبير فوق والصغير تحت حلوه وخفيفه بس مشكلتها لصغير ماتنسدح لازم اتشلين الكرسي وتبدلين حستها صعبه شوي اخر شي خذت مالت مذركير وايد حلوه ويومم اتسكرينها اتكون طولانيه مب عوده شوفيها فالكتلوج مالقيت صورتها 45 رقم البيج ممكن تشوفينها فالمحل

---

مشكوره حبيبتي على الرد

هيه شفتها مالت مذركير شرات مالت جونيورز يوم تتسكر تكون طولانيه

شكلي بروح مره ثانيه بقارن بين الثنتين و بتوكل و اخذ

صح الغالية نحن دايما نفضل ناخذ الشي الغالي ونقول انه بيكون الافضل لكن مب دايما يكون جي..
واحيانا ما تكد وتخترب بسرعة..
وصدقج الريايل لازم يتحرطمون ع العربة .. حتى الوالد ما سلمت منه هالعربة هذاك اليوم خلاني ادش مذركير واختار اصغر عربة عندهم قالي يالله خذي هاي احسن..
ما جربت جونيرز لاني بشكل ما احب اغراضهم ما اعرف ليش هههههه .. بس عندي طاولة التغيير مالهم..
دامج شايفتنها وعايبتنج وشفتيها.. توكلي وخذيها..
او شو رايج تسألين ربيعتج بطريقة غير مباشرة انها لو بتشتري عربة اي وحدة بتاخذ..
جي بتضمنين انها بتعيبها وتستخدمها ما بتم بكرتونها فالستور..

صراحة حمستيني اروح اخذ مال 2 ^____*
شكلي انا اللي احتليت موضوعج وكله ردودي ههههههه

فديتج الدانه ما قصرتي بالرد و رفع الموضوع

هيه انا سالتها عادي عندها جونيورز لانها تاخذ من اغرضهم ماعندها مشكله هي وايد عمليه المهم عندها تادي الغرض.

انا شراتج ماحب اغراض جونيورز وايد مستهينه بها هههههههههه بس ريلي هو اللي يدز العربه و هو اللي يشل و يحط ف اهم شي عندي يكون مرتاح وراضي وولدي الحمدلله مرتاح بعربته و لو انكسرت ولا صار لها شي ما بنتحسف لانها رخيصه مع انها ماشاء الله كملت سنه و نص و كادينها كد ماشاء الله.

قلت بلقي نظره اخيره على العربه مالت نفرين في مذركير لو نفس مواصفات جونيورز بالضبط احتمال اخذها لها عالاقل بتكون مذركير.