خواتي كيف تكون ترتيبات حفلة الخطوبة ؟! .." الخطوبة مب الملجة "
مرحبا
شحالكن خواتي ؟
اليوم عندي استفسار و ان شاء الله تساعدوني ..
وحده من رباعتي فديتها انخطبت الله يوفقها و يتمملها على خير و عقبال كل البنات وانا وياهم ^_^
بس بسبب دراستها و ظروف خطيبها لأنه يبني بيت المستقبل بتكون الملجة بعد سنة ان شاء الله و العرس عقب الملجة بـ شهرين
الحين هي ما تدري محتارة تسوي حفلة خطوبة صغيرة بين الاهل بما انه باقي واايد عن الملجة ؟! ولا تكتفي بالخطوبة الرسمية بين الرياييل ؟
نحن في سلومنا ما عندنا حفلة خطوبة و ما سويناها ولا مره لان الملجة تكون عقب الخطوبة بـ اسبوعين ولا شهر بالكثير يعني لين ما يتفقون الطرفين و بعدين يملجون و ثاني يوم تكون حفلة الملجة .. عشان جيه ما قدرت افيدها :(
و بعد تبغي تعرف اذا بتسوي حفلة الخطوبة تكون كبيرة ولا على الضيق يعني ؟ و شو تلبس ؟ و كيف الترتيبات ؟ و طبعاً ما بيدخل خطيبها لأن بعدهم مب كاتبين كتابهم و مب محرم عليها .
ان شاء الله تفيدونها و انا قلتلها بنات المنتدى فديتهن ما بيقصرون وياج ^.^