المشاركة الأصلية كتبت بواسطة شعاع امل
هو بصراحه التلفزيون بشكل عام يايهدم يايبني
يعني الحمدلله وانا وصغير التلفزيون كان بس محطات رسمية بس ورسوم على الساعه اربعه العصر واخبار وبرامج وثائقية وبعدين المسلسلات والافلام الاجنبية كلها مسوى لها خذف خاصه المشاهد الغلط وشوية افلام هندية (وهي ترى غلط بعد بس كنا نشوفها ونحب قصص الحب فيها عشان المراهقه بس غلط)
وانتشرت على يامنا المسلسلات المكسيكية كسندر ومااعرف مريمار ولا مرسيدس
بس اللحين صار في تطور تركي:)
ولكن المسلسلات هذي فعلا تخدش الحياء ومشكله لان ياما طالبات تركن دروسهن بسبب مشاهد الحب الي فيها وهن كانن احسن بنات وجي
وانا اشوف اغلب البنات لبسهن صاير غلط بسبب المسلسلات لانهن يقلدن والامهات في منهن يسايرن يقولن حرام بنات وجي ومراهقه
بس في حدود
حتى المشاهد الساخنه مافي لها حذف:(
حتى الفقير صاير يحب يساير ويسوي الي يشوفه في المسلسل والاحلام ورديه
وللحين مب عارفه شو قصة الحب الموجوده في مهند ونور
يعني هو شو سوى لها يعني
كلام حب ولا شو بالضبط
عشان يشتهر المسلسل رغم انه شخص مغمور كممثل في تركيا وانا اتكلم عن مهند
الا ان الناس عندنا يحبون التفاهات وهذا شي يخوف
ودليل على انه في خواء عاطفي في المجتمع !
لان شريحه الغالبه هي المراهقين والمراهقين يحبون هذي الاشياء بسبب ان المجتمع مسكر في هذي الامور
حتى الكلام عنها يعني اي شي يصدقونه!
لان مافي ثقافه بس كبت