هل يمكن الغاء الطلاق في المحكمة لو تبين انه في شك من وقوع الطلاق ؟؟
السلام عليكم
حبيباتي انا في حيرة من امري ..وماصدقت اني القى امل انه ممكن ارد لزوجي ..
ما بطول عليكم وبخبركم السالفة بختصااار لأني أبغي جواااب شافي منكم الله يرضى عليكم ..
خواتي انا اطلقت من زوجي من شهر وكانت الطلقة الثالثة وكانت فيني العادة عزكم الله ..
واليوم الثاني سألنا في خط الإفتاء وقال لنا الشيخ انه لا يقع ويوم سأل ريلي في المحكمة قالوله الطلقة تنحسب واخذ موعد في المحكمه وثاني يوم سرنا المحكمة عشان إجرآات الطلاق واتفقنا بس على النفقة وهالسوالف بس ماقلنا انه يوم طلقني كانت فيني العادة وطلع الورقة ووقعنا على الأوراق وامس استلمنا ورقة الطلاق ...الطلاق صار في لحظة غضب وما كان له داعي ابد ..وحتى الطلقة الثانيه كانت سخااافه الله يهديه وطلعت منه فجأة ويوم قالها انصدم وثاني يوم ردني بس ماسرنا المحكمه يعني بينا لأنه يوم سأل قال مب لازم تردها من المحكمه ...
ومن البارحة وأنا ادور في النت ولقيت فتاوى لشيخ ابن عثيمين وابن تيمية وابن باز انه طلاق الحائض ما يجوز وانه مخالف للشرع وما يعتبر صحيح ...يعني لو سرنا المحكمة عشان نلغي هالطلاق ممكن انهم يلغونه ولا كيف ...دخيلكم ساعدوني انا مابغي اطلق منه حرام حياتنا تنتهي على سخافة وساعة شيطان ..
اللي تعرف حد صار له مثل هالسالفة ولا انه ممكن اسير حق حد ونرمسه في الموضوع وبيساعدنا تخبرني الله يجزاكم الخيير ...
