تجربتي في الولادة في مستشفي برجيل
السلام عليكم
بما اني في فترة حملي كنت اتابع المواضيع اللي تخص الحمل والولادة ومريت ع مواضيع فيها تساولات عن مستشفي برجيل
انا ولدت ولله الحمد في تاريخ 22\5 \2013
والحمدلله كانت ولاده مسهله من رب العالمين>> ولله الحمد
وكل شي كان ف المستشفي فوق الممتاز الغرف والعنايه بعد الولادة
لكن<< اثناء الولادة الفجر ماكان حد مناوب في قسم الولادة الا قابله معاها مساعده وكنت انا اولد وفي نفس اللحظة حرمه ثانيه تولد وانا طلع راس البيبي وماكان عندي حد وعقب يتني القابله وهي شاطرة الصراحه قدرت تسيطر ع الوضع << وبعدها يت الدكتورة<<
رد: تجربتي في الولادة في مستشفي برجيل
الحمدلله ع سلامتج بس منو كانت دكتورتج
رد: تجربتي في الولادة في مستشفي برجيل
الف مبروووك
و الحمد لله ع سلامتج
رد: تجربتي في الولادة في مستشفي برجيل
الحمدلله عسلامتج و سلامة البيبي
و الله يجعله ذرية صالحة و بارة لوالديه
رد: تجربتي في الولادة في مستشفي برجيل
الف الف الف مبروك
والحمد الله علي سلامتج :31:
عندي سؤال كيف الدكاترة طيبين
وكيف حسيتي خبرتهم ؟؟ :21:
رد: تجربتي في الولادة في مستشفي برجيل
الحمدالله على سلامتج
كيف حسيتي المستشفى في اهتمام و يسوون سالفه و النيرسات كيف حسيتيهن شاطرات
و منو الدكتوره اللي يتج و خياطتها كيف
رد: تجربتي في الولادة في مستشفي برجيل
الحمد الله على السلامه ومبروك ما ياج
الأخت تقولكم طلع الرأس ومحد عندها بعدين يتها القابلة
هذي اللحظه المفروض حد معاها سبحان الله ربت والموضوع حرج المفروض حد ع راسج برأيها قابله بس تكون معايه
الصراحه خواتي لاتزعلن هو المكان نظيف وتحسين كانج في فندق بس المهم الرعايه وهوه الصراحه في عيب وفي خير
رد: تجربتي في الولادة في مستشفي برجيل
الف الف مبروك
حمد لله علي سلامتك ويتربي في عزك ودلالك
رد: تجربتي في الولادة في مستشفي برجيل
اقتباس:
المشاركة الأصلية كتبت بواسطة الغاوية22
الحمدلله ع سلامتج بس منو كانت دكتورتج
الله يسلمج حبيبتي
دكتوره هيام وايد شاطرة كانت في المنطقة الغربيه وانتقلت برجيل
رد: تجربتي في الولادة في مستشفي برجيل
اقتباس:
المشاركة الأصلية كتبت بواسطة fdeet-roo7h
الف الف الف مبروك
والحمد الله علي سلامتج :31:
عندي سؤال كيف الدكاترة طيبين
وكيف حسيتي خبرتهم ؟؟ :21:
الدكاترة وايد ممتازات وسبب تاخر الدكتوره انه القابلة اتصلتلها في وقت متاخر يعني ماتصلت بها يوم بدايت الطلق فلو انتي يكون غندج رقم الدكتوره احسن >> اكثر الدكاتره عندهم ياين من مستشفيات مثل الكورنيش و النور ومستشفيات دبي والغربية وعندهم 9 قابلات يايات من الكورنيش
رد: تجربتي في الولادة في مستشفي برجيل
اقتباس:
المشاركة الأصلية كتبت بواسطة Nano lak
الحمدالله على سلامتج
كيف حسيتي المستشفى في اهتمام و يسوون سالفه و النيرسات كيف حسيتيهن شاطرات
و منو الدكتوره اللي يتج و خياطتها كيف
الصراحة المستشفا نظيف من ناحية غرفة الولادة وااايد كبيره ويعطونج معاها غرفة في الطابق الرابع للمرافق معاج لو بيرتاح او شي >> واول ماتولدين دكتوره الاطفال تكون موجوده ع طول تجيك ع البيبي << والغرف وايد كبيره وكل شي ضمان يغطية ماعدا الغرف الرويال وغيره<< والاهتمام مثل مستشفيات الكرنيش << وبخصوص الخياطة سوتلي دكتوره هيام تجميل وخياطتها ممتازه ورحت اجيك عند ناديه قالت انه الخياطه مضبوطه
رد: تجربتي في الولادة في مستشفي برجيل
الحمدلله على سلامتج وسلامت البيبي
بس صدق موقف يبالنا التفكير فيه ....
رد: تجربتي في الولادة في مستشفي برجيل
ألف الحمدالله على سلامتج ومبرووك ماياج ...
و جزاك الله خير على طرح تجربتج والإفادة ، وأكيد وايدات اللي يسألن ع المستشفي وبيستفيدون مثلي ...
رد: تجربتي في الولادة في مستشفي برجيل
رد: تجربتي في الولادة في مستشفي برجيل
الحمد لله على سلامتكم
وجزاج الله الف خير
الصراحه آنا ناويه اربي هناك وانت طمنتيني